r/exsaudi

مسعده تكفون 🙏

ياخي طبيعي ان دايم يجي عينات تتحرش؟ يعني خلاص مقدر اتحمل بكل طلعه بنجن ترا ، سواء كان مجرد نظرات مزعجه او تلفظ مثل ياحلوه ولا اوصلك؟ ولا غيرها ، المشكله لابسه عبايتي وحاطه طرحه براسي ، اعرف ان العبايه مالها دخل بس ايش اسوي وش الحل مابي احد يناظرني حتى ، وبرضو فيني رهاب اجتماعي متحمل احد غريب يكلمني او يناظر او يقربون مني ، والله جد يعني يعطوني احساس اني بائعه هوا ، متى بعض الرجال يوقفون يناظرون ويتحرشون كان ماقد شافو نسوان ، احس الموضوع ذا صار ممل ومتكرر بسوشل ميديا وبرا بس صدق ياخي خلاص حلو عني ودايم اول ماارجع البيت اندم اني طلعت وتجيني شعور ضيقه ماابالغ ، بس يعني كيف ابدا اتعايش مع ذا الوضع وكيف اتعامل مع العينات ذي لان تعبت وانا اقعد اصورهم وابلغ ، ومره بلغت على شرطه لان واحد يلحقني بسيارته من بدايه مشواري لين نهايته ، مابي اقضي اجازتي بالبيت عشان الواطيين الي بشارع

هيلب بليز ايش اسوي

للان ماقد طلعت مع صحباتي او كان عندي قروب اوف فرندز وولان مالقيت فرندز يتقبلوني او احس انتمي لهم احس بإنزعاج يوم اشوف كل الي اعرفهم عندهم اصحاب وناس يكلمونهم كل يوم وامي تشفق علي لان مامعي صحبات وانا اكذب عليها ان معي صحبات بس مابي اطلع معهم ، وصدق يعني وين القاهم بالمدرسه دورت وماحصلت ناس اتعرف عليهم كلهم لئيمين هل في طريقه اتعرف على اصحاب ومااهتم لا بشكل ولا بدينه ولا بمعتقداته ولا بميوله ولا اذا كانو فقراء او اغنياء او غيرها اهتم فقط ان نتقبل بعض ومايحكمون على بعض ، ونطلع ونتجمع بسبوت معيين زي الي بالمسلسلات ، غير ان كل صحباتي مملين ودايم طلعاتهم يا كوفي ولا بمطعم وانا مااحب الاماكن ذي وغير ان قالو لي تغييرت نظرتهم لي بعد ماعرفو اني مب سعوديه من ام واب وحتى بحساباتي الي اضيفهم فيه مااخذ راحتي بربوستات وكمان تغييرت نظرتهم لي لاني ادخن واحس نبذوني ونا دايم الطرف الي يبادر
احس بغصه مااعرف هل لاني مختلفه عنهم وعادي احس بكذا
ولا انا معرفت القى ناس تشبهني او تتقبلني
سنين مراهقتي ضاعت وانا لوحدي وكل طلعاتي لوحدي وافضل اوقاتي لوحدي وتكون طلعات من ورا اهلي بس يطفشش مهما سويت ،بتكون حلوه الطلعه لو مع صحبات
احس اني loser لان من الابتدائي الى الثانوي ونا ماقد طلعت مع اصحاب

يا جماعه مو طبيعي الي قاعدة اشوفه ، كل كلمة يسوون منها قضية وسالفة يعني فرضا انتقدت او قلت شي عالمجتمع يكفرونك ويدخلونك بسين وجيم .

تنتقد اي شي او مثلا تعبر عن مشاعرك يحطونك بخانة الكافر وحتى لو ما كنت كافر ، كلنا تمر علينا افكار بس يعني احس الشي الي ممكن يخلي الواحد فعلا يسحب علي كل شي متعلق بثقافتنا ومجتمعنا انهم كذا . ما يعطون فرصة واندفاعيين انا مره مليت يعني طفشت من وضعية الدفاع المستمر.

لو كنت مسلم كفروك ، لو قلت بعض intrusive thoughts الي عندك سبوك انتقدت المجتمع ولا قلت كلمة بالغلط حاكموك واكاد اجزم انه المجرم يتلقي احترام اكبر مع انه ما قتلت ولا تعديت على احد والكلام ما يأثر أصلا

وش رايكم او تجربتكم ؟

مدري عنكم بس انا في مجتمع جزائري غير متدين بتاتا، ممكن من كل عشرة تلقا اثنين ملتزمين و يصلون اغلب دائرتي ما تصلي تكفر بالله و حتى بيتنا بس امي و ابوي يصلون كل اخواني ما يصلون ما نتكلم في الدين بس عايشين كذا، الحمد لله على نعمته

ماما متعودة قبل لا تطلع تجيني أحصنها

اليوم سألتني ليه ما تستمر التحصينة أكثر من يوم؟ 😂 ليه لازم كل يوم نجددها

قلت لها ترى هي ما تنغسل لما تغسلين يدينك، يعني يمدي تظل للأبد

بس حسيت كان بخاطري اقول اشياء كثير
مثل انه ما تحسين هذا غير منطقي؟
ما تشوفينها مثل التعويذات والكلمات ال"سحرية" اللي نشوفها بافلام الكرتون لما الشخصية تقول كلمات سحرية علشان يصير فيه تأثير محدد؟
ما تحسينه شيء سخيف الله ما يفعّل حمايته لين تقولين له؟ وانتِ طول حياتك وطول عمرك مصلية مسمية، المفروض يحميك بدون لا تطلبين منه يوميا

بداية هذي اول مشاركة لي في هذا المجتمع وحبيت كيف الاراء متباينة ومختلفة عن بعض بدون اي مشاكل و هجوم مثل بعض الاخلاقيات الي تهاجمك بمجرد ما تسأل سؤال عادي بدون ما نذكر اسماء او شيء

انا شخص تخرجت وبتخصص مطلوب في السوق في عام 2016 وزي اي شاب نشيط قمت بالتقديم كالعادة في كل مكان وطبعاً المحصلة الطبيعية هي عدم التوفيق في الحصول على وظيفة بعدها كملت وفتحت لي مشروع بتمويل واستمر معي سنتين الى ان جاءت ازمة كورونا وخسرت وقفلت حالي حال المشاريع الصغيرة ورجعت الى نقطة الصفر وبديت اقدم من جديد لعل وعسى احصل وظيفة تخليني اسدد الديون ولكن للاسف ما لقيت الى ان مرت سنتين وبعدها جائني اتصال من جهة مرموقة لمقابلة وظيفية ومشت اموري لكن وصلت لشرط غريب وهو ان الوزن او كتلة الجسم تكون اقل من 30 قلت تمام واعطوني مهلة وحاولت بكل استطاعتي اني انزل هالوزن لكنه للاسف ما نزل ابداً ومرت المهلة وفشلت في الفحص واعتذروا مني ودخلت في حالة اكتئاب شديد وظليت في هذه الحالة فترة من الزمن وشاءت الاقدار ان وزني ينزل والقى فرصة ثانية لنفس الجهة وبمكان قريب وقدمت عليها واجريت مقابلة ثانية وبعدها ما سمعت منهم شي الى ما يقارب السنة ويرجعون لي يقولون تعال كمل اوراقك ومن هنا وهناك واوراقي تكتمل واباشر بالعمل بعدها بشهر

قصتي فيها يمكن امل ومعاناة لكن هذه المعاناة عشتها على مدى تسع سنوات وكتابتها واختصارها في اسطر ممكن تعطي انطباع للقارئ ان الامر بسيط لكن في الحقيقة كان جحيم بمعنى الكلمة تمنيت امنية اني اموت تسع سنوات عشت كل يوم فيها وانا اتعذب داخلياً احس بروحي من الداخل تنحرق

لو كتبت هذي القصة في مكان ثاني متأكد بشوف ردود انها خيرة وحكمة والتأخير هذا لشيء عظيم واجر ومغفرة وابتلاء !

تسع سنوات كان ممكن فيها انهي حياتي وين الخيرة؟
كل يوم احس بطعنات في صدري وين الحكمة في الموضوع؟
كل يوم اتقطع من القهر وعيوني تحرقني من كثر البكاء مو لحزن بل لغضب على نفسي وكرهي لها والتفسير الوحيد الي بسمعه هو خيرة وحكمة وابتلاء او "تعطيل" كمحاولة لوصف الوضع على انه مرض او علة فيني

ابي بس جواب شافي لاصحاب الحكمة والخيرة

وين الحكمة والخيرة في ضياع نصف شبابي كذا؟
ولا وين الحكمة والخيرة في اني اعيش حياتي متأذي من الناس وفوقها امي تتوفى وانا في عمر صغير جداً؟

الان ما اشوف في الامور حكمة وخيرة بل لابد ان فيه منطق و تفسير واقعي يرضي العقل

جات على بالي اكتب هالقصة لعل فيه احد عنده من المنطق والتحليل ما يرضي تساؤلاتي على الرغم من اني حاليا اعاني من جديد عشان اخلص موضوع شراء سيارة

تقبلوا تحياتي

لو شخص يحتاج شيء يعتمد عليه نفسيا عشان ما ينهار مثل رب يدعي له ويتوكل عليه .. وش البديل له غير الاديان؟ لو هذا الشخص الي مانعه من الانتحار هو الدين و وجود رب وش ممكن نقنعه بغير الدين عشان يقدر يكون قوي نفسيا ويقدر يعيش؟

الناس ما تحب الuncertainty ولا عندهم قدره يتفكرون بالواقع ويفكرون لنفسهم يحتاجون اجابات جاهزه تطمنهم وش بيصير بعد الموت مثلا او يبغون معتقد يجبرهم يتفاؤلون ويكملون بالحياة

وش البديل الافضل من الاديان؟

يعني هو وقف اشياء بالعصر الجاهلي مثل دفن الاناث و كان بيتكلم عن الصدق و الصدقة والاحسان والكلمه الطيبه بس أنا ما اراه طيب وصادق بالكامل أرى ان بزمنه كان بيحاول يصنع شيء صحيح بس ما اصدق انه رسول وانه من عند الله أرى ان الرب يقدر يعمل دين وكتاب احسن من كذا

في اديان بتتكلم نفس الاسلام مثل المسيحيه البوذيه كلها نفس العمله ونفس الهدف بس مو كلها تواكب التطور والعلم الي احنا فيها فمن الصعب انك تآمن فيهم

هل موجودة عندنا في السعودية ، واذا كان كذلك ليش محد يسمع فيها ، النقابات ضرورية جدا في الدفاع عن حقوق العمال ، مهمة لتحسين ظروف العمل ، والأهم أن النقابات تخلي العمال أو الموظفين يكون لهم تمثيل رسمي قدام اصحاب العمل او الحكومة، فهي شيء ضروري في اي سوق عمل!!

أبتدي بنفسي

١ العروبة ؛ أنا عربي ولا أقبل أن أدعى أجنبياً أو أعجمياً أو أياً كان

٢: القضية الفلسطينية ؛ الوقوف مع فلسطين والوقوف ضد إسرائيل وإن تطلب الأمر أقاتل وأموت معهم لأجل الإنسانية لا الإسلام

٣: الثقافة العربية ؛ كلماتي ستبقى الله يقويك، يرحم فلان ، الحمدلله إلخ....

حطيت سجادة بوسط غرفتي باتجاه القبلة وجلال صلاة عشان اللي يدخلها يصدق اني اصلي🙏🏽