r/iraqLetterboxd

مبدئياً لازم يكون نتك ضوئي و ايرثلنك حصراً يعني اذا سوبر سيل ميصير :
١ . تنزل تطبيق ( الوطني )
٢ . تدخل المعلومات و اذا متعرف تروح على ابو النت هوَ يسوي الك
٣ . تروح على الخدمات ( بالشريط الاسفل ) رح تطلع عندك خانه مثل مواضحه عندك بالصور
٤ . تضغط على mbc شاهد و تدوس تفعيل
٥ . لازم تسوي حساب جديد يكون بنفس معلومات اشتراك النت ( يعني الايميل و الباسورد نفسه )
٦ . من يخلص اشتراك شاهد شلون افعله ؟
ج/ تضغط على خانه mbc شاهد و تضغط تفعيل رح ينقلك لكروم او سفاري و ميحتاج ترجع تدخل المعلومات مال حسابك انتَ بس تضغط تفعيل هاهية بعد تفعل

و للعلم صح بي هواية افلام و مسلسلات بس مو كلهن

جاي احجز لفلم سبايدر مان و حجز و اول ما خلصت اكتشفت حجزت الصبح مو بل ليل 🙃، فألي يريد الحجز يراسلني خاص بس اكيد مو ب بلاش، الحجز مقعدين ب آخر سره بل نص
و ويا 2 nachos، مول القاهرة، ارجوكم مساعدة 🙏

داريد احجز على فلم سبايدرمان الخميس بس اريد اشوف الكراسي الفارغة قبل ما احجز اخاف باقية كراسي تعبانة وتنلاص،واني كل ما ادوس على اختر مقعدك يكلي احجز الفلم،اذا ادوسة يمكن راح يقتص من رصيدي عالرقم مو؟

مجرد فكرة انو thats someones life rn تخوف و تزعل بس كلشي مثالي وكانو متصور من تجربه ف 10/10 والنهايه واقعية لان هاي نهاية الادمان

شباب اكو احد متابع هاي التحفه مثلي؟؟

خلي نبدي بالفلاش باك قبل بناء صومعات هيلين ودانيال وصلوا لخيط خطير عن شارلوت وعن منظمة سرية تسيطر على مؤسسات الدولة هاي المنظمة ما أرادت تقتلهم بل تشتري سكوتهم عرضوا على هيلين وظيفة أحسن ولوحوا لدانيال بحرمان أخته من العلاج إذا استمر بالتحقيق بالبداية هيلين كانت الأكثر إصراراً لكن بعد ما شافت نفوذهم خافت وتراجعت بينما دانيال صار تمسك اكثر بالحقيقة لذلك بدأ يعتمد على أجهزة قديمة (وأشرطة كاسيت، والدفع كاش، وسيارة ما إلها أي أثر إلكتروني) لأنه فهم أن كل شيء حديث ممكن يكون مراقب

روبرت سيمز بعد ماعنده ولاء تام لكاميل أو للسلطة عنده خطة ويحاول ينفذها (احتمال سلطة لانه يموت عليها)

من هربت جولييت هو اقنع كاميل انو تلتزم الهدوء وهو يتواى امرها هو بنفسه قال إنه رشح آيمي حتى تكون قريبة من جوليت، وآيمي بدل ما تخدر جوليت كانت تساعدها ترجع ذاكرتها يعني واضح ولاء آيمي لروب مو لكاميل وبعدها العنوان اللي عطته آيمي لجوليت طلع يوديها مباشرة إلى روب وإذا فعلاً كان يريد يقتلها ليش ينتظرها وحده ليش ما جاب جنود أو اعتقلها من أول ما وصلت هذا يعني أن روبرت كان يريد يحچي وياها ويساعدها او يستخدمها لصالحه

نجي لجزء من مسلسل هندي وهو برنارد طلع عايش 🐸فهذا يعني اما واحد انقذه وهاي مستحيل لان شفنا كيف اشرف روبرت على عملية ، ف روبرت ما نفذ القتل مثل ما انعرض إلنا أو على الأقل تعمد يخليه يعيش لأن برنارد يعرف أسرار السايلو كلها ويعرف عن الـ Legacy والـ Safeguardفوجوده حي يخدمه اكثر

حابة اعرفهم رأيكم ووجهة نظركم لهذا الفلم العظيم، بالنسبة الي كلش حبيته واشوفه متكامل إلى حد ما (خايفة اگول متكامل لان اگول خاف متحمسه لان البارحه تابعته) وطبعا اول ما كملته حسيت لازم يدخل بالتوب فور وبالفعل ضفته لان احب هيچ نوعية أفلام بالأخص مزج الفن والتاريخ والفلسفة بهالشكل بالإضافة إلى الديكورايشن والسينماتوغروفي، خله الموضوع يصعب عليه الگه بي عيب ،بس بعدني اتسائل هل عجبني اني لان اني احب الفن بشكل عام ومرتبطه بي لو هوه الفلم اصلا صدگ متكامل وما ينعاب، لذلك ردت اعرف وجهة نظر الاغلب اذا يوافقوني او لا ،لو تشوفوه اوفيررايتد؟

واتمنى للي عجبهم تگولون ليش عجبكم وشنو رؤيتكم اله 🌷

بصراحة ما حبيت موضوع فقدان ذاكرة جولييت. صارلنا سنة كاملة ننتظر نشوف شنو صار بعد ما طلعت تنظف، وشلون راح تتواصل ويه الصومعات الثانية أو شنو راح تكون خطوتها الجاية وبالنهاية طلعوا مسوين لها فقدان ذاكرة وحسيت هذا عطل الأحداث أكثر مما خدمها

أيضاً ما حبيت تداخل قصتين بنفس الوقت. بالنسبة إلي أفضل لو يركزون أكثر على الصومعات وأسرارها لأن هذا أكثر شيء احبه بالمسلسل

أما قصة شارلوت، فإلى الآن ما فهمت شنو أهميتها بالضبط شنو تسجيل اللي سمعه اخوها وليش هيج مهم وهم احسها تعرضت لتقنية محو الذاكرة حتى تنسى واي واحد يقترب من الحقيقة او يبحث شنو صار يبعدوه مثل هيلين أحس قصتها حالياً تشبه قصة جولييت تقريباً

لحد الآن ماحبيت موسم بي تمطيط اهواي