Male - 27
أولًا: معلوماتك الأساسية
كم عمرك، ومن وين أنت؟
(احكِ لنا عن مدينتك، وين ساكن الحين واهلك وين؟، وهل تفكر تغير مكانك لو تم النصيب؟)
-عمري 27 ، مولود بالقصيم-الرس ، ساكن بالرياض واهلي من جهة امي من الرس واهلي من جهة ابوي الله يرحمه من المدينة المنورة
كيف حالتك الاجتماعية؟
(أعزب؟ منفصل؟ كم لك؟ هل فيه أطفال؟ كل اللي تحس مهم نعرفه عن حالتك الاجتماعية)
-أعزب
------------------------⸻
ثانيًا: القيم الدينية والعائلية
دينك؟
مسلم-سني
كيف التزامك في الدين؟
(كيف توصف التزامك؟ صلاتك؟ وحجابك إن كنتِ بنت؟ ايش الاشياء الي ما تقدر تتعداها؟ اوصف بطريقتك)
الحمدلله التزامي متوسط ماني متشدد ابدا ، وصلاتي اللهم لك الحمد مجاهد جدا
علمنا شوي عن خلفيتك العائلية؟
(وش أصلك [اختياري]؟ هل عندك أو عند أهلك شرط قبلي؟ أو عادي الزواج من مختلف الخلفيات)
قبيلي - تكون قبيلية ايضا ويفضل تكون ايضا من القصيم يفضّل وليس اجباري
———---------------⸻
ثالثًا: التعليم والعمل والدخل
وش مؤهلك الدراسي؟ ووين وصلت مهنيًا؟وش طبيعة شغلك؟
(وإذا تحب تشرح لنا طبيعة عملك شوي بيكون حلو! دوامك كيف ثابت او شفتات؟ وبيئة العمل مختلطه؟ تحب تذكر دخلك [التقريبي] أو تتركه لبعدين؟)
بكالوريوس - الحمدلله اعمل في جهة حكومية بمجال التقنية في الرياض - اوقات شغلي مرنه بس غالبا من ٩ الى ٥ مع ويكند طبيعي جمعة وسبت ولكن ضغط الشغل عالي جدا ممكن بعض الايام اتأخر الى ٦ او ٧ على حسب الضغط لكن قليل مو بشكل دائم - البيئة مختلطه لكن الحمدلله بالنسبه لي حاط حدود والكلام لا يخرج عن امور العمل - دخلي الحمدلله كويس
---------------------------⸻
رابعًا: الشكل والحالة الصحية
كيف توصف شكلك؟
(طولك، وزنك، بنية جسمك، لون بشرتك، لو فيه شيء مميز تحب تذكره مثل شعرك، نظارتك، ستايلك، خذ راحتك)
طولي 170 وزني 82 - البشرة حنطيه - جسمي متناسق بس فيه دهون شوي لكن الحمدلله كمية العضل طاغية على شكل جسمي جدا ويوضح اني اتمرن حديد ، اسلوب حياتي قاعد احاول اخليه صحي قد ما اقدر ، كنت سمين جدا كان وزني 125 والحمدلله نحفت الى وزني الحالي 82 وحتى الان انا في نزول وناوي اوصل الى 70-75 كيلو بإذن الله - البس نظارات لكن مو ضعف نظر فقط انحراف بسيط - والستايل الحمدلله احب البس واكشخ.
وصحتك؟
(بشكل عام، تمام؟ أو فيه شيء يحتاج نعرفه)
الحمدلله صحتي ممتازة بفضل الله ثم تمارين المقاومة قلبت حياتي الجسدية والنفسية 180 درجة للأفضل
⸻---------------------
خامسًا: الزواج والأسرة
المهر المناسب بالنسبة لك [التقريبي]؟
يفضل يكون مثل العرف متوسط 50 الف
هل تفكر بإنجاب أطفال؟
(كم تتخيل عددهم؟ وش تصورك عن التربية؟ شارك رؤيتك)
ايه طبعا ، الصراحة ما ودي احط عدد معين ادعي ربي يكونون بصحة وعافية ونربيهم افضل تربية - التربية تكون مشتركة وانا مؤمن ان الاب والام كلهم مهمين وكل واحد له دور مهم بالتربية ، وطبعا افضل تأجيل الانجاب الى سنتين من بداية الزواج
تحب الحيوانات الأليفة؟
(ناوي تربي؟ أو ما تميل لها؟)
احب القطاوة جدددا ، مدري صراحة اشوفها صعبة لأني تقريبا كل ويكند اسافر القصيم لأهلي ، صعب جدا اخلي القطوة لحالها بالبيت
⸻------------------
سادسًا: الاهتمامات والشخصية
الرجاء ذكر أكبر قدر ممكن وبالتفصيل، كل ما حكيت أكثر عن نفسك، زادت فرصة إن أحد يتفهمك ويتواصل معك لأن الصورة بتكون أوضح
احب النادي ، احب الانميات والمسلسلات والافلام ، احب العب بي سي وغالب العابي شوتر وبعض الاحيان تختيم على حسب المود ، كرة القدم اتابعها على خفيف ،
احب الكوميديا السوداء والميمز ، احب السخافه وال dad jokes
انا شخص غالب وقته هزلي واحب الضحك واضحاك الناس اعشق شي اسمه اضحاك الناس استانس اذا احد ضحك (بسببي) وليس (علي) فرقوا بينها تكفون ولكن وقت الجد جد اعرف متى يكون الوقت المناسب للضحك
علاقاتك الاجتماعية؟
(تميل للعلاقات القريبة ولا تحب الدوائر الواسعة؟ كيف علاقتك بأهلك؟ والأصحاب)
ما اقدر اعتبر نفسي اجتماعي لكن دائرة علاقاتي الحمدلله حليله غالبها تكونت بسبب الاصدقاء المشتركين والاهتمامات المشتركة ، اخوياي اغلبهم بالقصيم واجتمع معهم مره او مرتين بالشهر - علاقتي مع اهلي الحمدلله كويسه حنا اصلا ٤ اشخاص امي وانا واثنين من اخواني كلهم بالجامعة وانا الكبير والوالد منفصل عن امي قبل سنه وبداية السنة هذي توفى الله يرحمه
كيف تعيش يومك؟
(وش اهتماماتك؟ كيف تقضي وقتك؟ أشياء تسويها باستمرار أو هوياتك الغريبة أو البسيطة، فضفض براحتك)
روتيني كالآتي: اصحى من النوم اكل شي على السريع واروح النادي اتمرن ، ارجع اتروش واروح الدوام ، ارجع من الدوام اتكي على البي سي العب مع اخوياي او اتفرج على مسلسل او انمي او اتكي على اليوتيوب واذا جت الساعه ١٠ او ١١ واذا خربتها ١٢ رحت نمت ، وطبعا الروتين هذا احاول اثبته قد ما اقدر لكن بعض الاحيان تعرفون يجي ويكند يخرب النوم والاوضاع تتلخبط لكن بالغالب هذا اغلب الي اسويه بيومي
صف لنا شوي من أحلامك أو خططك الجاية
(حياة مهنية؟ شخصية؟ بسيطة أو كبيرة؟ أي شيء تحس إنه يعبر عنك)
حلمي اني اوفر حياة كريمة لعائلتي واهلي وما ينقصهم اي شي ، وعشان احول الحلم هذا لواقع ما راح اخلي اي عقبة قدامي الا واتجاوزها بحول الله وقوته سواء في حياتي المهنيه او الشخصية
وش فيك شيء تحسه يميزك عن غيرك؟
(سواء شي في شكلك، أسلوبك، تفكيرك، أو حتى تصرفاتك اليومية)
الشي الي يميزني عن غيري هو ذكائي العاطفي ، الحمدلله هذي نقطة قوتي الي افتخر فيها بسببها بعد الله اسلوبي وتفكيري وتصرفاتي كلها صقلها ذكائي العاطفي ، ودااايم الاحظ من كلام وتصرفات الي حولي وحتى الغرباء ان ربي الحمدلله رازقني القبول وبعضهم حتى قايلينها بوجهي "انت ربي رازقك قبول" وطبعا مو بطريقه تهكميه اهجد انت وياه هههههههههههههههه
نوع الأماكن اللي تحب تزورها؟
(المدن؟ القرى؟ الأماكن التاريخية؟ البر؟ القهاوي؟ ولا تفضل البيت)
غالبا المدن - البر والقهاوي مب جوي لكن اذا طلعوا اخوياي ما عندي مشكله اطلع معهم
تحس في شيء مهم نحتاج نعرفه عنك وما انذكر؟
مدري صراحة ما يحضرني شي حاليا واذا فيه شي خطر على بالي ذكرته اثناء التعرف
-----------------------⸻
سابعًا: تفضيلاتك في الشريك
كيف تتخيل شريك حياتك؟
(صفاته الجسدية، العمر، خلفيته، طريقة تفكيره، اهتماماته، وش اللي يهمك أكثر شيء)
يكون عمرها من 22 الى 28 - جسمها متناسق - طولها ما يكون اقل من 155 - منقبه ووقت السفر للخارج ما عندي مشكله تتحجب حجاب (صحيح) بدون مكياج ويفضل بكمامه وطبعا ملابس ساتره ، انا شخص صعب علي جدا جدددا ان رجال اغراب يكحلون عيونهم الي جعلها للفقع بجمال زوجتي ما اقدر ما اتحمل ، جمالها لي وحدي انا يا زوجها يا حلالها ما يحق لأي جزمه انه يناظر ويقزقز ، وابي زوجتي تحترم الشي هذا وتقدره واتمنى انه ما تفهم الشي هذا على انه تسلط وتحكم فيها لا والله ما قصدي كذا ولا احب هالحركات ذي ولا يرضيني حتى
-بخصوص الوظيفه ، طبيعي ربة المنزل بتكون الخيار المفضل للرجل لكن انا متفهم جدا ان ممكن الفراغ يكون مزعج لبعض الاشخاص ومتفهم جدا ان بعض البنات يهمها موضوع الوظيفه عشان لا قدر الله وحصل انفصال ما تكون عاله على اهلها وتكون الوظيفه سند لها وقت الحاجة لكن ما عندي مشكله بالوظيفه اهم شي ما يكون دوام شفتات يكون دوام طبيعي نفس دوامي عشان نداوم ونرجع مع بعض ويصير لنا وقت لبعض ، ولكن! ولكن! ولكن فيه شرط جدا مهم وهو ان الوظيفه ما تكون اولويه على البيت بمعنى ، مثال: انطلب منك تشتغلين اوفرتايم او تداومين بالويكند او ممكن جتك ترقيه لمنصب كبير مديرة قسم مثلا والمنصب هذا فيه ضغط اعمال بيأثر على تركيزك ووقتك للبيت انا متوقع منك انك بترفضين هذا كله ليش؟! ، لأن الكد والكرف والسعي للمناصب هذا من مهمتي انا كزوج لأني انا الي راح اصرف على البيت واعيشكم حياه كريمة هنيه ومريحه واي شي بخاطركم اوفره لكم.
لو الشخص عنده ظرف صحي بسيط أو مزمن، عندك مانع؟ أو يعتمد على الحالة؟
-يعتمد على الحالة
شي تتمنى شريكك يفهمه عنك؟ (شي تحس كثير ما يفهمونه أو يسيئون فهمه عنك)
الطيبه و الحِلم والتغافل لا تعني الخوف والضعف والهطافه.
إذا تخيلت شريكك المثالي، وش الصفات اللي تتمناها فيه؟
تكلم براحتك، صفها بطريقتك
- ذكية عاطفيا و اهههمممم شييي تكون اهتماماتها نفس اهتماماتي او مشابهه لها عشان نسوي كل شي مع بعض ونلعب بي سي مع بعض ونتفرج انميات ومسلسلات مع بعض ونستانس مع بعض ونفهم بعض وبكذا بناء علاقتنا بيكون اسهل واسرع - تضحك لي حتى لو قلت شي تافه وسخيف مابي وحده نفسيه وتزبد وطول وقتها جديه وثقيله ابعدوا عني تكفووون ، اكره الثقل اكرررهه ابيها تكون خفيفه علي انا يا زوجها فقططط ابيها تموت فيني واصير السوبرمان بحياتها ،
تكون clingy
لكن مو بزيادة ابيها تعرف متى تكون كلنقي ومتى ما تكون ، احتاج عااااطفففه الجفاف العاطفي لاعب فيني لعب احتاج اذا رجعت من الدوام هلكااان استقبال بالاحضان لمدة لا تقل عن ساعة بشكل يومي - وبخصوص علاقتها مع امي واهلي ابي تكون كأنها بنتها وتعامل امي كأنها امها ، الوالدة كانت تتمنى بنات لكن ربي ما رزقها الا بثلاث عيال فقط ابي زوجتي تعشق امي وتحبها كأنها امها مابي تكون علاقتها رسميه وجافه هذا رعببي رعبببيييي وانا الحمدلله واثق من امي بتكون احسن ام زوج بالعالم بحول الله وقوته.
شكرا لكم على حسن الاستماع والمعذرة على الاطالة 🙏🏻