r/zwajforsaudis

مساء الخير،

قبل أكثر من ٥ سنوات، صار لي حادث شوي بسيط، لكن انكسرت يدي بسببه وسوّيت عملية، وأثر الندبة باقي منها شوي.

أذكر من عقب ما صحصحت من المخدّر -ويدي لا زالت الخيوط والجبيرة فيها-، جات خالتي تزورني، وحرفيًا أوّل شيء قالته "وييي مسكينة شلون بتتزوّج ويدها فيها خياطة!" هممم ما ودّك بالبداية تتحمّدين لي بالسلامة؟

أنا وقتها كنت صغيرة، وكان أوجعني فكرة إن هالكلمة جاية من خالتي (أحد أقرب الناس)، وأنها -في لحظة ألم- اهتمّت بنظرة الرجال -مستقبلًا- لي ومدى مثالية جسمي بنظرهم، وما شافت الموضوع من زاويتي وراعت الوقت والتزمت بآداب الحديث -عمومًا- ثم لكلّ حادثٍ حديث.

بمعنى مشكلتي مب بس مع المحتوى، بل إن الأولوية كانت مغلوطة كليًا. أنا أصحى من عملية، وأوّل ما يطرى ببالها هو كيف أبدو لرجل مستقبلي ما يدري عنّي…

أنا أتفهّم الاعتقادات الراسخة بأذهانهم آنذاك (BTW هي مب كبيرة مرّة، بس أتفّهم)، وأعتقد أيضًا قالتها خوفًا علي، بس خانها الأسلوب وفارق الوعي بيننا الاثنين؛ بالتالي، خرجت الكلمة منها وكأنها تقييم لسلعة.

عمومًا، شلت الخياطة وجرحي طاب -الحمد لله-، لكن بقى أثر وهذا جدًا طبيعي وأنا راضية عنه تمامًا. بس بين فترة وفترة أستذكر كلامها، وإنها أكيد مب وحدها اللي تفكّر كذا من النساء، ناهيك عن الرجال.

ليش تُصعَّب الأمور ويُنظَر للبنت كقطعة مثالية تمامًا خالية من أي شيء؛ خالية من الندوب، الجروح، آثار الحروق، آثار الخياطة، علامات التمدّد… وإلخ؟

ليش العيوب الطبيعية أو الآثار الناتجة عن حوادث وأقدار نعيشها، تُعامَل كأنها "نقص في الأهلّية للزواج" أو عيب مصنعي؟

هل هذا الفِكر والمنظور الاختزالي باقي موجود وبقوّة في مجتمعنا، أم أن الوعي والجيل الجديد بدأ يتجاوز هذي السطحيّة ويفهم أن الندوب جزء من طبيعتنا البشرية (؟) الصراحة ما أدري، لكن أقدر أقول إنّي لا زِلت أشوفه.

السلام عليكم، انا شاب بدخل ٢٥ ان شاء الله ولي حول السنة ادور. للأسف ما كان فيه ذيك النتايج واغلبها كانت بسبب صغر سني (مع اني ما اشوف اني صغير) وغالبا ما تكون البنت يا أكبر مني (وما اشوفه عيب) أو توها قاعدة تدرس.

السؤال هنا هو وش تشوفون الطريقة المثلى؟ انا اعرف ان البنات ما يحبون يتزوجون اصغر منهم، وبنفس الوقت ما يبون يتزوجون وهم يدرسون، وانا الصراحة ما ادري وش اسوي هل انتظر كم سنة لين يتخرجون الي اصغر مني ولا ادور بطريقة ثانية ولا وش.

انا من نجد (الرياض) وإلى الآن طريقتي تقليدية، اذا فيه اي نصايح بكون لكم شاكر، عسى الله ييسر لكل منا نصيبه.

the amount of signs that i’m seeing about me getting married before the end of 2026 is actually crazy… i feel like i’d freak out if that actually happens
بس الصدق i hope so لان بديت اطفش من الانتظار🤨

شباب عندي سؤال.. هل طبيعي ان تروح تخطب وبعد الشوفة الشرعية وقبل عقد القران تطلب تواصل مع البنت لغرض التعارف وتكلمها كم يوم وبعد اسبوع من المكالمات تبدأ البنت تبادر وتتكلم معك بكلام يعتبر جنسي وحميمي؟

بصراحه موضوع سبب لي استغراب وباخذ رأيكم بكل حياد
هل الموضوع طبيعي ولا انا مكبر الموضوع

اهلا انا قريب رح اتم ال٢٥ وغالبا الان بديت افكر بالزواج بشكل جدي واعطيه من وقتي وافند انا ايش ابغا من الزواج؟ وليش ممكن اتزوج من الاساس؟ طول عمري ما كنت معطيه الزواج مساحة لا بحياتي ولا بعقلي، لان ما عمري فكرت اني اصير ام، والى هذا العمر الفكرة غير محببه عندي حقيقة. معضلتي الان متخوفة من انو فكرتي للزواج ما تتماشى مع المجتمع واحتمال كبير انو ما الاقي شخص يشاركني نفس الفكر، انا فقط احتاج شريك لحياتي بمعنى كلمة شريك ما ابغا احد فينا ينسى حياته او يضحي ب اجزاء مهمة من حياته، احتاج كل شخص يحافظ على كيانه بعلاقتنا وما يحاول يغير بالثاني او يتحكم فيه. ابغا بس حياه مريحة فيها مودة مع انسان واعي كفاية يقدر يسمعني ويشاركني الاهتمامات.

انا توي متزوجة من ٤شهور واهلي عايشين في مدينة ثانية،زوجي مرتبط بالعمل بس لما طلبت منه ازوج اهلي جاء معي وصلني واخذنا ابوي من المطار وزوجي جلس ليلة ورجع علشان العمل
بعد اسبوع حجز رحلة في الويكند بيجي ياخذني ونرجع رحلة سوا،انا استغربت لان اخوي عادي زوجته تروح لحالها واختي كع زوجها نفس الشيء وهذا دليل على ثقتهم الكبيرة في بعض،ما اعرف ليش تحسست شوي بس ما بينت ابدا الموضوع مرة ما يستاهل بس استغربت شوي.
ابغى اقراء اراء مختلفة عن الموضوع هل فيه ناس كذا عادي وماله علاقة بعدم الثقة ؟

انا ملاحظة هنا المشاركين ب الصب وحتى على ارض الواقع الشباب الي اعمارهم في الثلاثينات يبغون يرتبطون بالبنات الي اعمارهم من24ل29 حبايبي واحنا الي بالأعماركم مين ياخذنا🙂

السلام عليكم ورحمة الله وبركاته

كما هو موضح في الإعلان للأسف مريت بتجربة فاشلة في الصب والحمد لله أبداً غير ندمان، لأنه الواحد يتعلم و كله خير من الله.

اللي صار إن في شابة نزلت إعلان وشفت المواصفات وناسبتني بشكل كبير وتواصلت معها ووضحنا الأساسيات من الطرفين و
مثل الred flags والdeal breakers و معيشة كل شخص و وضعه

كان فيه توافق مبدئي بشكل واضح من الطرفين ولكن كنت أحس إن ما في وضوح في رغبة الطرف الآخر أو أحس إنها تجاريني في الكثير من الأمور اللي أقولها، مو تسليك, ولكن وكأنها ما عندها تصور واضح عن رغباتها في بعض الأمور, وفي بعض الأمور ما كأنها تفكر جدياً وبشكل مسؤول فيها، مثل الانتقال للعيش من مدينة إلى أخرى. ( أنا من جدة أساسا و لكن عايش بالشرقية من 2017 وهي عايشة طول عمرها بجدة)، اتفهم انه الشخص ممكن ما يكون عنده تصور لبعض الأمور و لكن ليس معظمها و على الأقل يكون عنده تصور بأهميتها

الشاهد اللي صار عشان لا أطول الموضوع كثير, إني وضحت إني جاد وحاب الأهل يتواصلون من البداية قبل تكوّن أي شيء بيننا سواء عاطفي أو تعلق أو غيره ولكن من جهتها قالت إنها غير مستعدة وتفضل تواصل الأهل بعد ما نكون متأكدين تماماً من بعض ووضحت لها إن هذا الشيء فعلياً صعب يصير إلا بعد تواصل الأهل وشوفة و غيره خاصة إننا ودنا نبعد عن أي شيء غلط أو محرم ممكن يسبب مشاكل مستقبلاً وفي نفس الوقت البعض ممكن ينظر له على إنه .أسلوب للتأكيد بين الطرفين على إنهم يرغبون في بعض، على سبيل المثال، اننا نشوف بعض في الواقع هذا شيء مهم يفصل في ناحية القبول " الأرواح جنود مجندة "

و كما هو متوقع, انها اعترفت لي بمشاعرها تجاهي, و في طبيعة الحال كان عندي مشاعر بسيطة تجاهها و لكني أدرك تماما انها ليست حُب لا من قريب ولا من بعيد و تكاد تتجاوز إعجاب عابِر لا يدوم, و مرة اخرى طلبت تواصل الأهل ( قبل رمضان) و قالت صعب الحين لأننا بندخل على رمضان, و حددت الموعد بعد اول اسبوع في شوال بحكم انه ملكة اختها بتكون في اول اسبوع, انتظرنا و خبرت الأهل بالموعد, اتفاجئ خلال أول اسبوع في شوال بأنها قالت لي ملكة أختها تأجلت بسبب أنه المصورة اللي تبيها غير متاحة!؟ قلت طيب ينفع نتواصل قالت لا؟ سالت متى موعد الملكة الجديد قالت مدري, كان شيء غريب الصدق و قلت ممكن فيه ظرف ما تقدر تتكلم عنه, و على ما يقولون I gave her the benefit of the doubt

وعدتني بأنه ما بينتهي شوال إلا و نحن متواصلين، و على رغم طول شوال إلا انها ما تكرّمت و عطتني الرقم، في نهاية الشهر عاتبتها، و وضحت لها انه لو فيه ظرف ما تقدر تتكلم عنه توضح لي، او اي سبب، كان ردها دايم" اشوف انه مو مناسب للأهل الحين"، و وضحت لها وقتها انه الوضع مب جايز لي، و الاسبوع الجاي الأهل مسافرين و بعدها عندنا مناسبات عائلية بتشغلنا كثير ( ولادة، حفل تخرجي من الدراسات العليا في الشرقية و الأهل بيجوني من جدة، ثم عيد الحج)، و الأهل ما راح يفضون.

قالت لي خلاص تمام بعطيك الرقم، عدت ٣ أيام و هي تماطل إلى قبل سفر أهلي بليلتين، و الوالدة طلبت انهم يجون و يتعرفون زل لسان الوالدة و لمّحت اني اعرف البنت بطريقة غير مباشرة، و الوالدة وضحت انها بتسافر لمدة اسبوع، و التواصل كان عن طريق اخت الشابة، و قالت لنا افضل يكون بعد رجوع أهلي من السفر.

في أول ليلة بعد ما عودوا أهلي من السفر الوالدة تواصلت، و اختها قالت تمام بتشاور مع الوالدة و نرد لكم، عدت اسبوعين ولا ردوا، و البنت تطلع لي اعذار، و بعد اسبوعين جدتها رحمة الله عليها توفت، و كملوا ٣ اسابيع بدون لا يردون على الوالدة، الوالدة تضايقت ولا الومها، حتى لو فيه ظرف المفترض بعد كم يوم يعطونها خبر.

بعد اسبوع من وفاة جدتها الله يرحمها ( شهر و اسبوع من اول اتصال) اختها تواصلت، و قالت انه عندنا ظرف وفاة ولا نقدر نستقبل احد الحين، الوالدة عزتهم و قالت الله يكتب لنا و لكم الخير.

و بعدها وضحت للبنت انه الصدق كل الأمور اللي صارت ما تناسبني و فيه علامات تعجّب كثيرة، و انه الواضح مافيه نصيب.

هذا اللي صار بمنظور حيادي قدر المستطاع لأن كل قصة لها طرفين؛ الصدق فيه أمور كثيرة كانت مهمة و تركت فيني انطباع خلاني احيد عن الموضوع، مثل انه واضح موضوع سوء التنظيم و احترام المواعيد شيء طبيعي عندهم، واجهته فيها، ولا ودي احكم لكن حتى خواتها الثنتين اثروا علي بشكل مباشر فيه، و كل ذا عشان تعارف أهل فقط؟ كيف لو بندخل في ملكة و زواج قدام.

و تصورات البنت عن الزواج عن انه حياة وردية و رومنسية بحتة كان للأسف واضح، و كل ما اناقشها بالموضوع تقول مب كذا والله، و الفارق في طبيعة شخصياتنا aka chemistry كان و واضح

^ ياساتر كل ذا و قلت ما بطول ههههه

الدرس المستفاد بالنسبة لي لو نغزك قلبك بسبب موضوعي من البداية لا تضيع وقتك و مجهودك في شيء غالبًا ما يصلح

و للأسف الحين الأهل ماسكينها علي اني ما اعرف اختار🙃😅

يجيني احساس اني ما بتزوج وما عندي تصور واضح لزوجي ولا شي ما اتخيل حتى

ثلاث مواقف مع اشخاص ناسبوني مبدئيًا

انا واضحه من البداية ان رغبتي هي تعرف (الأساسيات) بنية الزوج والتعرف هذا يكون مو اقل من شهرين وبعدها يا تنتقل للأهل او خلاص مافيه نصيب

عمومًا واحد منهم حرفيًا من البداية قال ارسلي صورتك قلت سلامات باي

الاثنين الباقين كانوا مصرين جدًا من اول يوم اننا نتكلم اتصال وانا عندي مشكلة شخصية مع هالشي ما احب المكالمات عمومًا فمابالكم مع رجل غريب كيف متوقع مني آخذ راحتي(؟) الاول بعد الكثير من التحسيس بالذنب وافقت بس كنت على الصامت يعني بصراحة محد استفاد

وانا الصدق اسبابهم فاهمتها يعني يقولون ان اشياء كثير توضح في الصوت بس انا ما اقدر. الثاني طلبت منه تكون آخر خطوة قبل الأهل عبال نتعود على بعض ولو شوي بس ماعجبه

بسأل البنات هنا اللي يلقون ناس تناسبهم وينتقلون لمرحلة التعرف كيف طريقتكم في التواصل؟ او مباشرة للأهل؟

تقدر الاحصائيات نسبة المرض النفسي في البشر تقارب 20~12%، بعموم درجاته الخفيفة المختلفة هل كشخص عنده هذا المرض(وأنا منهم) او تعرف أحد عنده: هل تحس بصعوبة الفرص هل ممكن، أو ترغب، تتزوج؟ بإنجاب أو بدون؟ وهل تقبل تتزوج من نفس فئتك؟

⛔️⛔️أرجو المشاركة لهم فقط⛔️⛔️

اذا استمرت مشاكل الزواج بالشكل الحالي، الأمور بتصير أسوأ بكثير بعد ١٠ سنين (نسبة الزواج بتقل، أو بيلجأ البعض لبدائل تملأ الفراغ العاطفي).

ايش الحلول المنطقية للمشكلة (سواء على نطاق الشخص مع اللي حوله، أو على مستوى المجتمع) عشان نتدارك الأمور؟

يعني لو معك تريليون ريال، كيف بتخلي نسبة أكبر تتشجع تقدم على الزواج وتقلل الآثار السلبية لتأخر الزواج؟

أهلًا
بالنسبة لكم إيش أفضل وجهة لشهر العسل في شهر جولاي؟

اشوف جواب السؤال له اعماق نفسية كثيرة ولا ينحصر على الاسباب العرفية

بس ودي اشوف اجوبتكم اول

*لا تكتب اجابة بناءا على العنوان اقرأ المنشور كامل

باقي ماوصلت عمر الزواج بس بما انه اغلبكم هنا في منتصف العشرينات فما فوق غالبا عندكم معرفة او تجارب بسألكم من باب المعرفة

عندي تصور –بدون دليل مجرد تصور– انه لما تتقدم للزواج عندنا لازم تكون مكون نفسك ماديا ومستقر وجاهز بشكل شبه كامل عكس فالخارج عادي تتقدم للزواج وانت توك متوظف وغير مستقر وتوك بتبدأ تكون نفسك ماديا وتستقر فسكن جديد

هل هذا التصور صحيح؟ اعرف انه المجتمع مو قالب واحد ويفرق بين عائلة وعائلة بس بالمجمل ايش يغلب على المجتمع كذا، او كذا او نص كذا نص كذا

على سبيل المثال هل لو كنت حديث تخرج وتوني متوظف وساكن عند اهلي وبنقل قريب لسكن منفصل عنهم وتقدمت لوحده، الاب بيرفضني مباشرة او ممكن يعطي موافقة مبدئية في حال شاف عندي امكانيات من ناحية عمل وسمعه طيبة ومعروف بالحكمة فالادارة المالية والتعامل مع الناس إلخ؟

اكرر، اعرف الموضوع يختلف من اب لاب بس اقصد الشي المنتشر فالمجتمع عندنا

السلام عليكم ..

دائمًا في الصب نقرأ لناس تفضفض ايش اللحظات الي يتمنى يعيشها ويشاركها مع الزوج/الزوجة في المستقبل .
لكن ما شفت أحد يتحدث عن الأوقات الي يبغى يقضيها مع أطفاله ..

عن نفسي أتوق للحظات وهم في أعمار الـ ٥ وحولها لما أطلعهم معي الصباح ونروح نفطر في مطعم

وبعد لما وهم صغار اغني لهم أغاني سبيستون الي حافظها 😂 ..

وأنتم ما تفكرون بلحظاتكم مع أطفالكم ؟

أنا الحمدالله حافظت على نفسي و يستمر باذن الله على الطريق هذا عشان ما أرضى إلا بالحلال طبعا و دايما إذا جات الأفكار المحرمة هذي افتكر انه عيب علي ك مسلم و ك رجل اني اظلم بنت الناس و انه إذا أتزوجت وحدة نظيفة و محافظة على نفسها و أنا اكون فاسد و زاني.

ف السؤال هو إذا أنا الحمدالله محافظ على نفسي و طبعا ابغى أتزوج وحدة محافظة على نفسها. ف كيف الشخص يتأكد من ماضي شريك/ة حياته/ا؟

لانه الواحد يبغى يتخلص من اي شك بالموضوع هذا و لازم يكون مرتاح. هل فعلا سمعة الأهل و سؤال عنهم يكفي ؟

يعطيكم العافية على وقتكم

ماراح اتطرق لموضوع الصرف على الزوجه لانه امر مفروض وواجب على الزوج، لكن برأيكم كم المصروف المناسب ؟ بعيداً عن المثالية؟
وهل طبيعي ان الزوج اذا طلعت الزوجه مكان ما يسألها لو محتاجه شي ؟

آخر فترة فيه (رجل) حاول يدخل حياتي بشكل مباشر وطرق باب الزواج احترمت أنه “جاء من الباب مو الشباك”، لكن الموقف هذا خلاني أدخل في كمية توتر وقلق مو طبيعي ، يمكن عشان فيه (معرفة) فكلمني بشكل مباشر على عكس الطريقة التقليدية اللي تبدأ من الأهل مو مني ، لكن هذا الموقف خلاني أدخل في تساؤلات كثيرة ، ورغم إني قبل الموقف كنت (أدّعي) إن فكرة الزواج عن معرفة مناسبة جدًا، إلا إني الآن حسّيتها مجرد إدعاءات ، وأكثر شيء استغربته في نفسي إن أي التفاتة من شخص بهالطريقة تخليني أحس كأني على حافة انهيار أخلاقي عشان (التواصل الغير معلن) ورغم إني بعقلي أعرف إن الموقف بسيط وما يستاهل هذا الحجم من الشعور ، لكن يمكن عشان المعرفة من (مكان عمل) فحسيت كأنه تجاوز للقيود وسياسات الشغل واللي للأمانة ما أعرف هل تمنع وجود (أزواج) في نفس الشركة أو لا

بس أول وأهم شيء جاء في بالي كان (العمل والسمعة ونظرة الناس) خصوصا إني جدا محافظة على حدودي في التعامل والمظهر الحمدلله ربي يثبتني

وما أعرف كيف الشخص تجاوز كل هذا وتجرأ يكلمني 🤐 و (العمل) عندي أهم من (الارتباط) حاليا، وخاصة لو كان الارتباط من نفس بيئة العمل لأني خايفة على عملي ومصدر رزقي أكثر .

السلام عليكم

عنّي
عمري 21
من الرياض وأصلي من نجد مطيرية
عزباء وماسبق لي الزواج

منقبة ودنيين معتدله
بشرتي حنطية فاتحه وشعري طويل وعندي غمازات

طالبة جامعية وطموحي أكمل دراسات عليا بالمستقبل بإذن الله

طولي تقريبًا 156
جسمي أنثوي رشيق ومتناسق واهتم بصحتي وأكلي

أحب الرسم والخط والفخار والطبخ
وأحب أطلع وأجرب أماكن جديدة بين مدن وريف وبحر

أدور شخص ناضج ومسؤول ويعرف يحتوي ويكون جاد فعلًا
العمر من 23 إلى 32
ويكون مهتم بنفسه وترتيبه ونظافته
والأفضل يكون طوله 170 وفوق

أتمنى اللي يكلمني يكون جاد وواثق من خطوته لأن ما أحب التعلق ولا العلاقات اللي بدون وضوح

فترة التعارف عندي بسيطة تبادل معلومات اسبوع ك حد أقصى وبعدها إذا فيه قبول يكون التواصل رسمي بين الأهل وبالحلا

الهدف بالنهاية زواج واستقرار طويل مو تضييع وقت
وأعتذر من أي شخص مو جدي