u/havy_lo

السلام عليكم

عنّي
عمري 21
من الرياض وأصلي من نجد مطيرية
عزباء وماسبق لي الزواج

منقبة ودنيين معتدله
بشرتي حنطية فاتحه وشعري طويل وعندي غمازات

طالبة جامعية وطموحي أكمل دراسات عليا بالمستقبل بإذن الله

طولي تقريبًا 156
جسمي أنثوي رشيق ومتناسق واهتم بصحتي وأكلي

أحب الرسم والخط والفخار والطبخ
وأحب أطلع وأجرب أماكن جديدة بين مدن وريف وبحر

أدور شخص ناضج ومسؤول ويعرف يحتوي ويكون جاد فعلًا
العمر من 23 إلى 32
ويكون مهتم بنفسه وترتيبه ونظافته
والأفضل يكون طوله 170 وفوق

أتمنى اللي يكلمني يكون جاد وواثق من خطوته لأن ما أحب التعلق ولا العلاقات اللي بدون وضوح

فترة التعارف عندي بسيطة تبادل معلومات اسبوع ك حد أقصى وبعدها إذا فيه قبول يكون التواصل رسمي بين الأهل وبالحلا

الهدف بالنهاية زواج واستقرار طويل مو تضييع وقت
وأعتذر من أي شخص مو جدي

أنا جدا امقت الذكر وليس الرجل
الي لما يكلمك بتكلم عن جسمك بشكل شهواني او يحاول يرمي من تحت الطاوله جدا جدا جدا جدا امقته ولا أراه صالح لزواج أبدا
والنوعيه الثانيه الي عنده مليون بنت يكلمها وحسابات وهميه
وحياته عباره عن حسابات كنه لسه عايش في فترة المراهقه

بتالي الي يجذبني ب الرجل

الي يتغزل الشكل بدون مايقل أدبه بشكل جن…
والي يحترمني ويشوفني ك انسانه ومشاعري مهمه
وايضاً** ويتواصل معي بحسابات رسميه أساسيه مو في**ك
والتعرف عندهم مو بالكيلو
مو يكلم ٥ بنات بوقت واحد ومدمن علاقات عابره او كلهم حتى ممكن قايل لهم نفس الكلام لان بنهايه هدفه يفرغ شهوت—ه ويمشي

لكن بختصار اكره الشخصيات ذي

بشكل عام
احب الرجل الي هذا حسابي وتدخلين حسابه تلاقين بس عيال
يبين لك انه رجل فعلا يكبر جدا بعينك هذي اول نقطه

ثانيا
الكذاب
معلوماته ما يكذب فيها
يكون واضح هذا أنا وهذي معلوماتي مايعدل فيها كل شوي
واذا سألتيه ليش ماتعطيني الأساسي يقول مكاني حساس هنا اعرفي انه كذاب مايشوفك شيء أساسي ف حرفيا يدخلك عالم كله كله كذب عشان ايش عشان مكانه حساس وكلنا نعرف انه كذاب واذا فعلا صحيح أصلا مافي بنت تبي تقرب منه لانه يلعب تحت الطاوله وهذي لو تملك ملاين الدنيا محد بيحبك فيها او يكون اسره صحيه

ثالثًا
ابن امه

رابعًا
بياع الكلام الي يبيع كلام بدون افعال (أفعالك لازم تسبق منطقوك)

لذالك الرجال قلة جدا في هذا الزمن
لان النوعية ذي طغت

الله يرزقنا جميعا في الناس الواضحة العاقله الفاهمة المثقفه الزينه الراقيه يارب شخص راقي بأفعاله ومنطوقه ❤️

تشارك فيه صور طبخك منشنوني عليه

كيف تتعاملون مع شعور الرغبة بالارتباط ؟
هل في طريقة تخليكم تتجاهلون الشعور ذا
بذات وقت تحسون مافي وسعيتوا هنا وهناك وكل مكان
تحسون في وحدة وشعور رغبة بالاحتواء وان يكون معك شخص يكمل معك الرحله ويحن عليك وتحن عليه فهمتوا
أنتوا مكملين دوام دراسه شغل الخ
بس وسط الزحمه تحس ياريت الاقي الشخص ذا ونتزوج ❤️
هل في حل اقدر أتجاهل فيه الرغبة ذي ؟
هو مو بس رغبة أنا اتمنى اجيب اطفال بعد اطبخ لهم البسهم العبهم اشوفهم يكبرون واحس هذا هدف مره كبير بحياتي ابي اشوف نسخه مني تمشي على الأرض

علموني كيف اشيل فكرة الارتباط من راسي والله جد اتكلم
ابي لمره وحدة احس اني مو محتاجة ارتبط
ابي شعور الاستغناء

قمت اليوم بدري بعد يأيسي وصرت ما ارفع سقف تأملي في احد لو يقولي بجيك الان عند باب بيتك ما اصدقه عادي على عيني وراسي بس ما اصدق لان إذا ما صارت انتي الي بتتضررين
ف خلاص ادعولي اتأقلم مع شعور الاستغناء ورغبة في الزواج
لان إذا ما جاني نصيبي الحين خلاص مابي قلبي يبغاه ولا عقلي يفكر فيه بالفتره الحاليه عشان اقدر اركز على حياتي

طبعا اتكلم عن تجربتي بصب الزواج واكيد في الصادق والله يرزقنا اجمعين بما نتمنى❤️

لا احد يجي يقول صغيره على الزواج الناس تختلف وبالعكس الي يشوف نفسه يبي يتزوج وقادر عليه يتزوج احسن من الخرابه والحرام ولا عادي الي يبيعون كلام بكل مكان وكثير بعد
بس أنا انسانه احترم نفسي وما أبي إلا الي يرضي الله ورسوله
ف السالفه ذي بعدونا عنها الشخصيات تختلف والعقول تختلف ❤️❤️

قبل كم يوم في صب الزواج نزلت اعلان وجاني كذا شخص وفي واحد لفتني احترام وكل شيء ومن نفس خلفيتي يعني ممتاز وجاد جاي خلاص
فجئة صار له مثل بدوامه مدة سنتين اجباري وبعد السنتين بيرجع
قلت طيب يمديك تخطب بعدين نتزوج بعد سنتين قال ما ابي أعلقك فيني وكلام مثل كذا
مع انو داخليا أنا عارفه اني ابي اتزوج السنه ذي بس قلت إذا يستاهل ليش ما اصبر عليه بس قال بروح اكلم اهلي واجيك واشوف الدوام
المهم ارسل وقال خلاص أنا اعتذر منك
وترا الموضوع جد والله صار لي اكثر من مره في الصب هذا
مره جاني شخص قال انه يبي يتزوج ومواصفاتك عجبتني وكل شيء تمام
قال بس أنا ناوي ابتعث تجين معي؟ قلت إذا لقيت بعثه ليش لا
قال خلاص بروح اكلم اهلي ويرجع ويقول مافي نصيب

حالات كثير كثير خلتني احس بيأس أنا ما أدور إلا الحلال رغبتي واضحة ولا ابي حرام احس اني اقدر اعطي من كل قلبي لكن مابي اي شخص ابي شخص واحد أبقى العمر كله معه وبس اكتفي ويكتفي فييني ما احس احلامي صعبه ولا مستحيله
كل شوي ادعي واصلي بالليل ماخليت ولا بقيت صحت وانكسر قلبي كل مره احد يجي ويكلمني وعساس بيتم كل شيء بس يصير شيء من طرفه يكنسل كل شيء
الصدق الي قاعد يصير لي شيء والله يحزن
أنا بنت تبي الحلال بس ولا جوي علاقات ولا شيء عادي ادرس وماعندي اي مشكله وحياتي ماشيه
بس ابي رجل بحياتي فاهميني

تعرفون الي أنا دعيت وسعيت وكل شيء
ليش حظي عثر ليش بس أقابل ناس كل شيء تمام ومناسبين بس يجون ينهون كل شيء بلحظه بس ما اخسر وقت ولهفه ومشاعر وكسرت خاطر الخ ترا الشيء ذا اوجعني والله

السلام عليكم اتمنى اتمنى مايجيني إلا جاد وواثق من خطوته مايعلقني ويمشي
مدة التعرف عندي تبادل معلومات يوم يومين حديث بعدين يتواصلون الاهل موضوع رسمي وبالحلال

بياناتي :

شابة
العمر 21 سنة
مكان الإقامة الرياض الأصل من نجد مطيرية وينتهي اسم بقبيلة
الحالة الاجتماعية عزباء لم يسبق لي الزواج

الجانب الديني والاجتماعي
الدين بعتدال سنية
المظهر الخارجي منقبة حنطية وشعر طويل وغمازات

التعليم والعمل
المستوى التعليمي طالبة جامعية في تخصص تأمين وإدارة مخاطر
الحالة العملية طالبة مستجدة في التخصص الحالي بعد مسارات دراسية سابقة

المواصفات الجسدية والصحية
الطول 156 سم تقريبا
البنية الجسمية بنية نحيفة ومتناسقة Petite
لون البشرة حنطية Olive skin
الحالة الصحية ممتازة والاهتمام بنظام صحي

الاهتمامات ونمط الحياة
الهوايات الرسم والخط والفخار والطبخ
استكشاف المدن والريف والبحر والميل لتجربة أماكن جديدة
الطموح التخطيط لمستقبل يشمل إكمال الدراسات العليا

مواصفات الشريك المطلوب
العمر ناضج ما بين 23 إلى 32 سنة
الطول 175 سم فما فوق
البنية الرشاقة والاهتمام بالهندام والترتيب ونظافة الأسنان الطبيعية
المستوى المادي الدخل لا يقل عن 12 إلى 13 ألف أو توفر سكن ملك في حال كان الدخل أقل
الشخصية قيادية ناضجة لديها حس عال بالمسؤولية والقدرة على الاحتواء

تنويه
الهدف هو الارتباط الجاد والاستقرار طويل الأمد وأرحب بالحوارات الذكية والهادفة في هذا السياق فقط وأعتذر عن أي تواصل غير جدي أو يهدف لتمضية الوقت

السلام ابي اقتراح بودي اختي بمناسبه تخرجها مطعم
ابيه حلو اكل ومكان حلو مايكون غالي مره ولا رخيص
يعني متوسط
اقتراحاتكم
بودي** امي بعد وأختي الثانيه يعني مجموعنا ٤ أشخاص **

الموضوع هذا تحسون في كمية حسد مو طبيعة
جد اسال ليش مواطن ما يطالب بزياده راتبه بدون ما يتدخل في رزق غيره حرفيا في كميه حسد وغيره وغل على المعلمين

طيب يوم تحسدون ابن بلدكم
ليش ما تطالعون في الأجنبي الي جاي ياخذ آلاف مولفه
مو المواطن الي في بلده ومن حقه العيشه ورفاهيه
برغم من انه راتب بسيط من رأي يستحق اعلى وأي مواطن سعودي ببلده مفروض ما يقل راتبه عن ٢٥ الف

لكن استغرابي من الحسد
يعني صديقات امي إداريات وربي عينهم على راتب امي لا جت قالت راتبي كله قروض بيت وسياره وكذا وفعلا مصاريف عائلة قالوا راتبك وش كثره وكلام يخليك تقول ليش انسان يتكلم بطريقة ذي عن رزق شخص ثاني

الموضوع ينرفز لانه ابن بلدكم ومفروض تطالبون بزياده له
انا مالي دخل بالأطباء بس إذا شفتهم يتكلمون عن زياده الراتب صوتي معهم لانهم سعوديين وفي بلدهم ويستحقون وأي مهنه أصلا مو بس الطبيب

لذالك ليش أنا ادعم كل الوظايف
لكن أواجه كميه حسد مخيفه ع وظيفة امي ومطالبات بتويتر بتقليل رواتبهم والمقارنات فيها

ويتقطع قلبي لانها انسانه حتى لبس صعب تشتري لها كله علينا يعني انها تنبسط فيه حتى ماتنبسط
والتويتر مطالبات بتقليل وربطها مع عدد الحصص المعطاه في الشهر
يعني حرفيا تصيد ع راتب المعلم شيء محزن ان عدو السعودي هو السعودي نفسه

بقولكم الموقف ذا امي معلمة
وفي طالبة تطاولت عليها أصلا الجيل ذا صاير قليل ادب تحس الأهالي معد يربون من القصص الي تشيب الراس وهم ابتدائي بس!

على العموم امي راحت تشتكي ع البنت انها تلفظت عليها بالحصه
قالت** الوكيله لامي انتي ماتدرين احمدي ربك المعلمة الفلانيه طبعا المعلمه ذي انا اذكرها وأعرفها من اكثر من ١٥ سنه كانت تدرسني
قالت ان وحدة من الطالبات قلت أدبها عليها وجايه **تقول الطالبه لها تعرفين مين انها انا فلاني الفلاني قامت ردت عليها المعلمه

والطقعه🤣🤣

اخ أبو البنت رفع شكوا للوزاره ومتوعد فيها والبنت مطنقره

طبعا القصص لا تنتهي انا اعرف في أستاذات للغة التواصل عندهم معدمه بس حرفيا ينعدون ع الأصابع

الجيل هذا بذات الي طلع مخيف
يعني وحدة من طالبات امي قعدت تسولف مع صديقاتها طول الحصه بذمتكم على وقتنا وش يسون؟
يقولون لك قومي غيري مكانك
هي ردة على امي مارح أغير مكاني وتطالع يعني تحدي 😅
قالت قومي لا اعطيك تعهد قامت تقول مابي أصلا مادتك ماحبها امي مادتها عربي اهم مادة مو اختياريه وانتي ملمزمه تأخذينها ومو شغل المعلمه تظمن لك حبها هي جايه واقفه ع رجولها ٨ حصص رجولها تتنفخ ياخايسه وصوتها يروح
تجين تقولين ماحب مادتك خلاص لا تحبينها بس صيري مؤدبة
المضحك وين ان امها جايه تستفرد على امي بعد وتقول انتي أسلوبك قاسي وان كل بنات الفصل مايحبون مادتك امي قالت مين قالك تسوين استفتاء من ورا ظهري في حديقة حيوانات احنا رايحة للأطفال تسألين وحدة وحدة كبري عقلك وبنتك أصلا ماسوت شيء يشرف ودرجاتها تسد النفس
وتسولف** مع الي جنبها ويوم قلت غيري مكانك ما استجابت **الام قعدت تطاول كل الطالبات مو بس بنتي وو
طبعا استفتاء من كيسها جايبته

صدق هل تحسون الطلاب صاروا بلا أخلاق ؟
وقبل كان في هيبة للمعلم الحين الأهالي يقللون من قيمة المعلم والطالب يجي نافخ ريشه
والاهم يقولون انتي تأخذين راتب !! شقلت الادب ذي
سعوديه وفي بلدها شدوا حيلكم على الشقر الحمر الي جايين وياخذون ١٠٠ الف مو في المعلمه المسكينه وراها زوج ساحب عليها وعيال تصرف عليهم وكلها ١٧ الف ونصه قروض ومن رأي راتب اي سعودي مفروض ٢٥ وطالع

لذالك صاير في تعدي على مكانت المعلم في المدارس والأهالي تشجع
وهذي الظاهره شفتها بالجيل هذا الي بعد 2015
قبل كنا نحترم المعلم والأهالي تعزز الشيء ذا
الحين ترفع الصوت وتشقلب عيونها والأم تجي منفوخ ريشها كنها مشاركه في الراتب وكنه صدقه مو جاي من تعب ووقفه

وش رأيكم وهل لاحظتوا الشيء ذا ؟

السلام عليكم

في شخص محترم جدً**ا وتوافقت بياناتنا بشكل كب**ير
واتفقنا نهاية الأسبوع أعطيه رقم أهلي عشان يدخل البيت من بابه بشكل رسمي

هو ما شاء الله مناسب لي من نواحي كثيرة
قريب من عمري
تعبان على نفسه
مستقر مادًا****
غير مدخن
وأشوف إن مواصفاته غالبً**ا بتكون مناسبة لأهلي خاصة أب**وي

لكن عندي توتر من فكرة كيف تبدأ الخطبة وكيف تنفتح سالفة كيف عرفتم بعض
خصوصً**ا إنها أول تجربة لي وما عندي أي خبرة بأمور الخطبة والملكة وترتيبات**ها

طريقتنا كانت محترمة جدً**ا وما فيها أي تجا******وز
ومرتاحة بعد الاستخارة بشكل كبير الحمدلله
بس خايفة من ردة فعل أمي أو نظرات الاستغراب بالبداية بحكم إن أهلي يعتبروني كتاب مفتوح وما أخبي عنهم شيء

هو اقترح فكرة إن أخته تكون حلقة الوصل
بحيث أكون صديقة لأخته
وأمه تتواصل مع أمي بشكل طبيعي عشان الزيارة والخطبة
وفعلً**ا حسيت الفكرة بتخفف كثير أي تساؤلات أو حساسية بالبدا**ية

وبرضه هو مطمني ويقول لا تشيلين هم وبسهل الأمور كلها
لكن بحكم إنها أول مرة أمر بشيء كذا أحس متوترة وأفكر كثير بالتفاصيل

أي نصائح أو تجارب ممكن تفيدني خصوصً**ا بطريقة تخلي الموضوع يدخل بسلاسة وراحة أكثر بين الأسرت******ين