عن المراقب الأول
اليوم كنت أفكر عن مفهوم الاله ككل وتوصلت لشي مثير للأهتمام بهذا الصدد ، أولا مفهوم الاله البشري كان دوما انه اله يغضب ومهتم بالبشر ككل من ولادتك الى موتك وهو مفهوم قاصر غير منطقي لشيء مطلق
فلو هناك اله مطلق فعلا فالمنطق يوجب عدم أهتمامه مو لانه شرير او طيب مافي معايير تنطبق على شي بالنسبة للكل ??? هو غير مفهوم لانه خارج الزمكان مافي شي يشبهه وحتى لو فرضنا نظريا خروج بشري لخارج الزمكان (مع ان الشي ذا مستحيل لان وجودك يستوجب ذرات وطاقة كونية هنا فقط) فغالبا ماراح يفهم الي بيشوفه
الاله هذا بيكون بالنسبة له ??? شي غير قابل للوصف او الرصد شي ماله مثيل فعلا لدرجة انك ماتقدر تعالجه بعقلك ، ولأن البشر على الرغم من خيالهم الواسع ولكن كل مخلوق مصنوع باي طريقة خيالية له رفرنس محدد من الكون ، اشكال هندسية ، حيوانات ، الوان ، الخ
الاله بيكون شي ماله اي شبيه لانه خارج الزمكان اصلا
طيب بحالة المراقب الأول هذا كيف ممكن يتصرف تقريبا؟ تصرفه بالنسبة لنا بيكون غير منطقي اولا الوعي الي بيكون عنده بيكون لانهائي ومفهوم أختبار الزمن عنده هو صفري فعليا لان هو بلحظة مافيها زمن ، الزمن يشتغل لانك تعالجه بعقلك وقدرة عقلك هي ثانية للمعالجة تقريبا
فهو وعيه يلاحظ كل شي باسرع طريقة ممكنه هو يشوف الكون و الاكوان كلها بنفس الوقت ويشوف نهايتها وبدايتها بنفس الوقت اي شي داخل الاكوان بما فيها أنت وقصصك وحياتك تعتبر تفريغ كوني للطاقة مايلاحظه الكيان هذا ، مو لانه يكرهك هو ببساطة مايستشعرك
كانك تشوف شاشة جوالك الأن الي تستخدم مبادئ فيزياء الكم بوجود الالكترونات وبالتالي تترص وتعطيك صورة كاملة للي تقراه وتشوفه
هل قد سألت نفسك مره وين الالكترون الفلاني الان؟ لا ، مو لانك غير مبالي انت ببساطة ماتستشعر وجوده اصلا
او ناخذ مثال فارغ أكثر وجوديا ، وهو فعلك لغسل الصحون بالكلور او بمواد قاتلة للبكتيريا ، هل قلت لنفسك اوه دقيقة انا قاعد ادمر ملايين من الكائنات الحية الان؟ غالبا لا كل تفكيرك هو وش بحط بالصحن ذا ووش بتابع وانا أكل فيه بعد شوي
ونرجع لنفس النقطة مب لانك شرير انت ببساطة بمستوى اعلى استشعاريا لدرجة ان البكتيريا اضاءة خلفية مهمشة تماما في محيطك
اضرب ذا الشي بانفنتي ، الكيان هذا ببساطة واصل مرحلة أدراكية لانهائية لدرجة انه منطقيا ممكن يشهد فناء اكوان وبدايتها بنفس اللحظة ، فشي طبيعي انه مابيسمع نداءك ولا بكاءك ولا صراخك ولومك له نفس الموضوع مع البكتيريا لو امتلكت وعي وسبت وشتمت الأنسان الي قاعد يغسل صحنه هو يمارس دوره الطبيعي بالوجود
لكذا فكرة اله غير واعي مبديء اول غير واعي بمفهومنا هو أكثر رعب للبشر أنهم يقبلونه لكذا أسهل عليهم يصنعون صور مشوهه منه منطقيا ، لان على أقل تقدير هناك تقدير منه ولو كان عذابا او غيره
الصمت نفسه مؤلم والفراغ في تفكيرك باله هكذا يستدعي سؤال طيب ليش مايتدخل؟ او ليش مايوقف الألم بالكون هذا او اي كون أخر لو وجد؟ ببساطة هو غير مبالي وغير مستشعر لك
انت والالم الي تواجهه ماهو الا تدفق للطاقة بارخص طريقة ممكنه دورة حياتك اصلا وكبرك بالسن هو تبدد طاقة لين تفنى ، مافي شي موجود لان له ذاك المعنى الكون رخييص جدا سواء بمجراته او بأختياره لتوزيع تدفق الطاقة ودوما الكون يتجه للفوضى مو لانه عشوائي ببساطة لأنها أسهل طريق لتدفق الطاقة ولكذا الكون له انماط تتكرر لانها أنجح طريقة لتوزيع الطاقة بأقل جهد
ودائما غرفتك بتتوسخ بس مستحيل ترتب نفسها بنفسها