u/0fenixx

مش عارف اذا كان فيه حد غيري استوعب الموضوع ده او لاحظه بس انا مش بسدق في فكرة المرض النفسي او استشارة الأطباء النفسيين, يعني ازاي شخص هيقدر يحس او يوصف كل التجارب والمواقف والافكار اللي عندي وهو مختلف عني وعمره ما حسها او جربها, مع احترامي لكل البشر يعني بس كون ان انت اقل ضعف يحصلك او ضغوطات او انت ما عدتش تحس نفس المشاعر اللي كنت بتحسها زمان ده مش معناه ان انت تراجع طبيب نفسي او تاخد استشارة بحس الموضوع فيه نوع من التحكم في مشاعر البشر او تحديد هويتهم, كل مشاعر انت بتحس بيها هي نتاج تصادمك مع الواقع وهي مش بالضرورة معناها ان المشكلة فيك وان انت محتاج تتعالج من حاجة انا بحس ان كل الامراض ديه اللي هي بتتوصف على انها امراض نفسية بتكون نتاج التفاعل مع الواقع والبيئة والظروف يعني مش شرط خلل او مرض هو ممكن طبيعي اي حد مر بنفس التجربة هيحس بنفس المشاعر ديه, بس فكرة انه لازم دايما اراجع طبيب بتحسسني اني مش حر الارادة يعني لازم دايماً اكون ايجابي ومشاعري كلها ايجابية ومسالمة للناس حوليا وان اي مشاعر سلبية عندي او تظهر عليا لازم تتعالج, هو عادي المشاعر السلبية جزء من الانسان وهو مهما عمل مش هيخلص منها وانت من حقك تحس بالألم والحزن وفقدان الامل والغضب عادي.
يعني انت لو كان عندك وعي بنفسك وبمشاعرك وانه كل اللي انت بتحس بيه نتيجة الضغوطاط المتكررة في حياتك ما اعتقدش ان انت كده مريض او فيك عيب بالعكس انت كده متحكم في نفسك وفي مشاعرك وبتعرف امتى تظهرها وامتى تخفيها, المسألة كلها ارادتك انت والمفروض تكون انت اللي بتتحكم في نفسك وفي ردود فعلك, انما ان شخص تاني يكلمك او انه يوصفلك ادوية معينة تمشي عليها بنظام يومي ده بحس فيه نوع من سلب الأرادة او التحكم في الأنسان وارادته وانه انت مش مسموح لك تحس مشاعر معينة لانها سلبية وبتأذي غيرك, لو حد زيي استوعب الموضوع ده قبل كده او حس انه الاستشارات النفسية ديه مجرد وهم ومش بتجيب نتيجة يقول تجربته مع الموضوع ده.
لان فعلاً انا شايف انه الانسان لو مش واعي باللي حواليه وبنفسه هو مفيش امل منه يتحسن لانه كده كده مشاعره اللي سايقاه وهي اللي بتحدد قراراته فا ده اكبر دليل على ان مسألة المرض النفسي ديه هي كذبة بس علشان نتحكم في الناس اللي غير واعية اللي معندهاش اي ارادة لنفسها وهما بس مشاعرهم اللي بتمشيهم سواء كانت المشاعر ديه سلبية او ايجابية وانه انت لو استوعبت الموضوع ده هتلاحظه زيي بالظبط المسألة كلها وعي وارادة مش اكتر.