u/12ab34cd1234

قصيدة أبغيكم تساعدوني فيها اهديها لأخوي الكبير 😂

في الشدة تلقاه وافي كصلب الجسور..
و بالسهالات تلقاه بشوش و ميسور ..
يصون العهد و يحمي المكسور ..
له شخصية و من حقه غرور ..
للي عاشره ما يهده مثل الصقار للطيور ..

في كلمات تأليف من عندي شوي يا اخواني
ما أدري إذا ميسور صح في الجملة 😂
و صلب الجسور ابغي اغير الكلمة لانها مب عايبتني
احس ما في ترابط بين الوفاء و صلب الجسور .. بس ما قدرت افكر في شي ثاني ينتهي ب'ور'

إذا حد فيكم شاعر و بيعدل فيه و يمكن يزيد سطر او سطرين بكون شاااكر له

السلام عليكم اخواني و خواتي

أنا و الاهل نفكر نسير رحلة قصيرة (من الصبح لين الليل) نستكشف جزيرة دلما
الفيديوهات اللي شفتهم الصراحه جميلة و متحمس اسير للجزيرة

للي راحوا قبل هل عندكم اي اقتراحات او معلومات يمكن استفيد منها قبل ما نسير ؟

و مشكورين مقدماً

السلام عليكم اخواني و خواتي
في حد .. اعرفه.. بس مب لهذااك الدرجة
بينا تعامل مرة قبل يمكن خمس سنين

حول لي على حسابي في البنك مبلغ
كلمني و قالي بالغلط حول

ف سألني لو اقدر احول له المبلغ

انتوا في هالحاله بتحولون المبلغ مرة ثانية و تسهلون الامور
ولا بتقدمون في البنك انه وصل تحويل بالغلط ، و يسوون له reverse؟

سمعنا عن قصص كثيرة قبل لهالموضوع 😅
بس زين يوم سمعت صوت الريال عقب خمس سنين 😂

Update: مع فضفضة
الريال طفررني يتصل و يطرش مسجات.. ليتني ما سمعت صوته عقب هالخمس سنين
وقت خطبة الجمعة استغفر الله طلعت من المسيد حق دقيقة علشان اذكر هالكافر انه وقت صلاة و ناس مشغولة بعبادة ربهم
يقول لي ما يحتاي اكلم البنك و بس احول بسرعة.. المهم لبسته و توني كلمت البنك و طلبت منهم يردون المبلغ .. عقيته ع رأسهم 😭
و كان الله الغفور الرحيم

السلام عليكم اخواني و خواتي
سالفة قصيرة بس مع الفضفضة استوت طويله 😅
إذا تبون TLDR للموضوع خبروني بكتبه عقب تحت

بعض الأحيان على طرف الشارع يمكن تشوف عامل او حد من المحتاجين .. يدور على حد يوقف له و يوصله جدام ..

و ساعات ، خاصة يوم الجو حار الصراحه اوقف لهم و اوصلهم جدام او حتى المكان المعين اللي يبغي يوصل له (إذا ما في حد وياي في السيارة ، و ما عندي شغله في وقتها)

و طبعاً ضرب سوالف وياهم في السيارة ، و اغير لهم الجو شوي باختياري المميز للأغاني 🤣 .. مرة حتى عزمت واحد على Cold Brew من ستاربكس (drive thru) تم يمدحه و يقول انه لذيذ بس ما خلصه ف احس انه كان يجامل
ف استانس وياهم .. و مب مذله بالنسبة لي لو تاخذ الموضوع بقلب صافي .. لو بين كل فتره و فتره

لكن مرة كنت ويا حد من الشباب، و شفنا واحد من المحتاجين اللي يدور له حد يوصله جدام.. قلت حق ربيعي بنوقف له
قالي 'كمل كمل.. لا تكون غبي'
قلت له 'ليش؟ ما فيها شي .. ترا بنوصله جدام و بنحصل اجر بالمرة'
قالي 'لو هذا شخص مجرم او مطلوب من الشرطة.. و وقفوك او عنده '**مخدات**'' الخخخخ من الأسباب اللي ما تخلص.

و خلاني أفكر الصراحه.. هل هذا شي غلط و غبي الواحد يسويه فعلاً؟ و تطيح في مشكلة انت في غنى عنها
او ربيعي بالغ في الموضوع و بالعكس الواحد يسوي خير ؟

يكسرون بخاطري الصراحه ..
سامحوني على المثل المبالغ .. بس ساعات يكونون شياب و احط في بالي لو يدي كان في هالموقف ، هل برضى يمشي في الحر و يهلك؟
ابغي اسمع رايكم.. لانه آخر فترة يوم اشوف حد على طرف الشارع أتردد اوقف له و ادخل عمري بمشاكل

للعلم ؛ اللي أشوفهم عادةً يكونون في مناطق بعيدة و مقطوعه.. مثل مرغم — و ساعات على طريج حتا في لهباب ، لكن لهباب مثل ما تعرفون الحين فيه زحمة نوعاً ما، و عادي حد ثاني يوقف له.. اماً في مرغم نادر حد ثاني بيوقف لهم..

و والله .. سامحوني بس هم اغبياءءء (استغفر الله)
دوم من ضمن السوالف اسألهم ليش يمشون في عز الحر
و يجاوبون 'والله ادور لي شغل ..' او 'رايح اشتري اغراض حق السكن'
و في بالي أفكر انزين هذي الاغراض ما تقدر تاخذها وقت العصر او المغرب مثلاً يوم الجو شوي أهون؟ او يمكن تدور لك محل اقرب للسكن؟ (في محلات اقرب عليهم ..)
و ما حصلت تدور لك شغلة غير عن ٦ ساعات ساير و ٦ ساعات راد في نص البر مشي كل يوم من السكن؟

ادري انهم مساكين و والله ما ألومهم الله يعينهم يا رب و ييسر امورهم دوم ادعي لهم
بس بعد الواحد يفكر بالعقل اللي الله عطاه .. الجسم فعلاً ما يستحمل انه يمشي بهالحر خاصة وقت الظهر و عادةً بلا ماي و طبعاً بلا مكان انه ياخذ استراحة لو تعب..

اخواني و خواتي .. السلام عليكم
فضفضة كالعادة بس هالمرة للمواصلين .. الموضوع ما له معنى

المهم اليوم سرت اسوي facial (تنظيف بشرة) في صالون معروف للرجال .. موجود في كل مول تقريباً (اسم المحل مكون من ٤ ارقام)
عادةً اسير هال"مركز/صالون" لهالاشياء كل شهر مرة او مرتين

المهم خبرت واحد من الشباب (ما ادري شو ياب طاري الموضوع)
قالي انه هذا الشي ينقص من المرجلة و عيب الريال يسير هالاماكن و إذا حد شافك تدش بياخذ عنك فكرة .. سلبية.. إذا فهمتو

فاهم عليه انه الموضوع فيه "شك" 👀
بس ما له اي معنى والله بس ارتب عمري و آخذ بريك عن هموم الحياة شوي

و طبعاً ال"masseuse" اختار انه يكون ريال علشان ابربر و أفضفض له عن الحياة 😂
دوم يحسسني انه سوالفي حلوه و مسكين ما يسلك لي على قولتهم

ما اخذ راحتي إذا حرمة تسوي
و أتوقع انه حرام لو حرمة تسوي لك

و وايد غيري موجودين داخل يسوون هالاشياء و اشكالهم مب من هذاك** **النوع.. يعني كأني داش حلاق بس فيه ميزات اكثر و أسعاره اعلى

اللي يسوون تنظيف مشكوك** في** **وضعهم **و احسن الواحد يسويه في البيت .. ولا عادي .. شو رايكم ؟

السلام عليكم اخواني و خواتي
موضوع شخصي مع فضفضة كالعادة

أنا إماراتي لكن من والده أمريكيه.. (جنسيتها إماراتيه الحين و هي مسلمه) مع أنه ما يبين عليّ.. إلا إذا تكلمت إنجليزي 😅

طبعاً ما تهمني كلام الناس و ما استحي من هالشي و بالعكس احب نصي الثاني احس عندي وايد فعاليات .. كل سنة تاريخ 25/12 اقوم الصبح ع تهاني كريسماس من الخوال و عيالهم اسغفر الله 😂🎅
و يوم في خاطري poptarts من امريكا ما يقصرون مساكين يطرشونه FedEx Expedited 😂

يوم كنت صغير، الصغاريه وايد تنمرو عليّ و على اخواني .. ما كنت اعرف عربي نهااائياً.. لدرجة والله حتى اسمي الثلاثي ما عرفت اكتبه يوم كنت في الصف الرابع 😂

بس حاولت أتثقف و الحين اللغة و النطق عندي ممتازة الحمدلله .. و ما يبين في شكلي "العرق الأمريكي" 😅
بس لين الحين ساعات اواجه مشكلة احس اني اجنبي عند ربعي المواطنين .. و احس اني عربي عند ربعي الأجانب

تحسون هالشي سلبي يوم ببحث عن زوجة؟ و في أهالي بيرفضون بسبة هالشي ؟ حتى لو انه الريال متدين و محافظ على صلاته و دينه و ما يخصه في سوالف "شباب امريكا" و "woke mindset"

ولا تحسون شي عادي أتزوج مواطنه

بعض الأحيان احس انه يمكن أهل البنت بيرفضون لهالسبب
ادري انه قسم و نصيب ف راضي باللي الله كاتبنه
بس اشل فكرة أتزوج مواطنه من بالي؟ ولا في احتمال 🫣

قلت اسمع رايكم و مشكوورين مقدماً

السلام عليكم اخواني و خواتي
موضوع عشوائي بس مسبب لي ويع راس

بشكل أسبوعي اطلع مع أولاد أعمامي .. نسير كوفي نتقهوى و نسولف .. او نتعشى في مطعم
المهم كللل مرة .. وقت الدفع يكونون مشغولين .. و اللي مفلس و يقول "ادفع عني باجر بحول لك" و آخر شي ما يحول حتى لو تذكره (و أنا من النوع اللي ما احب اذكر حد اكثر عن مرة لانه أتلوم بسرعة)
و اللي فجأة مركز على التلفون او يسولف على التلفون ..
و اللي بيسير الحمام (الله يعزكم)
و في النهاية أدفع أنا الحساب لانه الكاشير مسكين يتريا حد يدفع و محد يتحرك 😂

أنا ما عندي مشكلة ادفع عنهم.. الحمدلله الله رازقني بس الموضوع استوى اوفرر عادي اصرف عليهم ألفين او ثلاث الاف شهرياً
لانهم يطلبون وايد .. كأنه ببلاش و أنا دوم آخذ لي شي صغير
( يعني الأسبوع اللي طاف حسابي أنا ٢١ درهم و حسابهم ٣٨٠ درهم ) و نحن ٥ اشخاص للعلم ..

و مب أنا اللي أعزمهم.. و الطلعة عادةً ما تكون فكرتي
و أنا مب اكبر عنهم علشان أعاملهم مثل اخواني الصغار و ادفع عنهم دوم

بس اخر فترة ، وقت الدفع بديت اقول للكاشير بندفع seperate payments و ادفع نسبتي و اخليهم يتصرفون وياهم .. و الصراحه مرتااح
بس أتلوم الصراحه احس اني بخيل او لحف 😅

و ما يعجبني لانه احبهم و أستانس وياهم.. و احسبهم شرات اخواني .. ما ابغيهم يحسبون انه بينا ماديات
بس خلاصصص هلكت سنوات و ادفع الحساب تقريباً كل مرة و ولا مرة حد دفع عني حتى درهم.. مب اني محتاج بس بعض الأحيان حلوه الواحد يعزمك بشي حتى لو كان شي صغير 😁

طولت الموضوع بس كنت ابغي أفضفض لانها صارت اليوم 😭
انتوا كيف تتصرفون في هالمواقف
شو تسوون و شو رايكم بهالاصدقاء اللي يقول لك بحول لك عقب و "ينسى"

السلام عليكم اخواني و خواتي

حبيت اسألكم إذا حد فيكم يفهم في موضوع المجوهرات النسائية ، ابغي اشتري قلاده ذهب حق العيد لاختي ..
ابغي اسويه custom engraving .. مثلاً يكون عليه اسم او كم كلمة حلوه

لو حد يعرف محل ذهب يبيع اشياء حلوه و يقدر يسوي custom اتمنى تخبروني (يكون في اي إمارة ما عدا بوظبي)

مشكوورين

Edit : اتمنى محد يفهم موضوع انه ما يكون في ابوظبي بطريقة خاطئة 😅
بس لانها بعيدة