r/Emiratis

Long story short, there’s a girl who is fairly well-known on TikTok, and she has been spreading rumors about me and telling people things that are completely untrue.
She claims that I send her pictures to men, that I tell people I’m in a relationship with her husband, that I pretend to be Emirati, and that I send body pictures to men in exchange for money.
None of this is true. I genuinely don’t understand why she is saying these things about me or what she is trying to achieve by spreading them publicly.

السلام عليكم اخواني وخواتي ، كنت سابقا اداوم اونلاين واستقلت لأسباب وظيفيه، وحاليا من فتره ادور مش محصله اونلاين احس الوضع وايد قام يصعب مع الوظايف ، لما أشوف ف موقع indeed الرواتب وايد قليله كمواطنين، مب عارفه وين اقدر احصل الوضع صعب ومحتايين للوظيفه.

اللي توظفو ع اي موقع؟ فيدونا بالمواقع..

واذا ماحصلنا وظيفه كيف ممكن نبني انفسنا ونكون لنا مصدر دخل أنا يا ببالي استثمار بالعملات والذهب، الفوركس.

السلام عليكم، أريد أفك كلام من قلبي لأني أظن هذا الشي بيأثر في كل علاقاتي المستقبلية (الشغل/الصداقات/العائلية)
أنا بنت جامعية ولاكن احس ان مهارتي في العربي مب مستوي جامعي أبداً. و هذا بسبب تربيتي و كثر مشاهدتي في المحتويات الإنجليزية في صغري، و انا وايد منحرجة بهذا الشي لأني يوم أتكلم مع بنات قدي وايد اغلط في كلامي و نطقي لبعض الكلمات، بس وضعي في الإنجليزي احسن بوايد من العربي، فأحس باللوم لأنه كأنني تخليت عن لغتي الأم؟

فهل تقدرون تقترحون لي طرق اقدر اقوي مهارتي في العربي؟

محد شايفني كني شفافه او يقللون مني او يتجاهلوني يظلموني سواء اهل او في الدوام احسني مضايقه والدنيا وايد مادري كيف وكل مره من وانا ياهل امر بصعوبات وبعدين أوصل شوي وعقبها ارد للصفر حرفيا تعبت

السلام عليكم

حبيت انبهكم عن موضوع عشان ما تطيحون فيه خاصة اصحاب البزنس، وايد من الي حولي عندهم مشاريع في الانستقرام او غيره…

وايد تيهم طلبات بايصالات وهميه يكونون مسوينها بال Ai، نصيحة لا تبدون في الطلبيه الا يوم يوصلكم المبلغ…

بيعطونكم وايد اعذار و كلها جذب مثل:
- البنك مالي يطول (مافي بنك يطول احين الا وقت الاجازة الرسميه)
- احتاج الطلبيه ضروري عادي تبدون فالطلب بسرعه
- انا يوم احول ياخذ ٢٤ ساعه لين يوصل (اتريا ٢٤ ساعه اذا وصل المبلغ ابدا فالطلب)

و عشان نقلل من ها الشي اي حد ييه حد يطلب بايصال وهمي بلغ عليه في ابلكيشن شرطة دبي او MOI

وشكرا

وحده يديده فالقسم مره حذالي يالسه مسووتلي ازعاج مب طبيعي، اول شي صوتها غليض وعالي ونبرتها انفعاليه، وهي كبيره فالسن يعني على وجه التقاعد بس مصممه تكمل بعد ثلاثين سنه خدمة، وايد تتكلم وتقاطع وتشوفني في تيمز ميتنغ تقاطعني وتسألني اسئله متكرره وانا اقول هي عندها خبره فوق ال25 سنة ليش تعور راسي المفروض تعرف اغلب الشغل. الابتلاءات انواع وهي صارت ابتلاء يومي اتحمله ماقدر انجز على راحتي وغير جذي تنقل الكلام اي شي اقوله اسمع انه انتشر، حتى المكالمات تسمعها كلها، وبعد تتكلم عن الناس وفي وحده الله يستر عليها خبرتني سالفتها وانا اساسا ماسالت وقالت لي تراني ماخبرت حد عنها الا انتي وبعد فتره اسمعها تقول سالفتها لوحده ثانيه قلت فخاطري مسكينه هالبنت فضفضت للشخص الغلط. الزبدة انا جدا متضايقه يعني حتى بوميا الصبح يوم انش اكتئب اني بقابلها ثمن ساعات، وحتى فالويكند اشل هم كبير، طلبت اغير مكاني بس مافي مجال لان كل المكاتب ماخوذه قالولي بخبرج يوم بيفضى اي مكتب. جربت البس سماعات واحط white noise بعد ماشي فايده متسك جتفي يوم تبا تتكلم، اقولها مشغوله تقول كلنا مشغولين، خلصت اجازاتي بسبتها، ماقدر اكون وقحه وياها عشان فارق العمر اللي بينا بس صدق اذا انتو كبار خلاص تقاعدو فكونا مشاكلكم ارتاحو فالبيت جابلو بيتكم 💔💔💔💔💔

انا حاليا ساكنة في فندق في ابوظبي واليوم كنت سايرة غرفتي والا اسمع واحد غرفته بعيدة بس صوت الصريخ واصل لين عندي يقول ل (بنته/زوجته) انتي يا قليلة الادب انا بربيج وتقولي لا تضرب ، انا اضربج (وفي نفس اللحظة صوت ضرب سمعت) وبعدين كان يقول انه ما بوديج المستشفى .... وبعدها طلع من الغرفة وشفته كان وجه معصب وصوت أنفاسه عالية كانه كان يجلد البنت😭 ، والله وانا برا انرعبتتت مدري شعور البنت داخل كيف .

صراحه ماعرفت كيف اقدر اساعدها بدون لا أتدخل ف بس خبرت الرسبشن انه الغرفة رقم كذا مسوين ازعاج وان شاء الله بيطمنو عليها🥲

اليوم سرت عرس حد من الشباب و جفت ان الشباب في العرس ماشاء الله مرتبين من ناحية الشكل و اللحية و تفصيل الكندورة

بس عامة كيف الريال يهتم في عمره من ناحية الشكل و النظافة الشخصية ؟

اليوم شفت هالبوست في لنكد ان وحبيت اشاركه هني عسبت الكل يعرف شو وضع التوظيف وبالتحديد التوطين عندنا** **ولكم حرية التعليق. (الصورة تحت في الكومنتات).

مع العلم انها حذفت البوست وبلكتني عقب ما علقت على البوست، واللي يضحك اكثر العرض لجهة حكومية وراعية الحساب واخر البوست تطلب تحديد احد الجنسيتين في عنوان الايميل لتسهيل عملية الفرز😂😂😂!

انا و ريلي اكتشفنا السبب ليش الكل يقول هل كلام.

عرفتو يوم يحطون بوستات في الأخبار ان "زوجة طلبت من زوجها الشنطه الفلانية و طلقها." It’s much deeper than that.

انا بقولكم الي قاعده امر فيه حالياً… و الي الف وحده اعرفها مره فيه… و الشي الي دايماً يصير فترة تجهيزات العرس.

تدخل الأهالي هو سبب الرئيسي. اولاً يوم عدد المعازيم يتحدد من الزوج او اهل الزوج (طبيعي… هو الي بيدفع) اهل الزوجة:"لا….. كيف يعني ٣٠٠ شخص؟ معازيمنا وايد مايكفي! اطلبي من ريلج زياده!". الزوجة تروح عند ريلها "اهلي يقولون ان انت لازم تزيد العدد اهلي وايد." الزوج ينضغط مالياً و نفسياً و الزوجة مب قاعده تراعي ان هو صارف ٢٠٠،٠٠٠ على المهر و ١٠٠،٠٠٠ على الشبكة و ١٠٠،٠٠٠ بيصرفها على الاجار و ١٠٠،٠٠٠ بيصرفها على الأثاث و ٢٠،٠٠٠ بيصرفها على شهر العسل.

ناخذ مثال ثاني. الريال يبا يتزوج عن طريق مديم. برنامج من الحكومه ممتاز لمساعدة المواطنين. اهل الزوجة:"كيف يعني عادي عندج تسوين عرس مديم؟ ليش اتنزلين من قدرج جي؟؟؟؟؟". تروح الزوجة عند الزوج و اتقوله انت ماتحبني و شمعنى فلانه و فلانه رياييلهم سوولهم عرس عادي و انت زطي و انت و انت (و الي قاعده تلوم البنت اصلن مب معرسه).

ناخذ مثال ثالث و اخير… الزوج (على حسب ميزانيته) قرر ياخذ شبكة ذهب ابيض لأن الألماس غالي…. اهل الزوجة:"كيف يعني يقص عليج بهل طريقة؟؟؟؟ ماعليه انتي خذي منه الشبكة و بيعيها و زيدي عليها و خذيلج طقم الماس.". الزوجة تسمع كلام اهلها و تبيع الشبكة الي ام زوجها مختارتها. و يوم العرس اهل الزوج + الزوج منصدمين ان الشبكة تغيرت! و مشاكل اتصير و حساسيات.

كل هل امثله هاي تجمعها اسباب معينه الي هي: "الشو showing off”, “اشياء مادية"، و "شو بيقولون عنا الناس".

المشكله ان اهل الزوجة او اي شخص يحاول يسوي مشاكل في هل فتره بين الزوج و الزوج مب مستوعبين شي واحد… ان هل اشياء الي قاعدين تصرونها على البنت هي حق ليلة وحده… لاكن علاقة الزوجة في زوجها اتم للأبد. عشان جي تستوي مشاكل بيت الزوجين و ضرابات و خلافات.

و اذا انتي توج متزوجة و يالسه تمرين في هل مواقف، بقولها الف مره لا تسمعين كلام ولا حد. و لا تسمعين كلام حد يقولج سوي الشي الفلاني و لاتخبرين ريلج، ولا قولي حق ريلج يشتريلج و ياخذلج و يسويلج تراج مب اقل عن غيرج الخ..

هذا ريلج و هو الي بتسكنين وياه و بتعيشين وياه عقب يوم بتخلينه يفلس و ياخذ قرض من ورا طلبات اهلج الي بس يبون يصورون عرسج عشان ينزلونه في snapchat 😊

السلام عليكم
انا طلبت عباه من درله خليجيه و اترييت شهرين و يوم استلمتها انصعقت من شغل و قماش و كل شي !! 💔🫪

و خبرتها بس طبعا ما بترد علي صراحه تعبت من الغش التجاري الي قاعد يصير و غير انهم يستخدمون ai في كل شي و فوقها كاتبه بوست ما احلل حد يسرق شغلي 😂

🧍🏻‍♀️💔

انا ابا اخذ الشهاده وسجلت مع معهد هندي يدربوني وللاسف طلع كله فيدوات واللهجه بالموت تنفهم وماشي نوتس ولا كتاب اقدر اراجع منه لاني افهم بالاوراق والمراجعه الذاتيه مب كله شرح، الصراحه ندمت اني خذت عندهم والي خذها كيف درستوا له وعندكم نوتس او اوراق اراجع منها

هذي تتكلم ان في ناس يشمخون سيارتها واييكم هذا يقول انه المواطنات يتعمدون يخربون سيايير الناس

https://www.instagram.com/reel/DcKodAHiwPv?comment_id=18120599071821980&open_comments=true

Update: مسح تعليقه

ودي اخترع جهاز لlower your gaze يلزمونه على كل الذكور

السلام عليكم ورحمة الله وبركاته

عندنا حد من الشيوخ بدون ذكر هل هو شيخ او شيخة

طبعا اللي عندنا قالولنا ما نخبر اي حد مع الوقت بدو يطلعون ف الإعلام الرسمي للدوام بس ما يذكرون بحضور الشيخ الفلاني او الشيخة الفلانية مجرد صورة الحدث اللي صار

سؤالي هو انا اعرف الموظفين اللي يشتغلون مع الشيخ بحكم طبيعة العمل وهو تم تعيينه مؤخرا كموظف مب كمدير او مشرف. يوم اشوفهم جماعة الشخص اللي اعرفه يسلم علي من بعيد بعدين وبعدين امشي اسلم عليه باليد واكمل السلام على الباقيين والشيخ ف النص هل تصرفي صح ولا لازم اتجاهل الشخص اللي اعرف واسلم على الشيخ بعدين اكمل

شو اناديه استاذ ولا معالي ولا الشيخ شو بالضبط ما اعرف البروتوكولات للامانة.

خبروني كل شي اخاف اييب العيد.

Question About UAE Citizenship & Emiratisation for Children of Emirati Mothers
I’m a child of an Emirati mother, and it has been more than a year since I applied for UAE citizenship through ICP under the naturalisation process.
I have already been interviewed by an immigration officer regarding my application. My documents show as “Approved” on ICP, but the overall application/request still shows as “Under Process.”
I also visited the immigration office to ask for an update, but they told me that the application is now with the higher authorities and that there is nothing further they can do at their level, so I have to wait.
Does anyone here have experience with a similar case? If so, how long did the citizenship process take after the interview and document approval?

Also, I recently heard that NAFIS has introduced a scheme for children of Emirati mothers. Does this mean that children of Emirati mothers are now considered under Emiratisation and can be counted toward a company’s Emiratisation requirements?
Any information or personal experiences would be greatly appreciated. Thank you!

So I'm going into my national service in 2 weeks? But I only know a bit of arabic. Will I be in trouble?

السلام عليكم بنات،

انا عندي بزنس مخاوير وادور على مشغل او خياط شاطر افصل عنده ديزايناتي هني ف بوظبي لكن للاسف كلهم يسعرون الحبة ب 400 وفوق والصراحة انا ما اريد اكون بزنس ثاني سعره كلية ونص مب حالة نص المحلات قامت تبيع ب600+ (لو شغل ايد) تعبت قسما بالله ما خليت خياط واحد ما سرتله ولي تقرييا شهرين اتراكض. لو وحدة تروم تفيدني كثر الله خيرها 🤍🤍

اردني، غالبا بتكون هديه جماعيه من القسم لانه مستقيل بس بعدهم ما حددوا الميزانيه.

بحثت واغلب اقتراحات هدايا الشباب تكون قلم بوك ساعه كاب نظاره شمسيه، في شي يستاهل او عندكم افكار ثانيه؟