اشمعنا
في موقف حصل معايا من فترة انا و اصحابي هو مدايقني جداً فهحكيه بتفاصيل
صحابي دول أتعرف عليهم عن طريق واحد صحبي اسمه علي بدأت ب التدريج أدخل في شلته مرة ف مرة لحد ما بقيت فرد منهم الموضوع ده قل من سنة عشرتي بيهم متكملش سنة او سنة بظبط.
شلة الصحاب دي حوالي 5 ل 6 افراد تقريباً فيهم 2 شغالين و الباقي عوطليه من الي بياخدوا مصروف من اهلهم
انا حد شغالي معتمد اعتماد كبير اني لازم ابقي مركز جدا فا فيه ارهاق عصبي وذهني كبير و انا اصلا في الطبيعي مش بحب الصوت العالي و بحب الهدوء جدا جدا
الموقف ك التالي
احنا متعودين كل خميس ننزل نلف ب العربيات و كده انا في الاغلب مش بحب الجو ده و الصوت العالي و الجري و الهري ده غالبا مش جوي يعني علي صحبي ده بيحب الجو ده جدا جدا بقي و صوت عاااالي اوفر بقي المهم كلمته مره و كذا مره بيني و بينه و قدام ناس اني مش بحب الصوت العالي و كان بيعلي الصوت برضو لحد ما في مره كان يوم خميس كنت مدايق و مقفول جدا و زعلان من حاجات كتير و واحد من شلتنا اسمه بودي (هو عارف اني كلمت علي في حوار الصوت ده كذا مره) كلمني انه جي مع علي ب العربيه هيعدي عليا بلغته اني مش نازل انا تعبان جدا (موضوع الصوت ده بيتعبني تعب رهيب يجماعه تعب صعب فعلا) اخري هقعد شويه ع القهوه اخر الشارع و متعديش عليا ب العربيه علشان والله مش هركب و أكدت عليه الموضوع ده لقيته عدي عليا ب العربيه كان علي و بودي واحمد ركبين فيها (احمد ده للعلم شغال) المهم انا مركبتش و طلعت مشي علي القهوه و محصلش حاجه
تاني يوم بليل نزلت معاهم بعد شغالي لقيتهم كلهم بيعملوني وحش جدا جدا اكتشفت ان علي راح قالهم اني مقدرتوش (انا فعلا غلطان في الحته دي) بس مقلش اني كلمته كذا مره في موضوع الصوت ده
دي اهم جزء لما وضحتلهم موقفي لقيتهم كلهم بيغلطوني و بيقولوا ايه بقي "معلش ي صحبي ما انت عارف علي متري و مخه صغير و عبيط و اهطل تعالي انت علي نفسك و اعتذرله" للعلم الشله دي صحاب من لما كان عندهم 12 سنه بينهم عشره كبيره جداا انا مدايق جدا انهم جم عليا بحجه انه عبيط معلش و ان كل كلامي لما قولت يجامعه بتعب اترمي في الزباله و هو الي اتقدر