الرياض ٣٢
ما حبيت اسوي بوست بطريقه الفورم فبتكلم عن نفسي بشكل عام
واذا نسيت اي شي مهم عادي اسالي
عبدالله من الرياض وعمري ٣٢ تقريبا وطولي بالسبعينات ووزني يعتبر مناسب و fit يعني وملتزم الحمدلله بالجيم وباللايف ستايل الصحي عموما
اهتماماتي زي اي اهتمامات شخص سعودي طبيعي بس عندي اهتمامات مختلفه شوي بس ستيل امور طبيعية لكن بشكل عام نادي كوره مسلسلات افلام والمحتوى الي احب اشوفها سواء يوتيوب او ميوزك او او يكون انجليش.،، عموما احس موضوع الاهتمامات افضل يكون بالسوالف
انا من خلفية قبليه وضروري هي تكون نفسي يعني،، انا قبيلي ومن نجد وطول عمري عايش بالرياض
مهنيا انا خريج جامعة و الحمدلله اشتغل بوظيفه لي فتره ومستقر فيها وتعتبر وظيفه اوقاتها عادية ومنطقية كل يوم،، نفسي اتطور باذن الله مهنيا سواء دراسة او غيره
الاشياء الي اتمناها بالزوجه انها تكون قريبه من اطباعنا وتعرف الصح والخطا من نفسها بدون ما اقولها، سواء امور الدنيا ومسؤولياتها بالزواج او بامور الدين ( ما اقول اني شيخ بس يعني الوسطيه ممتازة )
وحلو لو فيه اشياء مشتركه + عندها لايف ستايل صحي شوي + وتحب السفر.
عمرها اصغر مني
موضوع السواقة والوظيفة، يعني افضل انها تسوق وانها دارسة وعادي موظفه بمكان ما يشغلها ٢٤/٧ وتتفضى لحياتها الزوجية ( بس الحقيقه ما اهتم اذا انها تسوق او لا او موظفة او لا )
موضوع الانجاب مهم طبعا والله يرزقني مع الشخص الصح على خير يارب ( العدد ما يهم الحين واكيد مع النقاشات والعشرة والظروف بالحياة بنعرف كم لان مستحيل الواحد يحدد عدد والي يجي من ربي رزق الحمدلله )
الشي الاخير اني سبق وكنت متزوج لكن انفصلت بدون اطفال من فتره ( اتمنى محد يسالني بهالموضوع من اول شي الا اذا اسئله سطحية، ما راح اتكلم عنه بشكل تفصيلي الا بعد ما نتاكد من الامور الاساسية الي بينا )
وصراحة ودي اكتب عن اشياء اكثر هنا لكن مع السوالف افضل بالنسبه لي
وايضا ما افضل نطول بالسوالف والتعارف او يصير سوالف كثيره مالها داعي، اذا شفنا فيه توافق وتاكدنا من الامور الاساسية، نبدا نفكر ناخذ خطوة جدية، لاني ببساطة ما عندي وقت ولا ابي اضيع وقتي او وقت احد ثاني
واحب اوضح شي، انا مو هنا ادور اي زواج،موجود هنا ادور زوجة على مزاجي، اذا حصلت ممتاز اذا ما حصلت الي ابيه بالضبط بمسح البوست واتزوج بالطريقه العادية.
وبالتوفيق