الدوام على المعصية والمجاهرة فيها.
صبايا وشباب، الله يعطيكم العافيه، بدي احكي كلمتين وما بدي احكيهم بأسلوب خطبة الجمعه، كلنا ذكر او أنثى عندنا اخطاء وذنوب، ونعصي ربنا كل يوم الاف المرات، وربنا سبحانه وتعالي شايف وعارف نوايانا، نذنب ونتوب ونستغفر ونذنب مره ثانيه ونرجع نتوب، لكن من صدق التوبه هي الاقلاع عن الذنب والبعد عنه وعن أسبابه، والإصرار على الذنب يجلب غضب ربنا، ومن احد صور غضب ربنا هو فضح الانسان المستمر على الذنب وخاصه المجاهربن واحنا هون في ريديت كلنا مجاهرين بمعاصينا.
الانسان محتاج ستر رب العالمين، لكن المداومه في المعصيه ممكن تخرجك من ستر ربنا، كنت اعرف انسان كان دايما في المسجد ويتبرع ويناقش الامام ودايما في الصف الاول، لكن كان عنده ذنب معين لكنه دايم عليه وربنا نبهه واعطاه اكثر من تحذير بطريقه مباشره او غير مباشره لكنه قرر يستمر على المعصيه وفي يوم من الايام ربنا كشفه للناس كلها على ابسط الاسباب.
أنا ما بحكي معكم كشيخ او كأنسان ملتزم، لا على العكس أنا ذنوبي كثير كثيره واسال الله المغفره والستر في الدنيا والاخره.