r/Jordanians

قبل ال١٨ كنا مجموعة من حوالي ال٦ أشخاص ، شو ما يصير معنا بنقوله و بنطلع سوا عالأقل كل اسبوع مرة و كلنا على عقل بعض ، ما في حدا منا كان عنده أفكار واضحة فكانت الأمور بالسليم

بعد ال١٨ بلشت الشلة هاي يظهر على الي فيها ملامح فكرية واضحة ، و اول واحد منا ظهرت عليه هاي الملامح طلع بحجة انه إحنا مش اصحاب دين ، كان شب محترم و شاطر و اتجه اتجاه ديني بمجرد ما خلصنا توجيهي و صار يدخل بسوالف العقيدة و المذاهب و الصوفية و مش عارف شو، و صارت علاقته مع شيوخ و ختايرة و يطلع و ييجي معهم

بعديها الشب الثاني كان العكس تماما ، بلش يتغير و صار تبع نسوان و تبع فياعة و همالة و نصب و حرمنة ، للامانة الشب قلبه طيب بس دينه سكر حلو

الثالث و الرابع كل منهم صار شب إيزي ، من جماعة إليسا و أصالة و الاخرس و مش عارف مين و صورني ببلاك و صورني و انا بشرب ماتشا و هالسوالف

الخامس صار أبو العجيان ، و سوالف عشاير و قبايل و ان ما انحلت تنحل بفنجان قهوة ، لكنه للامانة فعلا صاحب نخوة

و السادس انا , و لليوم ما بعرف وين موقعي من كل هالكلام ولا بعرف شو أفكاري و شو أهدافي

بضل أحس حالي بعدني عالق بمرحلة كنا كلنا فيها زي بعض

ليش سناب شات قدر يقنع الناس إن إرسال صورة كل يوم صار إنجاز لازم تحافظ عليه؟

يعني حرفيًا ممكن تكون مش طايق الشخص، وما عندك أي شيء تحكيه معه، بس تبعث صورة للحائط أو للسقف عشان ما ينقطع الـstreak

والأغرب إنك إذا نسيته يوم بتحس إنك خسرت شيء مهم، مع إنه كل اللي صار إن التطبيق شال رقم جنب اسم شخص.

أسوأ إشي بالتطبيق إنه حوّل التواصل من (بدي أحكي معك) إلى لازم أبعتلك أي إشي عشان الرقم ما يروح.

مش تواصل، هذا عدّاد التزام لشيء غالبًا ما إله معنى

او بغير مكان بس المهم يكون اشي غريب

شو بدك بحساب عمر تلاقيه وتبعثلو انك لاقيتو الله يسامحك مين ما كنت

بنت عمري 17 سنة ومن فترة طويلة بعاني من تعب وارهاق مستمر بشكل مبالغ فيه. حتى ابسط الاشياء بتستنزفني. المشي لمسافة قصيرة او الوقوف لفترة او عمل شغلة بسيطة بالبيت او الدراسة لفترة قصيرة ممكن يخليني منهك تماما.

لما اوقف تحديدا الموضوع بصير اسوأ. بدوخ وبحس بخفة شديدة في راسي واحيانا بيجيني رجفان او هزات لا ارادية في جسمي تشبه التشنجات الخفيفة او الرجفة. احيانا بحس اني لازم اقعد بسرعة لاني بحس اني ممكن اغمى.

وفي اوقات بيجيني نعاس شديد ومفاجئ بشكل غريب. عيوني بتثقل وبحس كأني بفقد تركيزي ووعيي للحظات او كأني منفصل عن اللي حولي. مش بالضرورة اغماء كامل لكن احساس قريب جدا من اني "بغيب عن الحياة" من شدة النعاس والدوخة.

كمان بعاني من ضبابية ذهنية وصعوبة بالتركيز واحساس دائم بالضعف وكان جسمي بدون طاقة مهما نمت. مرات بصحى من النوم وكأني ما نمت اصلا.

عندي ايضا نوبات تسارع في ضربات القلب خصوصا مع الوقوف او الحركة. راجعت طبيب قلب وعملت فحوصات وقال ان القلب سليم. وضغط الدم احيانا بطلع اعلى من الطبيعي رغم اني ما عندي تشخيص بارتفاع ضغط الدم.

كان عندي نقص ببعض الفيتامينات قبل عدة اشهر وعالجته واخذت المكملات المطلوبة. المفروض حاليا مستويات الفيتامينات عندي جيدة ومع ذلك الاعراض مستمرة.

رحت على اكثر من طبيب وصرت فعليا احس ان اهلي تعبوا من كثرة شكواي. وانا نفسي تعبت من اني احس ان في شيء غلط بجسمي وكل مرة تكون الفحوصات طبيعية.

انا مش طالب تشخيص من ريدت. بدي اعرف اذا في حد مر بشيء مشابه خصوصا بعمر 16 الى 18 سنة.

تعب شديد من مجهود بسيط. دوخة عند الوقوف. رجفة او هزات لا ارادية عند الوقوف. تسارع نبض. نعاس شديد ومفاجئ. ثقل بالعينين. ضبابية ذهنية. شعور بقرب الاغماء. واحيانا احساس غريب كأني على وشك افقد الوعي.

هل مر احد بنفس الاعراض؟ وما كان السبب عندكم بالنهاية؟ وهل اكتشفتم شيئا لم يظهر في الفحوصات العادية؟

بصراحة اكثر شيء مرعب بالنسبة الي ان يظل هذا وضعي واني ما اعرف السبب.

بكره كيف جو الحياة بعد الساعة ١٢، كل مكان هدوء ( مع اني بحب الهدوء ) كل اشي ما اله طعم، اكتئاب، بضلّ الواحد هو وسماعته وبفكر بالحياة،

بحكي الحكي هاد وانا برا الان وبسمع اغاني ع اساس ( انها رح تخفف عني ) مع انها بتزيد الطين بلة، بكره كيف الواحد بعرف انو ع غلط وبكمّل، لانو شايفه اشي ممكن يخفف عنه، بكره الحكي بكره الناس وبكره الحياة، تعب جدًا

هلا انا جبت 6 A* بال o levels
وجبت 2A بال A level
صح المفروض المعادلة تكون 98.8 ؟
لو سمحتوا اي حدا بعرف يساعدني

في كثير امور بس تشوفها تحسها تعبر عن تروما دفينه شو هي بالنسبه الك؟
انا شعر البنات

حط اي كومنت وبعطيك award مجاني

عندي ريدت معلق ومعي اوزع awards مجانيه قلت بوزعها لأهل البلد احسن

علق وبعطيك