وممكن يكون شخص بالواقع جدّي وعنده شركات وهيبة، وعلى ريديت عنده الحريّة يكون تافه وبنكّت بدون ما يكسر هيبته
بشوف في كثير ناس متضايقة من الهبل اللي بصير مرات وأي بوست إنتقاد ينزل ألاقي أبفوتس كثير عليه، وحقهم يعني هبل بضل.
بس لويه ما تساوو صب مخصص للهبل وتخلصوا، منه ينظف الصب هاظ من التفاهة ومنه يلاقوا المشاطيب مكان للتعبير عن نفسهم بيه، والله فكرة حلوة بحسها لو بدكم جد ينظف الصب.
انا تقبلت كل اشي من هالفئة ما عدا اشي واحد، كل واحد حر بحياته يسوي اللي بده يا، ما حدا متحاسب عن حدا، بده يروح يشرب حر، بده يروح يصاحب حر، احكيلكوا اذا هو حابب يروح يحارب بابصر اي جيش ما الي دخل
بس اشي واحد بقهرني، اكثر من حدا بعرفهم نفس الاشي، بكونوا اهاليهم يا دوب معاهم و الاب بايع الدار و مطلع قروض عشان يدرس ابنه و الولد بروح بتعرف عوحدة اجنبية و بصير يصرف عليها بحجة انه بحبها
البوست مستوحى من ٧-٩ اشخاص مختلفين، بس اخر واحد أبوه بتداين من الناس و هو عامل لحبيبته الاوكرانية عيد ميلاد بكافيه و عاملين Theme و الحفلة تقول كانه بامريكا
لو بشتغل و بجيب مصاري الواحد بسكت بس كله من جيبة ابوه و امه
صرت احس الصب آخر فترة نداء تزاوج وأشياء بتحسها قروب مكس مش صب للأردن.
وبالكومنتات بدلعوا بعض يعني شب بدلع بنت او العكس، كيف وصلتوا لهالمرحلة ؟
والبوستات بشكل عام زي تقييم أعضاء الصب يعني حلوة لو انعملت مرة بس مش كل يوم امدحوا بعض عالخاص بجوز احسن.
واشياء كثير يعني البكمي انتشرت بالصب كثير (انا بكمي بس مش هيك)، فمن هون بعلن دعمي للمودز بلا استثناء وأولهم بشار للقضاء على البكميين وضربهم بيد من حديد.
ومش قصدي اساءة شخصية لحدا والله كلكوا كويسين ذكورًا وإناثًا بس الصب للأردن يعني جرب ادخل صب سعودي او عراقي بتلاقي مواضيعه عن البلد مش عن اعضاء الصب ومين كيوت ومين حلو وهو صغير.
بتذكر أيام كان فيها صبات الأردن مكان جميل للحوار عن جوانب مختلفة بحياة بعضنا سواء من الشغل، مشاكل إجتماعية، طلب نصيحة، او أمور ثقافية.
اما بالنسبة لليوم فصار هالصب للأسف تافه. و انا مروح من الشغل مرات بفتح على ريدت اقلب سريع، حتى بعض الأحيان بفكر أشارك، لكن كمية الهبل و المراهقة الي بشوفها في هذا الصب بالذات بتخليني اعزف على الكامل.
ناس حياتها فقط تتهبل، تتنمر، trolling, و كلام ما في منه منفعة.
بحس انه خسر اشي جميل كان مبني عليه، و كثير ناس عزفت عن المشاركة بسبب هذا الإشي و انا منهم، رغم اني بالذات في الغربة كنت أحب هذا الصب لانه بطريقة أو بأخرى كان يربطني ببلدي.
كيف ممكن الواحد يفتح مع البنت موضوع إنه مش حابب يعمل عرس؟
مش من باب البخل أبداً، بالعكس، مستعد أعطيها كل تكاليف العرس كاش وتعمل فيهم اللي بدها إياه، بس أنا شخصياً مش حابب فكرة العرس نفسها
كيف بتتخيلوا ممكن ينفتح هيك موضوع؟ وشو ممكن تكون أحسن مقدمة إله بدون ما تحس البنت إني ببخل عليها أو بقلل من فرحتها؟
من زمان كتير كتير ما نزلت بوست جدي بس حابة احكي بهاد الموضوع
المهم طول عمري قامعة اي اشي عربي بحياتي لحد ما صرت اول ثانوي (٢٠٢٤) جد ما كنت احب احكي عربي ما كنت اسمع اغاني عربي كنت عايشة بلد اجنبي كنت استحي احكي اني عربية جد كنت بكره فكرة العرب وانه العرب جرب
هلا انا ما بعترض ما حالي الصغيرة لانه برضو معها حق ب اكمن نقطة او كتير نقط حتى من ناحية وخصوصا انه انا بنت ومجتمعنا سيء من ماي الناحية مش موضوعي ومش الاشي يلي حابة اتناقش فيه بس شو صارب اول ثانوي ؟
ما بعرف جد بس قلبت حبيت اصلي حبيت اني اردنية حبيت اني بحكي عربي حبيت تاريخنا حبيت اغانينا حبيت كلشي تقريبا ممكن ينحب صرت اكره احكي إنجليزي صرت احب الميكب التقيل تبعنا وبعرف انه بلاد شام مش عرب وهاد الحكي بس احنا اليوم عرب بنحكي
ما بعرف شو فرق وحسيت انه نفسي نتحرر نفسي العرب يرجعو زي زمان ونكون يد واحدة ونحن فلاح وعامل والحكي هاد كله بس
يلي بستغرب منه جد (ما بهمني غيري) انه في ناس ما بحبو اني بحكي عربي اكتر او بس انزل ستوري او اشي بحط دايما عربي (مع اني بسمع اجنبي) وانه يعني شوي كرنج وانه اجنبي احلى (بتكون بدها تحط weekend the
وانا بدي احط عايدة الايوبي فش فرق صراحة) المهم بشكل
عام ليه عم يتقلل من كلشي عربي مع انه جد مرات احلى واحسن ومن متى الميمز العربية اسوء من الاجنبية كيف يعني هاد هبل اسمه
في كتير حكي براسي ومش عارفة ارتبه واحكيه بس حاولت...
عندي أخ كبير ببداية الثلاثينات كتييييير بحبه ومن وانا صغيرة معتبريته أبوي من قد حنيته كان دايماً ياخدني معه ع الجامعة وأرافقه بمشاويره،وحتى بس جاب بنتين حكالهم هاي بنتي قبل ما تكونوا انتوا بناتي وبس نتهاوش انا وبناته ما يعترض يحكي بناتي بتهاوشوا سوى ، شو في عندكم مواقف لطيفة مع أهلكم هيك
ليش الكل ضد العفو العام
والعفو العام ما بشمل المجرم الا لما المشتكي يتنازل عن حقه الشخصي و بضل في حق عام للدولة
هل الشخص لما يغلط بحق حدا و الشخص الثاني يسامحه ما بستحق فرصه جديده يبلش فيها حياته ؟ انا ما بحكي عن كل الجرائم واصلا العفو العام حتى عند إسقاط الحق الشخصي ما بشمل كل الجرائم
اخوي الصغير راسم هاي الرسمة وجاي يوريني طبعا راميني اخر واحد احرجني باخلاقه
بس الحمدلله الرسمة طبيعية ما في جني ولا روح شريرة ههههههههه
سؤال جد براودني من أول ما بدأت العمل في الأردن.
القطاع الي بشتغل فيه، يوجد عنا متدربين بشكل دائم، سواء متدربين جامعات او غيره. الغالبية العظمى من المتدربين إناث، رغم انه غالبية الموظفين في القسم الي كنت أشتغل فيه بالذات ذكور.
الظاهرة الي لاحظتها، او الظواهر، كانت انه العديد من الموظفين المقرر انهم يدربو البنات، إما ما بدربوهم و بعطوهم مهام همي مستثقلين منها او مهام تافهة و ما بقوم بالتدريب أساسا، او بكون تدريبه رفع عتب و ما بقوم بواجبه باكمل وجه.
المشكلة انه مبرراتهم لهذا التصرف انهم بنات، يعني شو رح يشتغلو و تدريبهم عالفاضي و اصلا بفهموش، رغم اني شخصيا دربت طالبات متفوقات ما شاء الله عليهم!
و الادهى و الأمر في العديد من المدربين بحطم مجاديف البنات فعلا، بصير يحكيلها شو بدك بهالشغلة، اتزوجي أحسنلك، اصلا ما بزبطلكوا هالشغل، اصلا صعب و من هذه الحجج، رغم انو فعلا في منهم بفهموا أحسن منهم.
بعض المتدربات طلبو يتدربوا معي بسبب هذه الظاهرة، و إشتكوا من التجريح و تكسير المجاديف، و كانوا جدا فرحانين انه في حد بشرح و بدرب و بالعكس كنت أشجعهم.
السؤال انه ليش؟ ليش الشباب بشوف البنت عدم المؤاخذة و على ألسنة العديد منزملائي حمارات، ليش بشوفوهم غير قادرات؟ ليش بشوف انه هو فقط لأنه شب بقدر على هذا الشغل؟ رغم انه في كثيربنات مبدعات بالمجال، و علما انه أغلبية المتخرجين بهذا التخصص بنات اصلا!
ليش تحطم أمال الناس و تكسر مجاديفهم؟ ليش ما تأدي أمانتك بنشر العلم؟
هل هاي الظاهرة منتشرة؟ هل برضو في باقي القطاعات هيك؟
بصراحة كثير شباب سقطت من عيني! و لما أدرب بحكولي شوووو بتزبط وضعك قاعد؟ بس عشانها بنت يعني؟ و كل وحدة بدربها نفس القصة، و اذا شب بتسمعش خبر.
هل ضروري اكون عندي فكر زاحف او تزبيط عشان ادرب و أعطي صدقة العلم الي هي نشره؟
ليش الناس ما بتحب الخير لبعضها؟ ليش ما تفرح لما تدرب حدا و تشوفه يشكرك و ينجح بحياته؟ سواء بنت او شب.
ليش نظرت بعض الشباب فعلا طلعت مقرفة للبنات؟
مرحبا
اتعرفت ع واحد هندي بس متربي بالخليج و دارس برا و حابب يتزوجني
هو منيح و مسلم و عجبني تفكيره و شخصيته و متوافقين
بس المشكلة واضحة
نصايح؟
ما بستفزني غير اللي بغيروا صوتهم لصوت شتوي انه بوطوا صوتهم وبصيروا يتمتموا وصوت اللسان طالع كانهم عم بطلعوا صوت الاكل ،ولله مو حلو يعني مشكلة ولله
قبل سنتين تقريبًا إجوا جيران جداد على الحارة البيت اللي سكنوا فيه كان من زمان مش مسكون، وكان عندهم أطفال فبلشنا نتعرف عليهم من خلال الأطفال، وصارت الحارة فيها حياة بدل ما كانت ميتة
المهم، الجيران كان عندهم بنت متزوجة من سعودي وهم أصلًا جنسيتهم سورية البنت صغيرة بالعمر، وعندها بنت كانت تيجي عنا أحيانًا مع البنات وهيك
مع الوقت، كثرت جياتهاوكلنا تعلقنا فيها جد بحبها كثير
هسا عمرها صار 3 سنين ونص، وأول ما إجت كانت سنة ونص بتجنن بتجنن عمري ما تخيلت إني ممكن أحب أطفال هيك ما بتقبل غيرها اجتماعية وجد وجد ذكية كثير وجميلةة بشكلل ماشاءالله، والكل عنا بحبها بدون استثناء واغلب العيلة بتعرفها من اهل ابوي وامي كمان
بنضل نستناها تيجي ونعمل فعاليات معها، وعليها سوالف بتضحك كلها العيلة بتجنن وناس متفهمة جد وراقية لابعد حدود يسعدهم اهل الشام، وبحس إنهم غيروا حياتنا كلها وبنضل نعمل زيارات وعزومات عند بعض
المهم، البنت الصغيرة بحكم إنها سعوديةفي أوراق لسا أهلها بعملوها وبالآخر بدها تروح على السعودية وأهل أمها بدهم يرجعوا على سوريا لما يهدأ الوضع
ميمي كثير بتحب الميك اب بضل اغريها فيه عشان اتضل عنا وكثير بتحب المصاري هههه وكثير بتحب الاكل بضل احطلها شفا ونضل نرقص ونرسم ما خلينا اشي يعتب
كل فترة بدعي إنهم يضلوا أكثر بالبلد، لأني مش متخيلة كيف ميمي رح تتركنا وتروح يتم الحزن
i'm just scared that once she leaves and moves away, i'll forget her over time so i'm keeping this post to remind me of her 💔
ليش بحس جيل ٢٠٠١ مختفيين او قليلين
طمنوني عنكم رجاءا
في طريقة اقدر اشغل بث سبيستون على التلفزيون بس مش الجديد، من تاريخ قديم. يعني مثلا تسجيل يوم كامل من سبيستون ايام زمان؟
بعرف اني بلشت اغفي لما الافكار تبلش تفوت ببعض و اتخيل اشياء غريبه الكل هيك؟
عمل بلوك وحذف التطبيق وشكرا لكل حد ساعدني وأمورنا الحمدلله تمام وصار يحكي انا عرفت اربي وهيك
I've been struggling with sleep lately. I can lie in bed with my eyes closed for hours without being able to fall asleep. I've tried exhausting myself physically by working out at the gym, walking for hours, and doing all kinds of things to make myself tired, but nothing seems to work
Even when I finally fall asleep I sometimes wake up after just like 15 minutes with a strange feeling and weird thoughts running through my mind
Uni is coming soon, and I'm honestly worried about how I'm going to manage my studies like that
Has anyone else ever gone through something like that? How did you deal with it? How did you eventually get out of this cycle?
It's genuinely exhausting, and I feel like I'm running out of options.