u/PenaltyPlenty1893

ما بستفزني غير اللي بغيروا صوتهم لصوت شتوي انه بوطوا صوتهم وبصيروا يتمتموا وصوت اللسان طالع كانهم عم بطلعوا صوت الاكل ،ولله مو حلو يعني مشكلة ولله

ليه هلقد اسعار الجامعات الحكومية غالية(اليوم اكتشفت هالشي) هاد وهي حكومية حتى الخاصة مرات اسعارها اقل ، الاب اللي عنده ابنين ولا ثلاث بالجامعة كيف بده يوفرلهم كل هدول المصاريف؟ بلشت اقتنع بدل ما الواحد يدرس جامعة يشتري بمصاريف الجامعة سيارة يشغلها تكسي لانه حتى لو تخرج شو الراتب اللي بده يوخده؟400؟

الصراحة مو فارقة معي مين اللي فجره المهم انه 3000 شخص امريكي مات (صحيح انا عديمة انسانية بنبسط عموت الامريكي) وياريت تعرف عدد العراقين اللي قتلتهم امريكا 200000 الف بني ادم ، وعدد الافغان اللي قتلتهم امريكا 176000 الف بني ادم وانت شايف طبعا حرب غزة اللي امريكا بتدعمها عسكريا و سياسيا كم واحد فلسطيني انقتل بالمختصر سبب كل مشاكل الشرق الاوسط هي امريكا. واذا شفت الارقام بتشوف انه 3000 امريكي مقتول ما بتساوي 1% من عدد اللي قتلتهم امريكا من اخواننا العرب والمسلمين،ف ما تعمل حالك سفير السلام الامريكي.

هسا مبدئيا انا صفي مختلط ف كانت اخر حصة عنا ارشاد ف المس فتحت مع الصف موضوع الحجاب وسألت مين بشوف الحجاب فرض طبعا كل الاولاد رفعوا ايديهم وانا معهم اكيد يعني لانه فعليا بشوفه فرض بس انا مو متحجبة يعني المهم المشكلة مو هون المشكلة لما المس سألتهم لو اختك مو متحجبة وغصبتها تتحجب وماتحجبت شو بتعمل يا الله اجوبتهم مستفزة اغلبهم صار يحكي بطخها وبقتلها وتروح تلعب بالجنة ومن هالقرف اللهم هالواحد اللي صار يحكي انه مابزبط يجبرها لانه اذا جبرها اكيد بس تطلع من البيت حتشلحه مادامها مو هي اللي مقررة، بتمنى تفكير الشباب بالمجتمع يتغير لانك انت مو مسؤول عن اختك مادام ابوك موجود و ما الك حق تجبرها انها تعمل اشي هي مابدها ياه،هي بس تقرر تتحجب بتتحجب. وبعدين ترا هاد تفكير واحد عمره 17/18 سنة ف الله يعينا يارب

بما انه في كتير بسألوا كيف نظرتي للتسحيج انا شايفته هيك

واحد بطبل لجهة عم تظلم ولاد شعبه من رواتب (الحد الادنى 290 دينار واقل اجار بيت 150 والمصاريف الباقية انت فكر فيها) ومن سوء المؤسسات التعليمية (كلنا بنشوف المدارس الحكومية والقرف اللي بصير فيها لانه مافي رقابة عليها،وبرضوا الجامعات الحكومية اللي على اساس انها حكومية زي مابحكوا ف المفروض تكون مجانية بس اسعارها بلشت تتعدي الخاصة يعني واحد جايب 98.7 مثلا وتعبان على هالنتيجة عشان يدرس طب و اخر شي الساعة ب 100 ولا 150 انت شايف هاد الحكي طبيعي؟) و الصحية (برضوا نفس الحكي يعني مستشفى حكومي ف المفترض يكون مجاني بس مش هون السيء المستشفى نفسه هو السيء لا معدات زي العالم والناس مافي لا نظافة و لا تعقيم يعني طبيعي جدا يصيبك بكتيريا ولا جرثومة و نلاقيك باليوم التاني بالقبر وريحة الدخان بتكون معبية المستشفى وبتكون داخل عندك حرارة سبحان الله بتطلع بدون رجل واكبر مثال مستشفى البشير) واهم شي البطالة طبعا مافي عندك غير حلين عشان تشتغل يكون عندك واسطة او انك تروح على الخليج تشتغل (وانا بصراحة بشوف انه ابناء الخليج هم اولى طبعا واكيد بالوظائف منا)وانداري الله يفرجها علينا جميعا

حبيت اجي افضفض هون بين ناس ما بعرفهم لانه مابحب ابين اني زعلانة ومتضايقة قدام ناس بعرفهم....انا حاليا ببكي بكاء هستيري مابعرف ليه ولله مابعرف جد انا درست وعملت اللي علي حتى اني ولله اوقات بالفصل الاول و التاني ممكن اوقات دراستي توصل لسبع ساعات يوميا بدون ما احس بفقدان شغف عادي بعني الموضوع كان بالنسبة اللي اشي روتيني، بس هسا اخر شهرين فش شغف ابدا حاسة كل تعبي اللي تعبته قبل راح عالفاضي مش عارفة وين الله حاطني حاليا من كتر ما اني ضايعة فجد حاسة حالي متضايقة كتير وبالاخص اني انا بالصفوف اللي قبل اول ثانوي كنت نيرد وكتيررر دايما الاولى عالصف و معدلي بعاشر كان 99.3 بس هو هاد اللي متعبني اني كنت شاطرة فكل الناس اللي بعرفهم من معلمات واقارب بتوقعوا مني معدل عالي ودايما بحكولي شو يا الاولى على المملكة ولله موضوع انه الناس بضغطوا علي وبتوقعوا مني معدل عالي كتير متعبني وخايفة اجيب معدل مو منيح يصيروا يتشمتوا فيني وكيف كنت وكيف صرت في اهم مرحلة بحياتي بس يعني الاشي اللي مخفف علي انه ماما وبابا ابدا ما بضغطوا علي بالعكس عادي بس احكيلهم مابدي ادرس بحكولي بلاها هالدراسة اذا بدها تتعبك ومرة بعتت لبابا يطبعلي تواريخ تاريخ الاردن لما شاف قديش كتار سألني قديش عليهم علامة قلتله بجوز يجيبوا بس تنين من 200 تاريخ تقريبا (الله لا يوفق الوزارة يارب ) صار يحكيلي شو بدك بهل علامتين سيبك منهم هو مش عارف انه هالعلامتين بالنسبة اللي مسألة حياة او موت. مش عارفة عطوني حل بجوز عندي نقص فيتامينات لانه دايما كسلانة و عندي خمول او هاد الطبيعي بكل حدا توجيهي. وبتمنى الوزارة ترحمنا لانه ولله تعبنا مش هيك يعني الواحد عنده مقدار معين انه يتحمل يعني خلص ولله تعبت كتير و درست كتير و راحت علي طلعات كتير مع صحباتي لانه بدي ادرس و هم يطلعوا عادي مو مكبرين الموضوع متلي. والله لا يوفق الوزارة يارب