جد ياخي ليش هيك؟
اليوم مثلًا رحت انا وأخوي لمكان، ونفس الاشي بحس الموظفين والناس هناك مش طايقيني مع اني كثير بهتم بلبسي ونظافتي والخ
فعالاغلب المشكلة بوجهي ما فيه قبول مع انه وجهي فيه قبول بنظري مش عارف شكلي مكبر الموضوع
انه واحد بقربله بدخل غرفة اخته فجأة وبدون استئذان وكنت بدي اكتبله حل
المهم صار هالاشي قدامي مع واحد بقربلي عمره 29, فجأة دخل غرفة اختي بدون مقدمات
فرحت على غرفتها وقلعته بالعقل وحكيت لأختي سكري بالمفتاح مرة ثانية.
فالمهم العمر مش مهم هذا اللي بقربلي اكبر مني ب9 سنوات وقلعته، وخلي اختك تسكر الباب بالمفتاح (اذا انك بتشوف البوست)، واحكي لأهلك عنه بنفس الوقت.
اتمنى ما تقرفونا بكلمة بلــجكت وبلاجــكة وهالهبل
انا اردني من جهة الأب والأم والله بس قرفت من هبل المراهقين
الآية تذكر بعض صفات النبي محمد صلى الله عليه وسلم
عَزِيزٌ عَلَيْهِ مَا عَنِتُّمْ: يعز عليه مشقتكم
حَرِيصٌ عَلَيْكُم: حريص على هُدَى ضُلالكم وتوبتهم ورجوعهم إلى الحق
بِالْمُؤْمِنِينَ رَءُوفٌ رَّحِيمٌ: المبالغة في الرأفة والشفقة وشدة الرحمة على المؤمنين
صلوا على النبي
اللهم صل على محمد وعلى آل محمد، كما صليت على إبراهيم، وعلى آل إبراهيم، إنك حميد مجيد، اللهم بارك على محمد، وعلى آل محمد كما باركت على إبراهيم، وعلى آل إبراهيم إنك حميد مجيد
فرق العُمر بين المتزوجين اشي ضروري؟ يعني مثلا بحكوا لازم الشب يكون اكبر من البنت عالأقل 5 سنوات، شو السبب ؟
والفكرة منتشرة كثير مش اشي جديد يعني.
واذا بتتزوج مثلا وحدة قدك بحسسوك انك عامل اشي غلط ولازم تراجع حالك عند دكتور نفسي.
وانا بكره حكي المجتمع لما يتدخلوا بقصص هيك، مش حساس، بس انت هيك تعديت على خطوط حمرا بالنسبة الي، فمشاكلي مع الناس راح تزيد حتمًا.
افتار حسابه حطه هو و ميسي (بس ميسي مر من جنبه وهو بلعب)
ومنزل ٣ صور كيف بطح ميسي وسبب يجيب فاول واكلنا قول من وراه
وكاتب الحلم اصبح حقيقة، لا شو رأيك تعبد ميسي وتسوي ديانة جديدة! ليش هيك تعظيم شخصيات ما بتستاهل، بتحب لعب ميسي ما في مشكلة، بس تقعد تدخله بكل صورة ببروفايلك زي كأنه بدون ميسي ما عندك شخصية اشي مقرف.
جد كمية قرف لا توصف
قبل ساعة واحد نزل عني بوست اني مت.حرش وهالقصص ومسح حسابه
وهسا واحد بحذر من وحدة بسة سودا بالصب
ف اتوقع انه نفس الشخص بحط اتهامات بس بدون دليل والله تعالى أعلى واعلم
زي ما سمعتوا في قروب بالتلجرام ببيعوا صور بنات ومعلوماتهم هون بالاردن
انا الصراحة ما بعرف القروب ممكن اللي عنده الرابط يعطيني ؟
ان شاء الله بحاول اسكر كل قروباتهم خصوصًا انه انا بسكر قنوات وقروبات ابا.حـية وسكام عالتلجرام
وانا على معرفة مع شخص بشتغل بشركة تلجرام كمراقب محتوى بقدر ابلغه بالموضوع ويساعدنا
ثاني مرة بنزل البوست اتوقع البوت مسح البوست الاول
في واحد عرفته من موقع تواصل اجتماعي والولد طلع قدي ونفس تخصصي فصرنا نحكي وهيك
فمرة طلب مني ندخل مكالمة، وكنت أقول له بعدين بعدين، اخر اشي وافقت، ويا ريت ما وافقت ظل يحكي 3 ساعات معي وبنص الليل يعني اذن الفجر واحنا بنحكي وكنت احكي له "اسمع خلص بدي انام" فبحكي لي "بدك تنام؟" وبرجع بكمل سواها بجوز 3 مرات والمشكلة مواضيعه مش مهمة عشان نسهر عليها، فالمهم ظل يحكي وما بوقف وصرت ادمع من النعس ونمت وهو بحكي وما صحيت الا وهو بحكي لي "سامعني؟ الوو" لو ما حكاها بجوز لهسا انا نايم وهو بحكي، فالمهم اخر اشي فصلت النت وهو بحكي ونمت.
من بعدها، صرت اتجاهله بالأسابيع لأنه جد مزعج يعني من قبل هالمكالمة هو كان مزعج اصلًا وكثير مش شوي، فصار يحكي لي اسمع هات رقمك عشان لما تختفي ارن عليك فحكيت له مش راح تستفيد انا اغلب الأوقات تلفوني على وضع عدم ازعاج، حكى لي "طيب الواتساب؟" قلت له اوك يلا ثواني هسا بعطيك رقمي وسحبت عليه، وأنا أهلي أهلي ما معهم رقمي.
وأكثر من مرة صار يطلب مني يشوفني بمكان فكنت اسحب عليه واطلع حجج من تحت الأرض، لكن للأسف الحجج خلصت واليوم بعث لي بحكي لي شو رايك نلتقي بما انك خلصت امتحانات فقلت له "بشوف بس اعطيني وقت ارتب وضعي وبرد لك خبر" طبعًا مش راح ارد ولا أي خبر.
فمش عارف شو الحل مع هيك اشخاص؟، يعني سحبت عليه بالأسابيع والشهور؛ عشان يفهم أنه أنا مش طايقك بس بعده نفس الإشي وأزود، وشخصيًا ما بشوف البلوك حل مناسب.
لو بسوي سيرفر ماين كرافت ريديت مكان مناسب اجيب منه اعضاء للسيرفر ولا؟
اللي جربوا قبل يلعبوا مع حدا من ريديت شو تجربتكوا؟
يقول أبو عثمان النهدي وهو من كبار التابعين: "هذه أرجى آية"، اذا قرأها المؤمن لا ييأس من رحمة الله.
المقصود بالآية عدد قليل من الصحابة تخلّفوا عن أمر النبي، بس عندهم أعمال صالحة مثل الجهاد والصلاة وحب الله ورسوله.
وأكثرنا مثل هيك بنخلط عمل صالح وعمل سيء، فمهما بلغت ذنوبك أخي المسلم لا تيأس من رحمة الله اعترف بذنبك وتوب توبة نصوحة، الاعتراف بالذنب لوحده لك عليه أجر.
إنّه لا ييأس من روح الله إلا القوم الكافرون - سورة يوسف (روح الله هنا تعني رحمة الله)
الله يهدينا جميعًا
البوست منقول من r/saudiarabia
ممكن يكون تطبيق تابع للصهاينة وممكن لا، لأنه اسرائيل هون اسم ناشر التطبيق، بس خذوا الحذر لأنه حركة تقليد التطبيق ويشيل منه حرف مش اشي مطمن
حلق شعر الابط جائز لكن السنة هي نتف الشعر، شخصيًا حسيت موضوع النتف شبه مستحيل هل حدا جرب سنة النبي صلى الله عليه وسلم ولا لا ؟
عن أبي هريرة -رضي الله عنه- قال: قال رسول الله صلى الله عليه وسلم: الفطرة خمس: الختان، والاستحداد، وقص الشارب، وتقليم الأظفار، ونتف الآباط. رواه الجماعة.
اللي جرب طريقة النتف اتمنى يفيدنا كيف كانت وكيف تخلي الموضوع سهل
مبدأيًا القصة طويلة شوي بس كل اشي حكيته مهم اذا ما معك وقت تقرا اعمل سكيب.
في واحد بقربلنا من جهة والدتي ممكن نسميه خالد وهو يبلغ من العمر 30 سنة، المهم من شهرين طلعله وظيفة بمحافظة عمّان، فأبوي حكى لأمي مش مشكلة خليه يعيش ببيتنا كم اسبوع إلى أن يلاقي سكن كونه بيتنا الحمدلله واسع وفي غرف فاضية، بعدها اجا علينا واعطيناه غرفة مع حمام (الله يكرمكم) ومطبخ فيعني ما قصرنا معه.
اول يوم اجا علينا انا كنت بالجامعة ولما رجعت على البيت دخلت غرفتي ولقيت ديودرنت وعطور الي مش موجودة فسألت الخدامة وينهم حكتلي "مش عارفة هسا بدور" حكيتلها خلص ما في داعي رحت على غرفة خالد لقيت اغراضي هناك ماخذهم ومستخدم منهم🤢 (هاي كلها اول يوم اجا علينا).
طبعًا صار يداوم ويرجع علينا لما يخلص، للأسف خالد مش معترف بإشي اسمه نظافة لا اسنان ولا ملابس ولما يرجع ما بغسل، ومش متأكد بس كأنه مش معترف بشامبو الشعر او الجسم يعني بتقدر تقول خالد هو ضياء العوضي بس بموضوع النظافة، على باب البيت قبل ما يحرك السيارة بقعد يمسك الوسخ (باكيتات دخان/ كاسات قهوة/ الخ) بالسيارة ويرميه على الشارع قدام بيتنا وهاي احنا عندنا اشي من المحرمات ترمي اشي من السيارة، ابوي تضايق كثير بس ما حكى معه فالمهم خالد نفسه مش نظيف جسديًا ولا نظيف بالشارع.
فالمهم قبل ما يطلع للشغل أمي بتعملله فطور بتعملله سندويشات، وهو بعمل لحاله قهوة، الصراحة انا معترض انه امي تعملله فطور لأنه مش صغير اصلًا وهو ماخذ راحته عالاخر يعني اخذ اغراضي مش راح يستحي يطول اكل من الثلاجة، ابوي حكالها انتي مش مجبورة بحدا بس بعدها بتصحى من الصبح وتعملله فطور.
خالد بعد ما يخلص الدوام وهو بطريقه للبيت بقعد يرن علينا، شو طبخت امك؟ اذا اكلة ما بحبها بفضحنا، وبصير بده يطلب اكل من مطاعم، يعني فوق ما احنا طابخين وفوق هيك بتشرط، وأمي غالبا ما بتخليه يدفع هي بتدفع عنه عشان تخفف عنه مصاريف حتى احيانًا بتعطيه مصروف بنزين.
احنا عيلة ما في حدا فينا بدخن لا كبير ولا صغير، وخالد مدخن (فيب ودخان عادي) واحنا كلنا بنتضايق من ريحة الدخان وأمي حكتله فوق ال١٠٠ مرة اذا بده يدخن يدخن بغرفته او يدخن برا، طبعا امي زي كأنها بتحكي مع حيط، ظل يدخن قدامنا وريحة البيت صارت دخان، وطبعًا غرفته عالم ثاني من القرف.
بعد بكم يوم اخوي فاقد اغراض اله كمان ملابس واشياء ثانية كمان لقيناه هو لابسهم فأخوي حكاله خلص لا ترجعهم خذهم الك🥰.
قبل العيد بشوي وهو راجع من الدوام رن على أمي بحكيلها مش حاب اجي على البيت (بيتنا) فأمي بتحكيله ليش؟ بحكيلها الجو عندكوا ممل والبيت بتنعس بتزهقوني وحكي اهبل زي هيك، هو ممكن بحكي صح احنا هاديين كلنا سواء ابوي وأمي او أخواني وأخواتي ما بنحكي كثير واذا حكينا بنحكي بصوت هادي او واطي فالجو ببيتنا بتحسه رسمي، بس حتى لو احنا يهود ما بطلعله يحكي عنا هيك بالاخر مش مجبور يجي علينا، واحنا مع خالد بنظل نسلكله عشان ما يصيبه عقدة نفسية.
بعد العيد رجعنا عالبيت فأمي بترن عليه عشان تسأله اذا بده يرجع على البيت ولا لقى سكن، ما كان يرد على التلفون فجأة على الساعة 10 بالليل لقيناه برن على الجرس! والمشكلة هو ما حكى اذا جاي علينا، طيب ياخي افرض قرايب ابوي عندنا افرض اي اشي كيف هيك.
ابوي وأمي ندموا على اليوم اللي عملوا فيه خير، والله ما بنحمله جميلة عشانه معنا، الحمدلله استقبلنا كثير ناس واستقبلنا اخوان خالد زمان بس كثير فرق بين اخوانه وبين خالد اخوانه نظافة وحياء وكل اشي ايجابي، بس خالد هو بحسه لا محترمنا ولا مريحنا.
وهاي هسا دخل على البيت وانا اكتب البوست، امي كانت تسخنله اكل من قبل ما يجي عشان يدخل ويكون الاكل جاهز، اكل شوي وحكالها ما بحب هالأكل، وما غسل ولا غيّر ملابسه وهسا قاعد معنا وهو مش لامس قطرة مي.
واصلًا بعدين اكتشفنا انه مش قاعد بدور على سكن فشكله موضوعه مطول هون بالبيت.
في اشياء كمان مقرفة اكثر من هيك (والله) بس مش حاب اجيب سيرتها لأنه البوست صار طويل واله ريحة، هاي قصة خالد بشكل مختصر فقط. ومش عارف شو بدي بس حاب احكي عنه.
نفسي احكي على واحد بقربلي مضايقني بس المشكلة اتوقع عنده ريديت وراح يعرف انه هو المقصود
لانه ما في حدا مقرف زيه
شو رأيك احكي ولا لا؟
طبعا مضايقني انا واهلي كلنا بس مش عارف
قال النبي ﷺ
خيرُ الدُّعاءِ دُعاءُ يومِ عَرَفةَ، وخَيرُ ما قُلْتُ أنا والنبيُّونَ من قَبْلي: لا إلهَ إلَّا اللهُ وَحْدَه لا شَريكَ له، له المُلكُ، وله الحَمدُ، وهو على كلِّ شيءٍ قَديرٌ.
في مادة من تخصصي وتعتبر اساسية بالتخصص فجدًا بشعر بالفشل
المهم انه خبصت فيها لانهم حطولي 3 امتحانات ورا بعض وانا مش فاتحها عشان ما درست برمضان
لدرجة انه ناس دايما انا اعلى منهم جايبين اعلى مني وكانوا يحكولي انت نيرد وعلاماتك عالية ومش عارف شو صرت حمار لأنه قاعد بشهد اسوأ علامات بالفصل مع اني نزلت جدول مريح يعني المفروض كل المواد 100
جد متضايق اسقطها ولا لا لأنه مش حاب يكون علامة اقل من 84 خصوصا انها مادة من التخصص يعني مش مادة مشتركة
جبت بالميد 17/30 اعلى من الافرج بكثير بس حتى لو مش مستواي