u/gothboy4

صرت احس الصب آخر فترة نداء تزاوج وأشياء بتحسها قروب مكس مش صب للأردن.

وبالكومنتات بدلعوا بعض يعني شب بدلع بنت او العكس، كيف وصلتوا لهالمرحلة ؟
والبوستات بشكل عام زي تقييم أعضاء الصب يعني حلوة لو انعملت مرة بس مش كل يوم امدحوا بعض عالخاص بجوز احسن.
واشياء كثير يعني البكمي انتشرت بالصب كثير (انا بكمي بس مش هيك)، فمن هون بعلن دعمي للمودز بلا استثناء وأولهم بشار للقضاء على البكميين وضربهم بيد من حديد.

ومش قصدي اساءة شخصية لحدا والله كلكوا كويسين ذكورًا وإناثًا بس الصب للأردن يعني جرب ادخل صب سعودي او عراقي بتلاقي مواضيعه عن البلد مش عن اعضاء الصب ومين كيوت ومين حلو وهو صغير.

كنت رايح عالجامعة وانا بالطريق يعني بالسيارة واحد قدامي فجأة دعس بريك قوي ووقف (الحكي قدام الجامعة), بحكي شو ماله هالأهبل بجوز قدامه بسة او اشي، ولا شو لقيته مطلع ايده من السيارة وبصفر وبنادي على صاحبه وبسلم.
شو التصرفات المقرفة هاي، الشارع مش ملك للوالد ثاني اشي ترا كلها خمس دقايق وبتدخل عالجامعة واقعدوا بحضن بعض مش فارقة معي بس انك تسوي حركات مراهقين بالشارع اشي بخزي والله.

حكي بتكرر كثير بس بدي ارجع احكيه. مش اي واحد ربى لحيته ولبس دشداشة ومسك مسواك صار اسمه "شيخ"، وهذا الجحش اكبر دليل.
وكلمة "شيخ" ثقيلة والله ما بتنحكى لأي واحد ولا بتنفع للمزح، ارجوك لا تحكيها حتى لو مزح.

عيسى محمد كل عمره تحت الـ30 سنة، شيوخنا الكبار فوق الـ60 وبكون يحكيلنا ما تنادوني شيخ انا واحد مثلي مثلكم، مسألة انه اسمك "شيخ" بتحمل على عاتقك فتاوى وعقيدة ومسلمين ممكن انت مش قدها.
لذلك اللي يروج لحاله بلقب "شيخ" احذروا منه، مثل علاء جابر كمان.

حتى انا عشان لحيتي طويلة في ناس بتقعد تقولي شيخ بصيغة مزح، ترا والله موضوع بضايق ومش بضحك.

اليوم كنت طالع وبالصدفة شفت كوتش فتعرفت عليه وحكيت معه، فبسأله عن الجيمات وسألته عن جيمات نسائية، حكالي اشي صدمة بس مش مستبعد.

حكالي انه هو كان كوتش بأحد الجيمات المشهورة جدًا (كل فترة بنت بتنزل بوست عن هالجيم)، حكالي انه ابن مدير الجيم بقضيها هو وصحابه فاتحين الشاشات على كاميرات الصالات النسائية ويتفرجوا ويصوروا ومن هالحكي، مش راح اذكر اسم الجيم كونه ما عندي دليل بس الجيم مشهور كثير.

هو كذاب ولا لا؟ والله ما بعرف، بس رجعت على البيت حكيت لأخوي القصة، وحكالي "سمعت فيها مرة صاحبي حكالي هالشغلة قبل"، وصاحب اخوي رياضي وبشارك ببطولات وهيك فهو قريب من مجتمع الرياضيين هذول.

مش عارف اذا انا عايش بكهف بس أول مرة بعرف هالقصص مع انه اشي ممكن جدًا، فاحذروا رجال ونساء خصوصًا النساء، هذا والله اعلم.

اذا كنت 5% حاب اتخرج بعد تخريج الاردنية صرت ما بدي اشوف اشي اسمه تخرج، كمية قرف ونورنة مش طبيعية.
مواقف بتقرف بس اكثر اشي مقرف، بنت بجوز عمرها 15 سنة كانت واقفة ومغطية على الدنيا، اجا زلمة خمسيني حكالها اقعدي يا عمو بس خلينا نشوف التخريج، راحت رفعت صوتها عليه وحكالها انا زلمة قد ابوكِ عيب هيك تحكي معي، حكتله على اساس انك زلمة!! جحرها وراح. وهو حرفيًا قدامي حكى معها باحترام وهي تمادت.
وأختها لهالحمارة (جامعية تقريبًا) حكت لوحدة قد أمها "اخرسي" عشان طلبت منها تقعد، كيف هيك ما بحترموا الكبير والمشكلة انه هم غلطانين ومقرفين.
والله طول القعدة ماسك حالي نفسي امسك اللي بايدها اكسره على راسها هي وأختها، اشي بقرف والله.

ثم يأتي ملك الموت - عليه السلام - إلى الجبار فيقول : يا رب ، قد مات حملة عرشك ، فيقول الله - عز وجل - وهو أعلم بمن بقي : فمن بقي ؟

فيقول : يا رب ، بقيت أنت الحي الذي لا يموت ، وبقيت أنا ، فيقول الله - عز وجل - : أنت من خلقي ، خلقتك لما رأيت ، فمت ، فيموت ، فإذا لم يبق إلا الله الواحد القهار ، الأحد ، الفرد الصمد ، الذي لم يلد ولم يولد ، كان آخرا كما كان أولا ، طوى السماوات والأرض طي السجل للكتاب ، ثم دحاهما ، ثم تلقفهما ثلاث مرات ، ثم يقول : أنا الجبار ، أنا الجبار ، ثلاثا ، ثم هتف بصوته : لمن الملك اليوم ؟ لمن الملك اليوم ؟ ثلاث مرات ، فلا يجيبه أحد ، ثم يقول لنفسه : لله الواحد القهار

ياخي ما عندي مشكلة انك تدافع عن المرأة وحقوقها، بس لما تكون تسيء للرجل وتقلل من دوره بالمجتمع عشان ترضي البنات هون ويقولوا عنك بتجنن ما حدا راح يحترمك لا زلمة ولا بنت.

خصوصًا لما يكون كل مواضيعه عن البنات، "اهم نصيحة للبنات" "رسالة للبنات" البنات مش حمارات عندهم عقل يفكروا فيه ما بستنوا نصائحك عشان تبين انك الرجل اللطيف والمتفهم للمرأة وسط مجتمع لا يحترم المرأة.

والله بعرف واحد هون كان ينزل بوستات نصائح للبنات ويعطوه ابفوت انه واو شو هالزلمة، وعالخاص كان يبتز ببنات او يفتح معهم سوالف +18، يعني كمية استشراف مش طبيعية.

لا تربطوا الدفاع عن حقوق المرأة بالتقليل من الرجل، الثنين مكملين لبعض وما بنفع نقلل من واحد على حساب الثاني.
مش حاب اكتب زيادة احترامًا لأعضاء الصب، بس جد خلص قرفتونا استشراف وعاملين حالكوا باتمان البنات.
وانا مش ذكوري ولا نسوي خرا على البنات وعلى الولاد انا بوقف مع الحق وبس

ليش الصب ميت ؟
يلا ثورة القوث لإحياء الصب

يلا عالصلاة اتركوا ريديت 😡

صارلي فترة بداوم بمكان وفي واحد عمره 30 سنة عبارة عن كتلة من القرف.
بدخن وبخنقنا وحكيناله اكثر من مرة يدخن برا.
بستخدم اغراض شخصية بدون اذن
بكون قاعد جنبي فجأة بحكيلي شوف شوف وبورجيني صورة بنت وبعمل بشفايفه هيك 🫦
ههههههههههه اكثر اشي مجنون شفته بحياتي في اشياء ثانية معاقة بس خلص مش حاب احكي
بس يلا باقي اسبوع وبخلص منه

عن أبي هريرة رضي الله عنه أن الرسول صلى الله عليه وسلم قال:

لا تَحاسَدُوا، ولا تَناجَشُوا، ولا تَباغَضُوا، ولا تَدابَرُوا، ولا يَبِعْ بَعْضُكُمْ على بَيْعِ بَعْضٍ، وكُونُوا عِبادَ اللهِ إخْوانًا. المُسْلِمُ أخُو المُسْلِمِ، لا يَظْلِمُهُ، ولا يَخْذُلُهُ، ولا يَحْقِرُهُ. التَّقْوى هاهُنا. ويُشِيرُ إلى صَدْرِهِ ثَلاثَ مَرّاتٍ. بحَسْبِ امْرِئٍ مِنَ الشَّرِّ أنْ يَحْقِرَ أخاهُ المُسْلِمَ. كُلُّ المُسْلِمِ على المُسْلِمِ حَرامٌ؛ دَمُهُ، ومالُهُ، وعِرْضُهُ.

بتعرفوا اني حسيت براحة نفسية لانه التوجيهي خلصوا مع اني جامعة وسنة ثالثة بس مش عارف حسيت الحياة حلوة لما خلصوا

ليش مطاعم الشاورما رفعت الاسعار ومش رفعة شوي لا في مطاعم رافعة 3-5 دنانير زي الموصلي

جوسي ومدخن رفع اسعاره كثير كمان بس رجع نزلهم للطبيعي

المفروض انه الاسعار تنزل بما انه سعر الدجاج نزل من ورا نظام السيئات بس المطاعم عملت ردة فعل عكسية مش عارف شو سببها

هسا انا بكون حاط دايما جنبي مطرة مي على المكتب او جنب التخت
بس مرات بنام وبنساها فاتحة وبكون فيها مي
المي اللي جوا هيك بتتلوث وبتصير مليئة بالبكتيريا ؟
ولا عادي اشربها اصلا جد لما اتركها هيك بتصير ازكى

ادعولي يتحقق اللي بدي ياه
الله يحفظكم ويبارك في اعماركم جميعا

صلِّ زي كأنه هاي آخر صلاة بحياتك وبعدها راح تقابل ربك
تخيل أن الصلاة اللي انت بتصليها حاليًا هي آخر صلاة الك، ابدًا ما راح يروح تفكيرك بعيد عن الصلاة وراح تتفكر بكل حرف بتحكيه عشان تكون حسن خاتمة.
لذلك اللي بعاني من تشتيت بالصلاة يفكر فيها كأنها آخر صلاة اله، وكل اشي بفكر فيه بالدنيا ما راح ينفعه، فالدنيا فانية والآخرة باقية، اعمل لآخرتك.