u/AbodhAshraf2006

انا في تاني سنة ليا في الكلية و من ساعة مدخلت و انا حاسس بإنحدار في حياتي ، السنادي قدمت اوسخ اداء في مسيرتي التعليمية كلها و فقدت الشغف في كل حاجة تقريبا و انا متضايق من ده حاسس اني ورا خالص مش متفاعل خالص مع زمايلي في الكلية يدوب عندي ٢ بتكلم معاهم ساعات لكن برده حاسس اني شفاف و مش موجود رغم قبل الكلية كنت اه مليش صحاب اوي عشان انا introvert بس كنت لما بقابل حد عادي جنبي في الدرس بقعد اتكلم و اضحك معاه و هكذا

الموضوع بقي اني منطفي خالص معنديش اي رغبة في اي حاجة ، انا لو شفت حتي صحابي من زمان بحاول الف و ارجع عشان متضطرش اسلم عليه و نتكلم و بقيت بتجنب الكلام مع اهلي لأني عارف ان الكلام معاهم في اي حاجة مضيعة للوقت ، حياتي كلها دلوقتي بقت اني قاعد في اوضتي

انا مش عارف انا مستني اي من هذا البوست لكن انا كنت عايز اخرج الكلام ده من جوايا