r/egyoffmychest

.

ازاي في ناس بتعرف تشتغل أثناء الدراسة و في نفس الوقت مش بيهملوا دراستهم في الجامعة

احيانا تلاقي ناس يقولك انا بشتغل وانا بدرس وتلاقيه مثلا في طب و بيشتغل وجايب امتياز او جايب تقديرات كويسة وفي نفس الوقت تيجي تحسبها في كليتك تلاقي مش اقل من ٦ ساعات كل يوم الصبح في الكلية والشغل مش اقل من ٩ ساعات بعدهم واحيانا هتضطر تغيب علشان تروح الشغل وهكذا

الموضوع لما تحسبه تلاقيه مستحيل ومع ذلك في ناس بتعمله

انهارده كان يوم لطيف الحمدلله

احد المديرين بتوعي والي كان بيني وبينه خلاف من مدة بعيدة وبعدها قطيعه

مرت الايام والظروف جمعتنا تاني فشغل لازم نعمله

اتعاملت عادي بس مسكتش علي اي ظلم انا او غيري ممكن نتعرضله و من غير اي تطاول او قلة ذوق

وللغرابه بدأ يسمع للشكوي و ينفذ الي عايزينه.. فيعني سبحان مغير الاحوال والحمدلله على كرم الله وفضله

جماعة أنا بقيت بحس بكسل رهيب لما جوزي يفضل معايا فالبيت اليوم كله و بحس ان طاقتي اتسحبت و اني مش قادرة اعمل اي حاجه هل ده طبيعي حد يفدني اعمل ايه ولا أغير ازي من الموضوع ده

مع العلم اني بالفعل كويس وظيفيا وبالفعل شاغل نفسي بديني بس في اعتقادي اني العب لوحدي كهواية مع نفسي او اصحابي احسن بدل ما اساهم في نشر التفاهة دي اكتر بين الناس والشباب
نصيحة؟

لو واحده قربتي معجبه بيا وبتكلمني ومستنيه ان اخد الخطوة واخطبها وف نفس الوقت اختها عارفه كل ده وكلمتني هي كمان وقالت انها معجبه بيا وعايزاني اخطبها برضو اعمل ايه عشان بصراحة مكنتش اتخيل ان يحصل معايا موقف زاي ده وكمان ممكن اتسبب ف مشكله بين الاختين ده غير كمان انها مش هتنسهالي العمر كله وهتفضل تكرهني لو قولت لاختها

أنا من سنتين تلاتة كان لما يطلعلي فيديو لبنت بترقص أو متبرجة عموما كنت بقفل عيني وأسكيب علطول، وحتى وأنا ماشي في الشارع كنت ببص في الأرض ومببصش على البنات غير النظرة الأولى وخلاص. ده كان في أولى وتانية ثانوي تقريبًا.

لما دخلت تالتة، كان فيه واحد زميلي بس سلام سلام كدا مش صحوبية، اتصاحبت عليه اوي في تالتة وكان أوقات كتير بيوصلني ونتمشى بعد الدروس، وكان يقعد يوريني بنات ويقولي دي اسمها كذا ودي في سنة كذا. في الأول مكنتش متأثر أوي، بس مع الوقت لقيت نفسي اتعودت أبص، وبقيت بسأله لما اشوف بنت أقوله دي مين وعندها كم سنة وكدا، وبقا عادي عندي أشوف حاجات على السوشيال كانت زمان بالنسبالي ممنوعة.

دلوقتي عيني بقت تروح على البنات عادي والخجل اللي كان عندي قل كتير، بس لا بكلم حد ولا بعاكس، مجرد نظرات بس، بس طبيعي مع النظرات دي في بنات هتعجبني وأبقت عاوز اتعرف عليهم بس بتحكم في نفسي ومش بعمل أي حاجه لأن دا مش طبعي وعمري مكونت كدا

والحمد لله تالتة خلصت على خير هو تقريبًا صاحبي الوحيد دلوقتي، بس حاسس إني بقيت نسخة سيئة من نفسي، ولما بفتكر أنا كنت عامل إزاي من سنتين وأشوف نفسي دلوقتي بزعل، معرفش الوقف دا كان لابد منه ولا لأ

الموضوع خلاني افكر قد ايه احنا في قاع المجتمع ولازم ابدأ اشتغل اني اطلع من البيئه ده. وحاسس بالذنب والزعل والاحراج مش عارف ليه

النهارده كنت مسافر مع اخويا و احنا مروحين سابنى و مشى بدون اى سبب خالص و عادى طول السفرية ممكن نشد مع بعض بشكل بسيط خالص و طبيعى

بعد لما روحنا انا كنت مضايق خالص و متعصب خالص علشان الموضوع فعلا مهين ليا

المهم بقا كنت فاكر ان انا فيا عيب و كده و هى قرفان يمشى مع اخوه "الجربان" مع انى بعامله باحترام و كل حاجة و علفكره هو مش بيكون مستريح لما يمشى معايا فى اى حته حتى فى البيت مش بيتكلم معايا اوى و بيحاول يتجاهلنى مع انى برضو بعاملوا باحترام بس اللى اكتشفته بقا بعد تفكير ان هو بيحس من جواه بالنقص معايا مش عارف ليه و بيحس ان هو اصغر منى و انا متأكد من كده

و مؤشر بسيط على كده مثلا ان احنا كنا راكبين قطر و احنا راجعين فبنصحه بحسن نية عادى خالص علشان احنا كنا واقفين على الباب ان هو مهما كان يخلى باله علشان ممكن يقع

لقيته بقول مش لازم تعمل نفس بتفهم و كلام زى ده مع انى مش قاصدى اقلل منه

بس كدة خلاص

دي جمله اتقالت ليا وانا في اعدادي من امي وخالتي لما اتهفيت في عقلي وقولتلهم أنا معجبه ب أبن خالي

قالولي هيتجوزك علي ايه

اخدت الموضوع بهزار بس لحد دلوقتي مش مستوعبه هما ازاي قالولي كده؟

عموما لحد الآن الكلمه دي مأثره فيا جدا ومأثره علي حياتي لان كنت بسمعها كتير جد

اللي زعلني اكتر ان ابن خالي دا بيشرب أساسا ربنا يهديه

يعني دا اللي عرفته بعدين وهما كانو عارفين دا وفوق ان هما عارفين قالولي كده

صراحه حسبي الله أنا هقتص منهم يوم القيامه علي الكلمه دي لانها قصرت علي حياتي كلها أنا مرحتش كلمته أنا بس قولت أنا معجبه بيه

هو ازاي كانو شايفين ان أنا قليله اوي للدرجادي

انا قلبي واجعني جدا اكتر شخص حبيته في حياتي والوحيد اللي حبيته لغاية الان وضحيت عشانه وعملت عشانه كل حاجة هو اكتر شخص اذاني وخذلني وسابني بأكتر طريقة بشعة ودمرني بالمعنى الحرفي .. لكن عدى على انتهاء العلاقة دي اكتر من ٥ سنين

عرفت انه تعبان جدا وحصله مشكلة صحية صعبة اوي بقاله فترة طويلة وحقيقي مش عارفة انا المفروض احس ب ايه قلبي وجعني جدا وزعلانة وخايفة وفي نفس الوقت كان فيه اوقات من كتر ما ظلمني واذاني انا دعيت عليه كتير مش عايزة اقول دعائي هو السبب بس انا فعلا مش عارفة انا حاسة ب ايه حاسة رجعت لنقطة الصفر يوم ما انهار كل حاجة ونفس التعب والخنقة وكل حاجة انا بحاول اتخطى بقالي كتير اوي ليه ليه عرفت ليه كان لازم يتحكى قدامي ايه الحكمة بس من اني اعرف اخباره

راجعت الأمتحان و لقتني مش غلطه الحمد الله بس حسه بفراغ و في نفس الوقت خيفه من النتيجه...

هتخلصوا امتى و اعمل ايه في الاجازه؟!

معنديش مكان اكتب فيه تاني فهكتب هنا يمكن حد يساعدني
مش عارف ابدأ الكلام ازاي بس اختصارا معايا بنت في الشغل الأول مكانش فيه كلام بينا وبعدين واحدة واحدة بدأنا نقرب من بعض ونتكلم كأصدقاء في الأول ومع الوقت اكتشفت ان البنت دي هي فيها كل حاجه بتمناها من البنت اللي عايز اتجوزها إلا حاجه واحده بس (وللأسف أهم حاجه) وهي ان شكلها not my type

المهم فضلنا نقرب لبعض ونتكلم لحد ما اكتشفت من حد تاني ان هي عندها مشاعر ناحيتي

الكلام ده عدى حواليه سنتين مثلا وانا عايشهم كلهم في عذاب، اتعلقت بيها جدًا وكل ما افكر ابعد تجيلي أفكار اني هندم ندم عمري اني ضيعت حد بالصفات المثالية دي وطول الوقت عمال افكر فيها ومش عارف اطلعها من دماغي

طبعا انا مقولتلهاش اي حاجه لاني مستحيل أضحك على حد واقول لحد اني بحبه وانا مش متأكد ومؤخرًا بعدنا شوية وبطلنا نتكلم

بس انا مش عارف فعلا ايه الحل؟ لا عارف ابعد ولا عارف اقرب وحاسس اني علطول متحاصر

كنت بضرب ايدي في الحيطة بالبوكس عشان اخرج التوتر اللي جوايا و تقريبا شرختها عشان وارمة و محرج اروح اكشف

​

ايه الموقف الحلو الي اهلكو عملوه معاكو ومش قادرين تنسوه من حلاوته؟

مش عارفة عايزة افضفض😂 تعبت اوي. كنت عندي طاقة و عايزة اعمل كل حاجة فالدنيا. دخلت طب بغد تخرجي من IG و برغم المرض النفسي اللي جالي من ساعة اولى IG حاربت لمدة ٣ سنين ولكن فالاخر منفعش اكمل فطب مقدرتش اكمل و حولت لمجال تاني. بس دلوقتي..... طلع ان اللي انا كان نفسي فيه طول عمري مش مناسب ليا، و المفروض اني اعمل مجهود بنفس الطاقة اللي كانت عندي اول ما اتخرجت من ثانوي في حاجة انا مبحبهاش. بحاول بس انا تعبت اوي...اوي.