r/egyoffmychest

حد من صحابي عنده 17 سنة عنده اخت 16 سنة من فترة تقريبا 3 سنين اخدنا بالنا ان تصرفاتها غريبة بتمشي مع بنات مش احسن حاجة و بتلبس لبس غريب و حجابها بقا الي ب نص حجاب (بتطلع قصة) امهم متوفية من كذا سنة و ابوهم مسحول الى حد ما ف الشغل ف الي واخد باله منهم اخوهم الكبير و هم للأسف بيكرهوه تقريبا هو عنده 3 بنات 16/14/10 الوحيدة الي كويسة معاه و بتحبه الصغيرة و الكبيرة للأسف بتنحدر و الوسطى بدأت تقلدها الى حد ما

هو اتخانق كتير معاها و بيتخانق مع ابوه كمان انه يقولها اي حاجة ع الي بتعمله دا حتى لو عمل حاجة بيزعقلها بس يعني مش بياخد معاها اجراء لو يعاقبها ب حاجة بقدر الي عملته

بقت بتنزل صورها كتير سوشيال ف اكونتات مش برايفت و عندها NGL و حد من صحابنا الشباب قالنا ان شاب تاني قاله ف الموضوع بدأ يخرج من السيطرة الى حد ما

ف اتمني اي حد حصلتله حاجة زي دي او شاف موقف زي دا يقولي ممكن افيده ازاي

شكرا مقدما

جيرانا ناس صعايده المهم بنتهم في حد كان بيضايقها وكل شوية تديله بلوك يدخلها من اكونت مختلف يضايقها لحد في مرة بعتلها صورة اشياءه فالبنت اشتكت لأهلها من الصدمة اللي اخدتها فاخوها اخد التليفون منها وبعتله على أساس انها بتكلمه واتفق معاه على مكان مقابلة ولمو الرجالة قرايبهم وطلعو المكان ده اخوها الاول طلع الشقة خبط عليه كأنه بيسأل على عنوان شقة حد علشان يتأكد أنه الواد فعلا قاعد لما اتأكد طلعو الرجالة ادوله علقة موت وبعدها خلوه يتصل بأبوه ياجي هو وعمامه وخيلانه وعاملو زي قاعدة فضحو فيها الواد واهلو نفسهم قعدو يتأسفو

دلوقتي مندوب جايب الاوردر بقوله ابعتلك انستا او محفظه قالي لا عايز كاش قولتله ماشي و استلفت الفلوس كاش لاني مكنش معايا نقدي المهم حسابه 530 دفعتله 600 رجعلي 50 وقالي ال20 حلاوتي بقا وانا مضايق لانه قال كدا ومشي علي طول دلوقتي اتصل بيه يرجع ال20 جنيه ولا اكلم الشركه اقدم فيه شكوي

كنت في المترو وكان زحمة وكنت قاعدة أنا وبنت جنبي وكده ف المهم في ست كبيرة دخلت كانت قاعدة بتبرطم مش فاكرة كانت بتقول ايه والمهم شاورت على البنت اللي جنبي وقالتلها قومي أنا ست كبيرة والبنت أحرجت وقامت فعلا رغم أنها حرفيا كانت لسه قاعدة وطريقة الست في الكلام كانت أمر ومش احسن حاجة ف لو الموقف ده اتكرر وكان متوجهلي أنا الكلام المفروض اتصرف ازاي (أنا مش معترضة على اني اقوم لحد كبير وبعمل كده عادي بس يبقى أنا اللي قايمة الست حرفيا كانت بتأمرها تقوم حتى مش طلب)

شوفت انت لم تعرفها و هي تعبانه و خاسه و متردده وفي اوحش فترات حياتها و تحبها و تبقى معاها و تشجعها و تديها ثقه في نفسها ف تبدا تتقل عليك مع ان في الاول كانت بتتنطط من الفرحه لما ترد عليها بس انا غبي لم حبيتها اتدلقت فعلا اتدلقت فشخ و بدأت هي تسحب و تكرف لما خليت شخصيتها قويه و بقى عندها ثقه في نفسها و وزنها رجع و خفت حرفيا كنت ثيرابيست و كنت بعملها كل حاجه قمة الاحا

بجد بكره جسمي بكرهه بجد بكرهه ايه القرف دا يعني يطلع عيني سنين عشان اتخن و يوم لما اتخن يبقا في ترهل و عدم تناسق للثدي و يطلع كرش بجد ايه القرف دا بجد بكرهه كرهىالعمي و بجد جيناتي تقرف يعني ايه دا بجد حاجه تقرف يعني ايهىمش هيكون عندي بيج شست و هيكون جسمي من عجله ة من فوق سفيف ايه القرف دا حاجه تقرف بجد عايزه امسكني اقطعني اغير جسمي ة ايه الخفسه دي بجد قرف و يعني ايه بتخن من رجلي اكتر حاجه ايه القرف دا بحد حاجه تقرف يعني بجد طالعه لاختي فكل حاجه ختي الصور ليها و هي صغيره منتفرقش عن بعض و جايه في دي مبقاش شبهها بجد تبا ايه القرف دا عايزه اعيط بجد

انا معنديش حد اكلمه ، معنديش رفاهية الفيديو جيمز او الافلام او المسلسلات ، فاقد للشهية في الطعام ، عندي مذاكرة كتير جدا ، معنديش study partner محتاج اي حاجة افصل بيها غير السوشيال ميدا وريدديت القذر

بقيت بفكر اجيب كاندي مثلا عشان احس بأي احاسيس كويسة مثلا بس الكاندي غالية :(

بحب البنات اللي بتبقى دارك كدا من برا ولبسها دارك بس مش لازم اوڤر يعني وتبقى قاعدة في حالها كدا بس لو عرفتها اكتشف انها موهوبة في حاجات كتير وكمان كلامها ممتع ومش مملة عكس ما أي حد ممكن يتوقع بجد بعشق كدا حد فاهم قصدي؟

بحس نفسي حكاك و ملزق و بخاف أتفهم غلط ، و حاسس الموضوع ده مش مناسب أوي ليا كراجل مفترض أكون مُبادر و باخد أول خطوة .

انا اول مرة اتحط في موقف اني بتعرف على حد علشان نتخطب ومش عارفه اتعرف عليه حاسه اني مرتبكه وكل حاجه طايرة من دماغي اسئلة على اي واخد بالي من اي انصحوني معنديش حد ينصحني

​

انا مرتبط ببنت وهي احسن وحده عرفتها في حياتي مثالية في كل حاجه

لكن للاسف خلال علاقتنا كنت بكلم بنات كتير وفيه حاجات حصلت هي مش خيانه لكن كان فيها عدم احترام لعلاقتي انا وهي وكنت شخص زباله دلوقتي اتغيرت وبقيت اعرف اكنترول الموضوع شويه

واحد من الاسباب ل ده أن انا وهي ارتبطنا واحنا صغيرين، عرفنا بعض وارتبطنا وانا في تالته اعدادي دلوقتي انا في تانية جامعة، مش مبرر اكيد بس انا كنت غبي وصغير جدا وكان عندي فضول تجاه ناس تانية

انا قلتلها على كل حاجه وهي قالت إنها سامحتني بس للاسف دماغي بيرجع لنفس الحاجه مبقتش عارف استمتع بعلاقتي انا وهي عشان دماغي بتوديني وتجيبني للماضي اني مكنتش احسن حد وانا معاها لدرجه اني برجع لشاتات قديمه مع بنات من ٣ سنين او سنتين واقعد اشتم نفسي

انا حاسس ان بسبب الموضوع ده استمتاعي بالعلاقة قل جدا وصورتي عن نفسي اتشوهت وبقيت حاسس اني عايز اسيبها عشان هي تستاهل حد احسن بس هي بتقولي لو سبتها هتموت نفسها

وبيجيلي احساس قهري ان لما اشوف حاجه قديمه أقولها بس مش عايز اخليها تحس بسوء على حاجات خلاص انتهت

ازاي اعرف اتخطى الموضوع ده لأني بجد كرهت نفسي بسببه من غير شتايم لو سمحتم عشان صدقني انا عارف غلطتي وبفكر فيها معظم الوقت

معملتش صحاب ولا حتى صاحب واحد يكون قريب مني وزي اخويا كده لاني معنديش اخوات ولاد ولا عمر ما كان ليا صاحب قريب مني في كل المراحل العمرية كانت كلها معارف وحتى لما كنت بلاقي حد فعلا شبهي ونفس تفكيري وبحاول نبقى صحاب واقرب ليه عمري ما كنت بلاقي ده منه كنت دايما بدي جدعنة وحب واخوة وبردو معرفتش اعمل صحاب ،كل ده عادي وبحاول اتعايش معاه بس اول ما بلاقي حد منزل لصاحبه ستوري قد ايه هو بيحبه وعشرة عمر واخوات بقى والكلام ده بقول كان نفسي يبقى ليا صاحب كده حتى لو الكلام ده اونطة انا نفسي في الكلام الاونطة ده ، انا بالنسبالي بقدر جدا علاقة الصحاب وبحبها ودايما بستثمر فيها مجهود ووقت وجدعنة فوق ما تتخيلوا بس بردو مع كل ده بحس اني لوحدي معنديش صحاب كلهم معارف مش اكتر وانا لوحدي بحس اني مستاهلش كل ده مش شكر في نفسي والله بس بجد يابخت لو حد بقا صاحبي انا حرفيا لو صاحبي ده انا بحبه هديله عنينا وهبقا احسن صاحب في الدنيا انا بس مشكلتي مش احسن حد في التواصل ومش اجتماعي ومش بقدر اعبر عن اللي جوايا صح وده بيخليني كتير اتفهم غلط

مكانش يوم لطيف كان يوم سيء من بدايته لنهايته

بكره الأيام اللي زي كدا

بكره نفسي اكتر في بعض الأحيان

اتمنى اصير بخير بكرا، ومتمناش ييجي بكرا برضو

الأساس: سوء

انا جبت ماغنيسيوم وميلاتونين وشربت كوبايه ينسون لو مانمتش كويس اليومين الجايين حولع فالبيت

ادعولي ربنا يرزقني نوم عميق وعقل هاديء صافي مش بيرغي اثناء النوم

بصوا ي جماعة انا عندي تعلق بشخصية ما

المهم هو واحد انا كنت فالبداية خالص فاكرة انه هو بيحبني جداااااا وكده ،ولو اتقابلنا صدفة كان بيحصل اي كونتاكت وكان باين عليه انه معجب انا بصراحة عشان مظلمهوش هل هو فعلا بيحبني ول دا كان تلاعب ول ايه بالظبط (لو حد بيفهم في الاي كونتاكت يقولي بردو عشان انا الى الان مش قادرة احدد )

المهم افعاله التانية زي انه يرد عليا فالجروب لما اسأل علي حاجة او يساعدني او يقرب مني عمرها محصلت بجد

انا عاوزة افك التعلق ده واخلص الموضوع ده لاني جبت اخري بصراحة وحياتي شبه ضايعة عليه يوميا بفكر طب هو بيحبني ول لاء ،طب انا لو فيكت التعلق ده به هو ممكن يقربلي هو ممكن يعمل كذا وكذا ساعتها انا هرفض بصراحة اني اقربله في نفس الوقت هكون زعلانه من نفسي انه هو فعلا طلع بيحبني وجه وقالها دا بعدين يعني لو جه واتكلم معايا

هو كشخيصة مش مناسب حتى نهائيااا

عاوزة منكم كذا حاجة

ازاى اعرف انه بيحبني ؟؟

شجعوني على اني افك التعلق ؟؟

لو جه يوم وتواصل معايا اعمل ايه علشان دي اكتر حاجة رعباني

وشكرا لكم ؟!!😭😭😭😭