u/Rare_II

مكانش يوم لطيف كان يوم سيء من بدايته لنهايته

بكره الأيام اللي زي كدا

بكره نفسي اكتر في بعض الأحيان

اتمنى اصير بخير بكرا، ومتمناش ييجي بكرا برضو

الأساس: سوء

مفيش مشاعر كتير غير الغضب والضيق انهاردا

مش راضية عن يومي المرة دي

الأساس:ضيق

كان يوم من اسوأ الأيام اللي عيشتها

رجعت من التمرين لقيت والدتي مريضة، كنت بلفلف على الصيدليات زي المجنونة عشان بس الاقي الحقنة اللي هي بتاخدها واللي هي من سوء حظي ناقصة عند كله، بس الحمد لله لقيتها واديتهالها، هي احسن دلوقتي

كنت بسوق بعين واعيط بالعين التانية عشان فضلت الف وادور عليها فوق النصف ساعة في كل صيدلية تقابلني، كنت هعمل حوالي ثلاث حوادث بسبب التهور والسرعة ومعرفش ازاي مأخدتش اي مخالفات، ما علينا

االيوم كان سيء بحق، مرتحتش فيه ابدًا ونفسيًا مدمرة

الأساس: سوء وتدمر

يوم سيء

الشيء الجيد الوحيد هو التمرين، فيتم تمرين دلوقتي

احب اجدد كرهي للـ leg day

احب اجدد كرهي للسيدات كبيرات السن في الجيم، حضرتك أنت مالك امي شغالة ايه!؟ هتخطبيها يعني!؟

بحاول اكون مؤدبة برضو في الرد عليهم

الأساس: يوم سيء

تبًا ليا ولأيامي

في الغالب مش بنام كتير، احيانًا بمشي ايامي بأقل من خمس ساعات

انهاردا نمت 10 ساعات، نمت واحدة وصحيت اربعة ونصف بسبب كابوس ثم نمت تاني وصحيت ثمانية ونصف برضو بسبب كابوس

يومي مش سيء بالعكس حلو

عملت نضارة جديدة شكلها عليا حلو، صرت اشبه والدتي جدًا

اتعلمت شوية طبخ، يمكن يفيدني مستقبلًا

اتمرنت، كان حلو

الأساس: رضا

مش منظرة

ده اللي جابنا لورا

السكة دي مكسرة

والاجواء دي محجرة

وردود فعلك اڤورة

برضو راضي بالضرر

الأساس: تعب

بكره الأطفال

بكره الأولاد المراهقين

بكره الآباء المعنفين

بكره المرض

بكره الفراغ

بكره الاستفزاز

بكره الأدوية

بكره ديڤارول

بكره كل شيء سيء

بكره المذاكرة

الأساس: كره مبرر وغير مبرر لكل مظاهر السوء

بدايته كانت سيئة ونهايته مكانتش بنفس السوء، الحمد لله على الأقل

بكره قطرة توسيع الحدقة، مكنت قادرة اتمرن كويس بسببه

الشيء الجميل انو فيه سيدة طلبت مني امرنها فبناتها بيسألوها عرفتي ازاي قالتلهم البنوتة الحلوة دي تطوعت وساعدتني، كله من اكتافي العريضة

الأساس: متعادل، راضي

فراغ

مفيش شيء معين إلا فراغ وحزن وسوداوية

الوضع بيزداد سوء كل مرة

بس عادي، لسه عندي حاجات تعوضني

الأساس: سوداوية وفراغ

بحاول اعيش

بحاول والمحاولات مش ناجحة

بحاول اتجاوز كسر الأوجه

بحاول اتجنب همساتهم

بحاول اعيش واتنفس

بحاول مسقطش في الفوهة

الأساس: ضياع

مش عارفة....

مش عارفة....

مش عارف....

مش عارف....

مش عارفة....

مش هعرف....

مش هنعرف....

مش هنعرف!

الأساس: ضياع

بخسر نفسي

مش عارفة ابص في المراية

معرفهاش

لو ده الجحيم الدنيوي فهو صعب

حتى التعبير صعب

صوتك مش بيخرج

كإنك تحت سطح المحيط

الأساس: ضياع

كان يوم سيء بس مش بسوء اللي قبله الصراحة

اينعم اغلب المواقف فيه سيئة بحق بس افضل من غيره على الأقل

الحقيقة مفيش ولا موقف فيه حلو بس معرفش هل حاسة بكدا عشان غيرت شكل اوضتي وخليتها ثيم وردي على غير العادة ولا ايه، معرفش

الأساس: معتدل قليلًا

قلبي مكسور ويمكن جسمي ذات نفسه مكسور اساسًا

يتم خيبة أمل

اليوم سيء من بدايته ومفيش فيه موقف واحد فيه حلو

الأساس: سوء

يوم مقزز وسيء واتمنى ميتكررش

كله مشاعر سلبية وتفكير زيادة وكآبة

الأساس: كآبة

يوم سيء ومقزز ومش راضية عنه بتاتًا

كئيب ومقزز وسيء والحمد لله انو انتهى اصلًا

الأساس: سوء

كان يوم مش لطيف ومش سيء للدرجة

اديه 4 من عشرة ومعرفش ليه

مش راضية عنه وفي نفس الوقت مكانش سيء للدرجة

الأساس: متعادل

اليوم مكانش سيء ولا جيد، عادي

مش راضية عنه للأسف لكن اظن عادي

مأكلتش كويس ولا ارتحت، الألم والمرض بيزيد

الأساس: متعادل

بدايته كانت سيئة برضو بس نهايته مش سيئة للغاية، افضل من الأيام السابقة على الأقل

اينعم كنت مريضة جسديًا -كما العادة- بس ده ممنعش اني احاول امشي اليوم عادي

راضية شوية عنه وإن شاء الله الأيام القادمة تكون افضل

الأساس: رضا

بداية اليوم كانت شنيعة مش بس سيئة

بس النهاية مرضية شوية، يعني راضية عن اليوم ده بنسبة كويسة معتدلة يعني الحمد لله

الأساس: رضا