u/Accomplished-Bed4731

انا مو وحيدة ابدًا وما بحس بال"وحدة"
I have a boyfriend and I love spending time with him, we go out almost every week, do fun things together, and I genuinely enjoy his company.
بس بنات صايرة احس انه هو الصاحب الوحيد عندي، عندي كم صاحبة ضلهم من المدرسة بس من لما تخرجنا ما بنطلع وصار تواصلنا بس texting وشوي شوي عم تتحول علاقتنا لاشي كتير سطحي.
بالجامعة عندي شوية معارف بس علاقتنا كتير سطحية يعني بنحكي وبنقعد مع بعض بالجامعة وممكن نبعت لبعض ريلز بس هيك مو اكتر.
So I’ve been feeling this huge longing for female friendship, and I don’t really know how to explain it
كتير مشتاقة يكون عندي بيستي، نروح عند بعض عالبيت ونقعد بغرفنا نحط مكيب نفضفض نحكي قصص هبلة صارت معنا ونطبخ ونلعب او نطلع نجرب اماكن جديدة واكلات ونصور بعض ونختار ستوريز ننزلها، فاهمين علي؟
خصوصا انه اخواتي كتير كتير اكبر مني ومسافرين من وانا صغيرة فما عمري حسيت بشعور الاخت، وكان عندي نوع الصحبة الي حكيت عنها لفترة وانا بالمدرسة وكان الاشي كتير حلو وكتير مشتاقيتله.
ما بعرف هل العلاقات بتصير هيك لما نكبر وخلص؟ ما حرجع اجرب هيك صداقة مرة تانية؟ لانه حاسة الجامعة مستحيل تعطيني ياها واكيد ما حلاقيها بالشغل حاسة انه هاي الصداقات بتنعمل بالمدرسة او مع بنات بقربولك وهيك

البنات الي بشلحوا الحجاب بالجامعة قديش الاشي عملي؟ يعني انا بشلحه من ورا اهلي دايما بطلعاتي بس بلبسه بالجامعة لانه ابوي بوصلني للباص والباص بوصلني للجامعة عطول وما كنت الاقي فرصة اشلحه فكنت البسه طول السنة الماضية بس قرفت فهل في اي تكنيك او طريقة؟ حمام الجامعة منطقي ولا اخرته حدا يشوفني؟ عادي اشلحه بالباص ما حدا مركز ولا بلا في حدا بركز؟

بعد ٣ سنين من ترك الدين والdouble life، اخيرا بطلت احس بالذنب تجاه اهلي بسبب كذبي عليهم، لانه أدركت أني ما بكذب لأني بحب الكذب ولا لأنه عادة عندي بس كنت بكذب لأنه ما عندي خيار ثاني لأمارس أبسط حقوقي، اخترت نفسي وسعادتي فوقهم لانه رح أعيش هالحياة مرة وحدة وما رح أفنيها وأنا أفكر بمشاعرهم، هما الي غصبوني أكذب وأبذل جهد كبير بس عشان اعيش الحياة اليومية الطبيعية لشخص انولد بعائلة ثانية أو ببقعة جغرافية مختلفة وبالأخير بعيشها وأنا خايفة حدا يكشفني، بالعكس هون مو أنا الي لازم أحس بالذنب، خلصت من تأنيب ضميري لما تأكدت قديه حبهم الي سطحي وهش وممكن يتلاشى لو عملت أبسط اشي ضد دينهم ومبادئهم الي فرضوها علي

عندي صاحبة من المدرسة ما بنطلع وصاحبات الجامعة من محافظات ثانية وعلاقتنا بس بالجامعة، طبيعي اني ما بطلع غير مع حبيبي؟ وبضل يشجعني اطلع مع صاحباتي وانبسط بفكر اني انا مو حابة بس منحرجة احكي انه ما عندي حدا اطلع معه اصلا

طيب أنا هسا ملحدة، بس ليه لسا بحس بالذنب تجاه أهلي بكل اشي بعمله؟ بكل مرة بطلع مع حبيبي، كل مرة بشلح الحجاب، كل مرة بشرب، خصوصا اني بنت غير متوقع منها هيك ابدًا، قدامهم أنا تعريف للبنت المثالية وبمدحوني وفخورين فيني وبأخلاقي والخ ومدلعيني وشايفيني طفلة مغفلة مستحيل تعمل اشي بدون رأيهم. بس شو رح تكون ردة فعلهم لو شافوا الجانب الثاني من حياتي؟ بحس بالذنب لما يشترولي اي اشي، ولما اي حدا منهم يبذل اي مجهود عشاني، بحس اني ما بستاهل وانهم بستاهلوا حدا احسن مني، بكون عارفة اني مش قاعدة بعمل اشي غلط، بس بعدين ببطل متأكدة اذا غلط ولا مش غلط، شو المعيار اصلا؟ كتير مشتتة وضايعة