u/Accomplished-Pea7644

كنت رايحة دوامي وصدمني واحد بسيارتي الجديدة اللي مره احبها

وبكيت كثير لان سيارتي غالية علي مره+ الخوف والفجعة اللي صارتلي

خبيت الخبر عن الكل وخصوصا ماما عشانها مداومة وعندها يوم مهم ، وكمان عشان ما اخوفهم لان صور الحادث سيئة مره وماقلت لهم الا لما خلصت كل الاجراءات ورحت المستشفى ورجعت البيت

كانت نفسيتي تعبانة لدرجة بنهار لكن احاول اتماسك عشان ما اخوفهم علي ، لقيت ماما رجعت من دوامها وصحيتها للصلاة ودخلت غرفتي

قعدت لحالي افكر باللي حصل واتامل صورة سيارتي وافكر وين اصلحها وكيف ارجعها زي ماكانت

دخلت ماما وقالت صليتي؟ قلت ايه، انا اللي صحيتك لما سمعت الاذان اصلا

قالت كذابة..انتِ ما اتعضتي من اللي صارلك؟ كنتِ بتروحين قبرك وتلف عليك الثعابين

وطلعت وقفلت الباب بقوة

انا نسيت موضوع السيارة وافكر ليه قالت لي كذا وانا ايش سويت لها.. ومعقولة انها شمتانه فيني؟ ماخافت علي.. حتى الحمدلله عالسلامة ماقالت

كنت ناقلة مدرسة جديدة وكانت البنت حاطة راسها براسي وتتنمر علي وكنت اسكت وما احب المشاكل

اعتدت علي بالضرب هي وصحباتها ودخلتني بمشاكل وعداوات وكنت اكره اروح المدرسة بسببها من كثر التنمر وانا ما اسوي لها شي حتى جسمي وشكلي تتنمر عليه وتضحك لدرجة بالفسحة احبس نفسي الحمام ابكي، وتجيني افكار انتحار من قوة الاكتئاب اللي كان يجيني، كل هذا لاني كنت متفوقة ودايما اتكرم وذكية

اليوم بعد اكثر من ١٥ سنة رحت للجيم حقي كالعادة واكتشفت انها تشتغل استقبال فيه، هي شافتني انصدمت وغطت وجهها بس انا ابتسمت لها عادي

بس حسيت بشعور سيء مررررره وضيق بالتنفس، احس جاني نفس الشعور حق ١٥ سنة ورا

رحت لها وسلمت عليها وقلت انتِ فلانة؟ نكرت انها نفس الشخص .. بعدين طالعت بالبطاقة حقتها وقلت الا وجلست اضحك

وقلت لها اني اشتغل بجهة مرموقة لو تبي شي تجيني اتوصى فيها ، حرفيًا وجهها صار الوان وكارهه تشوفني وقامت على اساس عندها شغل وطلعت من المكتب

ما ادري هل هي ندمانة؟ او تخاف اذكرها بالماضي؟ بس احس اني مو قادرة اسامحها

حتى اني قلت لها مكان شغلي بس عشان احس نفسي شوي رديت اعتباري وبينت لها اني بمكان افضل، تصرفي شوي طفولي بس صدق مو قادرة اتخطى

مدري لو مكاني تسوو زيي؟؟