الوظائف الإدارية في خطر حقيقي بسبب الـ AI Automation
أنا بقالي فترة شغال على Digital Transformation لشركة باستخدام AI و Automation… وبصراحة اللي حصل كان مرعب شوية.
الموضوع بدأ بأتمتة الـ HR.
عملت سيستم بيحسب:
- المرتبات
- الـ overtime
- الـ deductions
- الإجازات
- التأخير
- الـ attendance
- التقارير الشهرية
وكل ده تقريبًا بقى Automated بنسبة 90%.
حرفيًا دور الـ HR في الحتة دي بقى مجرد إنه يراجع ويعمل approve أو reject لبعض الطلبات وخلاص.
بعدها دخلنا على الـ Recruitment.
عملت AI Screening System:
- يقرأ الـ CV
- يحلل البيانات
- يستخرج المعلومات
- يقيم الشخص
- يعمل امتحان تلقائي
- يصححه
- يرتب المتقدمين
- ويطلع أفضل Candidates جاهزين
الشغل اللي كان محتاج أكتر من HR دلوقتي بيتعمل في دقائق.
بس الصدمة الحقيقية إن الموضوع موقفش هنا.
دخلنا بعد كده على أقسام تانية:
- Content Creation
- Marketing Planning
- Competitor Analysis
- Reporting
- Data Analysis
وصلنا لمرحلة إن الـ AI يعمل Marketing Plan كاملة لسنة قدام، يحلل المنافسين، يطلع نقاط القوة والضعف، يقارن بيننا وبينهم، ويقترح إزاي نتفوق عليهم.
حتى الـ content بيتولد بناءً على أداء المنافسين والسوق.
والأغرب؟
كل ده اتعمل تقريبًا خلال شهر.
أنا وقتها كنت مأجز ماديًا جدًا، وأخدت مبلغ حوالي 100 ألف جنيه مصري مقابل الجزء ده فقط… لكن بعدها بدأت أحس إن اللي جاي أكبر بكتير.
الموظفين بقوا يهزروا ويقولوا:
"إحنا هنقعد في البيت بقى"
بس بصراحة… الموضوع مش هزار أوي.
لأن فعلًا في شغل كتير ممكن يتحول:
- Remote بالكامل
- Part-time
- أو حتى يختفي كـ Full-time role
وده خلاني أحس إن الشركات داخلة على مرحلة جديدة تمامًا.
حرفيًا بقيت أنا الشخص اللي ماسك الـ systems كلها:
- ببنيها
- بحدثها
- بعدلها
- وبشرف على التشغيل بالكامل
وده مخلي سؤال مهم جدًا في دماغي:
هل إحنا داخلين على عصر الـ “Small Teams Powered by AI”؟
ولا الناس لسه مستوعبتش حجم التغيير اللي جاي؟
بجد curious أعرف الناس هنا شايفة الموضوع رايح لفين.