فضفة شاب كويتي🗣️
حالياً عمري بيدخل الـ٢٣ سنة، عشت طول عمري بخير ونعمة و ماعلينا قاصر الحمدلله، من وانا صغير كنت مثقف و متحدث و Nerd شوي و اعرف بكل المجالات، الكل كان متوقع مني اصير شي مهم اذا كبرت، وكنت مخطط اني اصير متفوق، دايماً يسألون الصغار شنو ودك تصير لما تكبر.. اللي يقول طيار و اللي يقول شرطي و اللي يقول دكتور، الا انا حرفياً ماكان عندي شغف او حلم كـ وظيفة، احباناً كنت اجذب و اقول مثلا مهندس بس عشان اسكتهم، كبرت شوي و تخرجت من الثانوي بنسبة ٨٩٪ اهلي قاموا يقترحون علي شنو ادخل كـ تخصص، لكن حرفياً مافي شغف من داخل، دخلت جامعة الكويت، اول كورس كان سهل لكن حرفياً ماكنت حاس بشي او هدف معين او شغف، كنت اشوف ان النوم اهم من قومة الجامعة بالنسبة لي ( واهوا شي غلط طبعاً ) هالشي مع الوقت قام يسبب لي توتر مو طبيعي لأن اهلي صارو يسألون عن درجاتي و كنت اجذب عليهم بالدرجات، مع التوتر كنت اكل وايد كـ ردة فعل للتوتر اللي ماكل تفكيري و مخي ومتنت مع ان جسمي كان رياضي، لين ما بيوم من الأيام كنت قاعد مع عيال عمي ( اصغر واحد فيهم عمره ٣٠ سنة و متزوجين كلهم ) في الدوانية، و كانو قاعدين يتحلطمون عن الفلوس و ان حياتهم الزوجية بدا يصير فيها مشاكل بسبب الفلوس، وانا وقتها عمري ١٩ سنة فـ بس كنت قاعد و اسمعهم يتحلطمون، لين واهما يسولفون سرحت و قعدت افكر مع نفسي اني شكثر اكره الفلوس، فكرت بالموضوع زيادة، اكتشفت اني ما اكره الفلوس، انا اكره الطريقة اللي توصل فيها للفلوس، ادرس ١٢ سنة و بعدها ٤ سنين اقل شي بالجامعة، عشان اتوظف بمكان و اخر شي اقعد بدوانية و اتحلطم ان الفلوس مو مكفيتني، سلّمت عليهم و مشيت رحت البيت كان وقتها الساعة ٥ الصبح، مسكت لابتوبي و حرفياً كتبت ( how to make money ) قعدت اطالع فيديوهات غيرت تفكيري عن الوظيفة تماماً و عن الشهادة و النظام الجامعي، اكتشفت شغفي هو البزنس و لأول مره صار عندي شغف و شي اتحمس له… تبون اكمل؟