r/HabdMaYengal

السلام عليكم ورحمة الله وبركاته

هل قد اخترت شيء وأنت مقتنع فيه تماماً، ثم بقي في داخلك صوت يهمس لك: "طيب لو اخترت شيء غيره؟" هذا الصوت المزعج هو ما يسمى اقتصادياً بـ "تكلفة الفرصة البديلة".

قبل لا نبدأ: تطبيق نظريات الاقتصاد على مشاعرنا وحياتنا الشخصية (بحكم تخصصي في المالية)، ممكن يبان أنه طرح مادي أو جاف شوية للوهلة الأولى. لكننا هنا ما نلغي العاطفة أبداً، الفكرة ببساطة إننا نحاول نترجم العواطف اللي نحس فيها، ونفهم بشكل منطقي الآلية اللي تجعلنا نتردد ونتعب وقت اتخاذ القرارات.

وراح نبدأ بأحد أهم هذي المبادئ، مبدأ "تكلفة الفرصة البديلة" (Opportunity Cost) ببساطة هو التكلفة الخفية التي تدفعها بخسارتك امتيازات كل الاختيارات اللي ما اخترتها. بمعنى إنك لو اخترت مسار (أ)، المسألة ما وقفت هنا؛ أنت اخترت إنك تتخلى عن كل مكسب كان راح يجيك لو اخترت (ب) أو (ج) أو (د).. إلخ.

مثلا لو قررت إنك ترتاح يوم اجازة، القرار هذا له تكلفة فرصة بديلة إنك خسرت زيادة الراتب لو اشتغلت هذا اليوم. رغم إن قرارك إنك ترتاح سليم ومنطقي وصحيح، لكن ما زالت هناك تكلفة، وبناءً على معاييرك راح تعرف تختار الصح.

أو مثلاً لو قررت تدخر؛ رغم إنه سليم منطقياً والمفروض الكل يدخر، لكن عدم استثمارك هذا المبلغ راح يضيع عليك فرصة إنك تكسب منه ربح استثماري. ومقدار هذا الربح اللي فاتك هو "تكلفة الفرصة البديلة". لكن ممكن تهتم بالسيولة أكثر من هذا الربح، عادي جداً، بس الآن أنت واعي باختيارك تماماً.

الفكرة إن الأمر ما يتوقف عند المال أبداً. وكما نحسب العائد على استثماراتنا المالية، عقولنا تحسب العائد على قراراتنا الشخصية. فنحن بشكل لا واعي نستخدم هذا المبدأ في الكثير من قرارات الحياة كوننا نسعى لأفضل خيار مو بس كون الخيار صحيح؛ مثل اختيار وين أسكن، أو اختيار الوظيفة، أو اختيار الزواج.

وهذا ينقلنا ليش وُجد عند البعض عزوف؟ ببساطة، ورغم إن الزواج خيار جميل وجيد، إلا إن العزوبية ما زالت أفضل له. فهذا الخيار (الزواج) له تكلفة فرصة بديلة عالية؛ لأن هذا الشخص يحب جداً حريته واستقلاليته اللي قد يخسرها لو تزوج، وهي الأهم بالنسبة له.

وحتى عند مرحلة الاختيار والتعارف نلاحظ نفسنا دائماً نفكر: هل هذا الشخص يستاهل إني أتنازل عن باقي الخيارات؟ ونبدأ نشك: هل هذا اللي أنا أبغاه ولا أنا استعجلت؟ لأن ارتباطي بهذا الشخص راح يخسرني احتمالية الارتباط بكل شخص أفضل منه كان ممكن أقابله لو انتظرت. ارتباطي بهذا الشخص له تكلفة فرصة بديلة.

المشكلة الحقيقية إننا ننتظر الخيار الأفضل.. الخيار اللي ما له تكلفة!

فالنتيجة إن هذا الهروب من "التكلفة" يوقعنا في فخ موضوعنا القادم في السلسلة: (ليش ما صار المناسب يكفيني؟). كيف يخدعنا "وهم الوفرة" لنطارد سراب الشخص المثالي اللي مو موجود أصلاً؟ وكيف نسأل نفسنا: هل اللي نطلبه معايير حقيقية ولا مجرد أوهام؟

بعد ما فهمنا المبدأ، تذكر دائماً إن "تكلفة الفرصة البديلة" ضريبة طبيعية لأي قرار. إذا اخترت مسارك، التزم به ولا تلتفت للي فاتك؛ فالتفاتك للخيارات اللي تركتها راح يضيع عليك الاستمتاع باللي اخترته. وكما علمنا رسولنا الكريم ﷺ: "وإن أصابك شيء فلا تقل: لو أني فعلت كان كذا وكذا، ولكن قل: قدر الله وما شاء فعل".

⚠️ تنويه: هذا البوست وتباعاً السلسلة هي مجرد تشريح لأفكارنا وطريقة تفكيرنا. هدفي مو تحويل العلاقات لصفقات، ولا إني أقر أو أنكر أي خيار، أنا مجرد أوصف المشكلة عشان نكون واعين أكثر بقراراتنا.

سؤالي لكم: هل لاحظتم من قبل تأثير هذا المبدأ في حياتكم بعيداً عن المال؟ وكيف تشوفوا تطبيقه على أمور أخرى مصيرية بناءً على تجاربكم الشخصية؟ حاب أسمع رأيكم.

وقبل ما أختم حاب أشكر كل من ساعدني وشجعني أبدأ السلسلة وشكر خاص لهؤلاء الأربعة u/Badrpedia u/DetAbdulrahman u/ahm_adballa u/Excellent-Power-8674

وفي الختام: أسأل الله أن يكتب لي ولكم الخيرة في كل أمورنا، ويلهمنا الرشد في قراراتنا، ويرزقنا القناعة والرضا بما قسم لنا، ويبعد عنا وعنكم حيرة الاختيار وشتات التفكير.

لي عنده ولاده يتفرج افلام كرتون .حذاري من أفلام لي تنشر الإبا****ح**ية بطرق تلميحية على سبيل المثال فلم sausage party الذي يروج للشذوذ و الأفعال الفجة في أواخر الفلم

ترا هذي اول مره اكتب بريديت فسلكوا لي شوي
الشاهد بالنسبه لهالموضوع واللي البعض بمجتمعنا يخالفه
بديت الاحظ انه الله حرم هالشي حماية للجنسين وكلها تحت تقريبا سقف واحد واللي هو العلاقه اللي تبعد عن مجرى كونها صداقه وطبعا هالشي شفناه واجد
وبالنسبه لي كولد مراهق قد مره قعدت مع نفسي ولقيت سبب يحرم هالشي واللي هو
انه انا مره قد خشيت برنامج علمي فيه اختلاط وطبيعي اني قد أُعجب** ببعض البنا**ت
المهم فيه بنت كانت جميله وقد مره قعدت مع نفسي وقلت لو هالبنت حصلت لي فرصه معها بالحلال هل راح انتهزها ؟ الصدق جوابي كان لا لاني قلت اني مابي ذي تكون مرتي ولكن لو مافيه دين ومبادئ كان عادي عندي اخش معها "بعلاقة" بس ماراح اتمنى تستمر
فهذا السبب اللي عندي واذا عندكم راي يختلف عن اللي عندي فأتمنى تثروني بمعلوماتكم
وبس والله في أمان الكريم

صباح الخير، قولوا لا إله إلا الله

أعترف ان وحده من أمنيات حياتي البسيطة هي خوض سِجال مع أحدهم ( أي شخص عشوائي مو أحد بعينه ) ولكن كل الأشخاص اللي أقابلهم وللأسف الشديد ما لهم بالشعر، وأيضًا السجال المنطوق ليس كالمكتوب

السِّجال لمن لا يعرفه: شخصان أو عدة أشخاص يتنافسون في أكبر مخزون شعري، حيث يطرح الأول بيتًا، ثم يقول الآخر بيتًا يبدأ بآخر حرفٍ من بيت صاحبه الأول، وهكذا

اسمحوا لي اهبد هالسؤال ابي مفسر او مفسرة احلام تعرفون احد منا والا منا؟

تعديل: رابط المقطع - انستقرام

تعديل ثاني: مدري ليش في ناس مفكرتني بنت اتوقع عشان اضفت فقرة البكاء؟ الرجال يبكون ترا.

كنت اتفرج انستا وطلعلي فيديو لواحد اجنبي عالغالب مش مسلم وهو ان البشر يرتاحون لمن يدورون دوران عكس عقارب الساعة (مش بمعنى حولين نفسهم وانما بدائرة) ، بأولمبيات الركض، بسباقات ناسكار، حتى تصميم المتاجر بكون انك تدخل عليه وتلف المكان وتتسوق وانت رايح لجهة اليسار وتدفع بعد ما سويت مثلا نصف طواف. وهنا حرفيا اقشعر جسمي وبكيت وسجدت.

الأعظم من ذا كله، ان الطواف هو دوران حول الكعبة عكس عقارب الساعة، يعني ربنا عارف اننا نرتاح كذا ومسخر لنا عبادة كذا عشان نسويها ونرتاح وهذا السبب ليش ناس كثير يرتاحون هناك غير المشاعر طبعا والرهبة الكبيرة بمكة المكرمة.

بس ياخي مدري والله مدري، الله يهديني بس، اعرف كل هالامور وربي بكيت وسجدت ولسا اعصيه.