u/Spiritualpain1

بسم اللّٰه الرحمن الرحيم لنبدأ دام الملل رفيق دربي بالوقت الحالي خلوني أعطيكم تجربتي بالعيش بثلاث دول بمراحل عمريه مختلفه قليل اللي يعرفون عني ذا الشي لسبب ما اسولف عن الموضوع أبدا .

1- أستراليا

أشوفها من أعظم التجارب اللي ربي أنعم علي فيها، لها طعم مختلف مع إن الجانب السلبي لا يخلو منها.

كنت في الابتدائي، أذكر الجينز الأزرق والبلوزة الوردية اللي كنت لابستها في المطار الدولي، أذكر دهشتي بالمناظر الخلابة والطبيعة الجميلة، أذكر كيف بابا كان مسوي لنا مفاجأة وجايب لنا حلاوة مصاص على شكل قلوب . بعض المواقف تأبى الخروج من الذاكرة وتختار الرسوخ فيها، وقتها ما كنت أدرك حجم التحديات اللي بعاني منها.

أول يوم مدرسة لغة غريبة وناس جديدة وبشر أشكالهم مختلفة تماماً عن الشيء اللي معتادة عليه ووحيده وكطفلة أكيد الرعب كان رفيقي خلال هذه التجربة.

ما طولت فيها وتم نقلي إلى مدرسة زُعم أنها إسلامية (اللّه بالصلاح بس ) وهنا صدق كانت تجربة فريدة من نوعها جنسيات من جميع أنحاء العالم بس لقيت ناسي وناس من نفس ديرتي وكنت في قمة السعادة ، مع إني تعرضت لكثير من المواقف المحرجة منها غنيت أغاني لطيور الجنة أمام الملأ طبعاً ما قصروا وصوت ضحكاتهم وصل لخلايا دماغي.

تعلمت أسوي فخار من التراب اللي موجود بحديقة المدرسة، كنت أحفر أحفر وأسوي فخارات، ويجون ناس من جنسية معينه ويختارون الحقد والأذى في كل مرة ويكسرونها ، بس طبعاً ما راح نسكت لهم قمنا السعودين اللي هناك نسوي حزب معادي لهم.

وتم نقلي إلى آخر مدرسة واللي استمريت فيها لفترة طويلة، هنا تعرضت لتحدي من نوع مختلف، مدري هل يعتبر عنصرية أو لا كنت في قمة السعادة وتأقلمت معهم وأخيراً، وفي أحد الأيام جت بنت من جنسية عربية، ما تتخيلون السعادة اللي كنت فيها مهما تأقلم الواحد مع المجتمع اللي يروح له يضل يحن لشيء قريب من وطنه وصدق حسينا بالانسجام والألفة.

إلى أن أتى اليوم الأسود وسألتني عن مذهبي وصرحت بكل براءة وطلعت هي من مذهب آخر متشدد ، وهنا تم إعلان خسارتي ضد مجتمع غريب حاولت اتأقلم معهم للأسف تم نشر شائعات عني من شخص شفت فيه الشيء المألوف، وكوني طفلة ما كنت مستوعبة إنه ممكن الحقد ينزرع في الأطفال وهنا يا أحبتي في اللّٰه تعلمت درس قاسي، إنه حتى الأطفال ممكن يكونون قاسين.

المكتبة صارت رفيقتي لفترة من الزمن تبنيت فكرة الأعمال اليدوية، الشطرنج، الكتب, الرسم، حتى لعبة سفن غريبة إلى أن جاء يوم غريب حمل في طياته قصة حب بريئة واعتراف لطيف نوعاً ما، أشكره لأنه فك عقدتي وأنقذني من وحدتي، تم رفض الاعتراف بكل أدب ومع ذلك ما كرهني، عرفني على أصدقائه وكانت أيام لطيفة وعلاقتي بثنتين صارت أقوى إلى اليوم اللي سافرت فيه أذكر وحدة منهم دفعت (مبلغ وهمي) عشان تأخذ الهدية اللي جايبتها مستري وليتها شيء يستاهل كانت عقد إيمو! اي والله نفس اللي في الصورة مدري ايش كنت أفكر فيه.

ويعني فقط إضافة قبل كم سنة لقيت وحدة منهم وتواصلت معها وكانت محادثة جداً لطيفة ودائماً أشوف حياتها وكيف إنها مختلفة تماماً عن حياتنا بشكل عجيب + بجرب أتواصل مع الثانية وأدور عليها أحمل الكثير من الحب تجاهه كونها صاحبه عقد الايمو .

2- امريكا

هنا يا أحبتي في اللّٰه اكتشفت كمية القذارة اللي ممكن البشر يحملونها، كنت يومياً أتعرض لصدمات من كمية قذارة المجتمع الأمريكي في المرحلة المتوسطة ومن بعض الأشياء:

1- أولادهم مقرفين.

1. السمر هم أكثر عنصرية مع إنهم عطوني لقب فخم ®
2. الي/هود راح يكرهون حتى ظلك.

طبعاً أختكم في اللّٰه فخورة بنفسها رغم صغر سنها إلا إنها اختارت الاعتزال عن الناس حتى الأشخاص من بني وطني كون صدرت منهم تصرفات عجيبة بس طبعاً مستحيل أكون طبيعية تتوقعون كيف كنت أقضي وقتي؟

كنت أتهرب من الكلاسات بحجة إني أحتاج مساعدة إضافية بشكل يومي وأروح كلاس المساعدات وأجلس على الكمبيوتر وأبحث كيبورد عربي وأكتب حياة الفهد، أي نعم حياة الفهد! واللّه أبد قضيت فترتي في أمريكا مع حياة الفهد والي/هودي اللي جالس جنبي وده يصفقني. وقتها برضو تعلمت إنه صدق خطر الواحد يطلع للممرات ويروح اللوكر وحده .🤡

3- أندونيسيا

وكانت في مرحلة الثانوي والصدق ما أعتقد فيها شيء مميز أبداً وما حبيتها أبداً الأكشن فيها ممكن أحداث كورونا هي اللي سوّت لنا دراما وفعاليات طائرة الإخلاء والعزل وبس (والله كانوا فلم حتى الاستقبال حق وطنا يخلي الحجر يبكي).

تجربتي مع الشعب الإندونيسي جداً سيئة فيهم من الاستغلال الشيء العجيب! وقع اختيار السكن الأولي في العاصمة وكانت تجربة بشعة ولأني أحس طولت بختصر لكم السكن كان بشع وقذر هو كان فندق أخذنا شقة فيه. يعني من كثر الوقاحة مداهمين الوالدة يبون يشوفون حالة الفرش وسبحان اللّٰه صدفت إني وقتها رجعت من المدرسة وكنت مصورة القذارة في فرشهم لأني رفعت المفارش على ضوء الشمس وتهاوشت معهم وسكتوا وطلعوا!

نقلنا للأطراف بس التجارب السيئة مع الشعب استمرت ما أعمم أكيد بينهم فئة كويسة ولكن لعل القدر جمعنا مع الفئة الغريبة وكوني منقبة وألبس عباية شكلي مرة بارز، وذا الشيء ما ساعدني أختلط بينهم دائماً كانت الأنظار علينا صح شيء ممكن مثير للاهتمام لفترة معينة احتجنا سائقة وصدق جتنا وحدة بس إلى الآن نشك إنه ذكر متنكر من يدري🤷🏻‍♀️

وبس والله اتمنى استمتعتوا

لا مانع من اسقبال اسئلتكم

هل التضحية اللي قدمتها لأجل فتات من اللحظات السعيدة يستاهل ؟

رجال عمره 20 سنه يعاني من اضطرابات هلاوس كوابيس كله من ايش ؟ من أصابع يده اليسار حاول يثنيها عشان يخفيها القهر استمر حاول يقصها بمنشار خشب في داومه بس كنسل راح يطلب العلاج كل الاشعه لدماغه سليمه حاول العلاج السلوكي و مافي شي فاد طلب بترهم وتمت الموافقه من المستشفى وصدق تم البتر للإصبع الرابع والخامس .

رابط ال case للمهتمين

الأبوتمنوفيليا** (Apotemnophilia) أو **
(Body Integrity Dysphoria - BID)

باختصار** هو الرغبة الشديدة في بتر عضو سليم من جسدك يدري المريض انه العضو سليم ومافيه شي مو زي كوتار اللي يحس فيه المريض إن العضو ميت بس في الأبوتمنوفيليا المريض ما يعترف **بملكيتها .

قبل كانوا يحسبونها عقدة نفسيه بس اكتشفوا انه في مشاكل بالدماغ والعقل يوم يجي يرسم صوره طبيعيه لجسد الشخص الطرف اللي يضايقه ما يكون بالصوره الطبيعه بالنسبه له .

اغلب اللي يبترون عضو سليم ما يحسون بندم أبدا بالعكس يحسون الان صاروا كاملين وسعيدين .

والغريب بعد انه عندهم فترة تظاهر وهي انهم يعيشون الدور يعني يغطون عيونهم ويسون انهم ما يشوفون قبل ما يشيلون العين ولا يجلسون في كرسي متحرك يسون ما عندهم رجل .

طلعت أنا اللي اخزكم بالأماكن العامه اليوم انتبهت على تصرفي بس صدق ايش متوقعين اني بغمض عيني طبيعي بطالع إذا تصرفتوا تصرفات عشوائيه يعني تغسلين سروال كهيل في مغسله عامه اكيد بطالع ولا تلمسين اكل الناس وانتي ما بتاخدينه اكيد بطالع .

احب الغيوم لطيفه تجي تجمل المكان وتروح بسلام وكل مره تجي بشكل مختلف عن الثاني واحس مهم مره اني أصورها أشوفها مثل الذكريات والصور توثقها وكأنها لحضه سعيده

مدري هو تعفن دماغي ولا ايش بس اكره إذا احد عاد اللقطة وأنا أصلا ما اذكر ايش أرسلت

دخلت الغرفه ولقيت اخوي يحاول يكوي ثوبه بطريقه بدائيه حاط ثوبه بالأرض وفوقها تكايه وقاعد يضغط عليها

(Cotard syndrome or delusion)

متلازمه كوتار صدق انها من اغرب الأمراض تخيل شخص يصحى من النوم ويعتبر نفسه ميت او انه في اجزاء من اعضائه الداخليه مو موجوده مهما تقنع فيه وتكلمه مو راضي يصدق يبدا يشم في نفسه ريحه تحلل الجثث مع انها بس هلاوس يوقف اكل يوقف كل شي في الحياه يعتبر نفسه جثه وفي حالات العكس تماما يؤمنون فيها بالخلود .

لقيت انها مرتبطة بكم شغله منها الاكتئاب، ثنائي القطب، الكحول وتصير في النساء شوي اكثر من الرجال (طبعا نعرف مين السبب).

وبس