r/saudiarabia

كنت بعلاقة لمدة ١٠ سنين تقريباً، وكانت أفضل ايام حياتي
كبرنا ودرسنا وتخرجنا وتوظفنا واحنا مع بعض.. علاقه صحيه، ماقد طلعت معاه هو بمنطقة وانا بمنطقة، وكنا نخاف من الحرام.

وخلاني اختار الشقة، الاثاث، ومطبخ…

وجا وقت الخطبة، خطبني لكن أهلي رفضوا بحكم انه مو قبيلي..
ورجع خطبني ٤ مرات.. وبعدها قرر انه يترك العلاقة.. انفصلنا عن بعض قبل سنتين، وقبل كم شهر شفت إعلان زواجه..

ماعرف كيف اوصل مشاعري، لكن ودي هالفترة يكون ماعندي قلب..

وبس والله

عندي سؤال ، ولكن اتمنى محد يفهمني غلط

اذا كنت تحب شخص هل طبيعي انك تشتهي هالشخص من قوة الحب او انها مجرد وسيلة عشان تفرغ هالشعور الي بداخلك

اختلف الاراء بين ناس اتفقو وناس اختلفو البعض قال من الحب اصلا انك تشتهي الشخص الي تحبه

والي اختلفو قالو ، هذي كلها كذب ب كذب انت ماتحب الشخص وبس تبي ترضي شهوتك .

انتو وش رايكم

ما اعرف كيف أبدأ أو من وين لكن فيه شيء متعبني صراحه ، أنا من القصيم و خطيبي من الجنوب و من سنه لما تعرفت عليه كان يسولف معي كأني خويه و كنت دايم أمشي الموضوع لأن شيء تافه و برضو لاحظت عنده اعتقادات غبيه و كنت أقول طبيعي يعني لأن حنا اشخاص مختلفين فما اناقشه كثير بل كنت كل ما شفت منه شيء مزعج اسكت و مع الوقت لاحظت أنه مرات ما احسه يقدر مشاعري كوني شخص عاطفي و دايم يحسسني أني حساسه أكبر المواضيع ، و كنت أحيان كثير اتحسس من مزحه اللي حتى بأوقات الجد بعدين بديت أفهم شخصيته بس ما كان شيء مريح ، يعني صرت الأحظ الأشياء الغريبه اللي يسويها و أنا مو منتبهه و لاحظت تكتمه الغريب على بعض الجوانب اللي احتجت فترات عشان أجمعها ، و بعد كم شهر بديت أقدر اخذ و اعطي لما يزعجني شيء بس دايم أفضل الصمت لأنه لما أقول ممكن اناقشك يخاف ، هو حرفيًا يخاف من كلمة نقاش!

و لما يزعلني يختفي ، من عرفته ما أعتذر لي عن أغلاطه الا ثلاث مرات ، بل عنده قدره عجيبه يقلب الموضوع و أبين كأني غبيه تكبر المواضيع و يشوف أني مفروض أكون دايم تحت ظله لين مره فتحت معه هالنقطه و زعل و قال سوي اللي تبين ، اللي ضاغطتي اخر فتره صار فظيع خصوصًا بعد ما توظفت و هالشيء تعب نفسيتي بسبب أني احاول اوازن بين الجامعه و الدوام ، هو أساسًا فظيع بس حسيت كأنه يحاول يطفشني ، يعني لما اطلع مكان و اصور ستريك مرات احط ساوند عشوائي ، عادي يعلق على أنه ليه الساوند كذا و يطفشني أو لما يكون معي فلوس يجلس يطلب مني ، و يسألني لبه ما اطلب فلوس منه ( رغم أنه يدري أني حتى أهلي ما اطلبهم و اذا بيحولون لي يحولون بدون طلب و مستحيل اطلب) ، و بدأ اخر كم شهر يسوي شيء و هو أنه مرات يجيب طاري النسوان قدامي أو يتكلم عني كأني أخرى عشان يغيضني ، أنا اللي جالطني أنه قدام أهله و أهلي و أخوياه رجال و كفو بس ما أحد يعرف هالجانب الأ أنا، اوك مابي اظلمه بس مهما كان كويس فيه أشياء تؤلمني منه ، خصوصًا أنه يشوفني مره ماخذه راحتي ؛ لأن في عايلته البنت اخر مرحله دراسيه لها هي الثانوي و ما يتوظفون ولا يستخدمون السوشال ميديا ولا يسوقون ولا يطلعون حتى مع صديقاتهم ، أنا أحبه و أنا اللي جبته لأهلي و لكن طفح الكيل أنا مابي انفصل حاليًا لكن احتاج لطريقه اتعامل فيها معه لأن شخصيته الغبيه ذي تطلع فترات و لاحظته ما يحب انبسط من أحد غيره ، ممكن كلامي عشوائي و ملخبط بس عرفت أن الموضوع مو هين لما ماما سألتني اذا هو مضايقني هنا عرفت مدى فظاعة الموقف .

أنا ما اسقط على أشخاص معينين ولا منطقه معينه و لكن أنا فكرت أن ممكن البيئه نفسها لها علاقه ، لأنه من بيت يقدس التقاليد و القبيله ، أنا قبيليه بس احسه مرات يبالغ ، يعني عادي يرمي نفسه بمشكله عشان واحد من عيال عمه استفزع فيه اوك صح مرات ممكن تتمشى بس كل شيء له حدود ، أتمنى أني قدرت اوضح اللي ببالي ، أنا ابغى حل سلمي لأن أدركت أنه يتصرف مرات بشكل تلقائي و الغريب أنه يحبني و مستعد يسوي أي شيء عشاني بس مرات اشك بتصرفاته

طول حياتي مع مرض مزمن

رحت المسجد اصلي الفجر... أول ما دخلت صليت ركعتين و جلست ادعي بعد التسليم

بعد الدعاء مسكت المصحف و قلت: يا رب ارسل لي رسالة عبر هذا المصحف. بعدها مباشرة فتحت المصحف على صفحه عشوائية و اول آية أمامي كانت: قال قد أجيبت دعوتكما فاستقيما و لا تتبعان سبيل الذين لا يعلمون

مو أول مرة تحصل معاي و لكن اليوم كانت واضحة و قوية سبحان الله

اللهم اجعلنا من أهل الجنة 🤲

السلام عليكم أو أي شخص مرّ بتجربة مشابهة في السعودية.

الموضوع يخص أخوي. متزوج من حوالي 5 سنوات وعنده بنت، وهم الاثنين مقيمين بالسعودية وكل واحد إقامته مستقلة عن الثاني.

خلال فترة الزواج اكتشف أكثر من مرة إن زوجته تتواصل مع رجال بطريقة تتجاوز أي حدود طبيعية بين شخص متزوج وشخص غريب، وفي المحادثات والكلام أمور مخلة بالآداب بشكل واضح. وعنده أدلة محفوظة من محادثات وصور وفيديوهات.

المشكلة إن الموضوع مش صار مرة وانتهى. تكرر أكثر من مرة، وكل مرة كانت تقسم وتحلف وتحط يدها على القرآن إنها ما ترجع تعيد الموضوع، وبعدها يرجع يتكرر.

ومن ضمن اللي اكتشفه إنها أرسلت صور خاصة لأشخاص آخرين، وفي مره ثانية طلعت مع رجل آخر داخل سيارة، والموضوع موثق على الداش كام. وفي تسجيل صوتي موجود كذلك بينها وبين شخص آخر وفيه كلام مخل بالآداب.

أخوي استشار محاميين، والاثنين قالوا له إن الأدلة الموجودة ممكن ما تكون كافية قانونياً

قانونيًا، شو الإجراء الصحيح في حالة زي هاي؟ وشو نوع الإثبات اللي المحكمة فعلًا تعتمد عليه؟
هل تسجيلات المحادثات، الداش كام، الصور والمحادثات الإلكترونية لها قيمة كدليل إذا تم تقديمها بالطريقة القانونية الصحيحة؟
بدي اسم محامي قوي جدًا بالرياض ومتخصص بقضايا الأحوال الشخصية والحضانة والنزاعات الزوجية، شخص فعليًا يعرف كيف يتعامل مع ملف حساس ومعقد زي هذا، مو بس استشارة عامة.
وبالنسبة للبنت: شو الأشياء اللي فعلًا تنظر لها المحكمة إذا الأب طالب بالحضانة؟ وإذا عنده أدلة على تصرفات تمس أمانة أو أهلية الأم للحضانة، كيف يتم إثبات هذا قانونيًا بدون تهور أو اتهامات ممكن تنقلب عليه؟
أهل البنت عرفو بالقصه كامله وأخوي ورجاهم الصور والفيديوهات. بدهم أخوي يطلقها طلاق عادي من دون ما يحكي عن الصور والفيديوهات مقابل انه يتنازلو عن المؤخر/المؤجل. طبعا أبوي رافض الفكره كونه أخوي نظلم والبنت كانت خبيثه وخاينه معه. الموضوع ما ينحل بفلوس حتى لو ندفع المؤخر.
همنا الوحيد انه بنته ما تعيش في بيئه رديئه مع أمها. وبنفس الوقت ما ودنا الفضيحه بالاخر رح تظل أمها ل بنتنا، ودنا نسامح ونعفو ل وجه الله بس بنفس الوقت بدنا الحضانه.

اللي عنده تجربة حقيقية أو يعرف محامي متخصص بهالنوع من القضايا، ياريت يفيدنا. شكرا.

قرفنا من موضوع الهاشتاق إياه.. مع/ضد.. لن تغيروا شيئا!
فضلا اتركو ترهات تويتر لتويتر ودعونا في أمان

أحب اهلي بشكل محد يتخيله انا واخوي نذاكر للرخصة المهنية ويوم شفت القرارات الجديده بكيت مو عشاني عشان اخوي اتمنى ان الحياة كلها تتسهل وتتيسر له جلست ابكي وادعي له مو رياء والله بس ادعي له اكثر من نفسي ياناس احبه بشكل ودي أهلي يشوفون كمية حبهم بقلبي محد بيتخيل الشيء هذا لدرجة انا في بيتي ومتزوجة وهم متزوجين أقعد الليل افكر فيهم وافكر بأمي اتمنى ما يمسهم أذى اخ حبي لهم تعبني ابكي دايم حتى لو محد فضفض لي او قال مجرد اتخيل انه الشي ذا جرحه ابكي لدرجة ابوي هاوشني لشيء ما كان غلطي زعلت منه ورجعت بعد يومين ابكي ليه انا زعلت منه ورضيت حتى بدون ما يعتذر لي احس زعلي منه اوجعني قبل يوجعه

كيف تتعاملون مع التوكسستي اللي ما تقدرون تتخلصون منها بالواقع؟

اللهم يا حي يا قيوم، يا واسع الفضل والرحمة، افتح لي أبواب رزقك وكرمك من حيث لا أحتسب. اللهم صبّ عليّ من خيرك ووفير عطائك ما يسرّ خاطري، ويقرّ عيني، ويثلج صدري.

اللهم عوضني عن كل لحظة جفاف بكرمك، وعن كل كلمة أوجعتني برضاك، ولا تجعل حاجتي ولا سعادتي ولا إحساسي بقيمتي مرهونًا بأحد من خلقك.

اللهم اجعلني بعينك التي لا تنام، وأغنني بفضلك عمن سواك، واعطني من رزقك وبركتك خزائن لا تنفد، حتى أرضى.

اللهم هب لي من توفيقك ما يفتح لي أبواب النجاح والوظيفة المباركة، وجمّل أيامي وساعاتي، واجعلني دائمًا في عينك غالية، ومحفوفة برعايتك ولطفك، واجعل مقامي عندك وعند خلقك عالياً مباركاً، يا أرحم الراحمين.