u/gaylorrt

ماقد جاني بوظايفي اللي قبل ذا الشعور حاسه بخوف من هالنقطه وكل ماغلطت بشي خصوصا ان موضعي حساس بالسيكيورتي الغلطه تحسب علي بالف.
الليد حقي لطيف ومتفهم والبيئه ممتازه الى حدٍ ما، انا بالاسبوع الثاني وكل ماغلطت يجيني حرفيا غثيان وهلع وخوف واحس الدنيا تدور والقلق طاق عندي اكثر من اي وقت. اليوم صار انتراكشن مع الليد كان شوي غريب ف صرت اخاف اكثر
يمكن لاني طالعه من بيئة توكسك كان المدير دايم يهددني اني بنطرد بدون سبب او بسبب
انا كويسه واعرف هالشيء بس الخوف ماكلني
ف سؤال لاهل الخبره وش الشيء اللي يخلي شركة تقول بطرد هذا الموظف؟

السلام عليكم
انا الان بفترة التجربة ٣ شهور وهذا ثاني اسبوع لي هنا. مدري ليه جايني خوف انهم يمشوني مع اني داخله معاهم ببروجكتس واحاول اشارك واسأل عشان اخذ اكبر قدر من المهام بس باقي فاااضيه طفش طفش موت حسيت التيم حقي يعاملني كفريش قرادوت تحتاج تعليم ودعم واخاف هالشي ياثر على صورتي. مدري التيم حقي مدري هو سبورتف ولا هذي اشاره حمراء. مديري هندي وبرضو شفت منه دعم لكن باقي خايفه مره مدري ليه ماقد جاني بوظايفي اللي قبل كذا هالشعور
وش اللي يخلي الجهه تتخلى عن موظف بهالفتره من رايكم
الشركة ممتازه وراسخه نوعا ما بس المشكله مني طالعه من بيئه توكسك وجايتني ردة فعل احسني هشه واشكك بنفسي كثير واتوتر

السلام عليكم
انا سويت اربع مقابلات.. والخامسه بالطريق بكره

الاولى مبدئيه الثانيه تكنكال وعديتها الثالثه مع مدير الاداره فيس تو فيس وكان جدا معجب بشغلي وتكلم عن الاوفر معاي خصوصا ان مجالي مافيه ناس كثير اصلا نادر مره وانا المرشح الوحيد.. الرابعه سريعه دخلوني سألوني ليه ابي اطلع من وظيفتي الحاليه وسألتهم عن المشاكل اللي يواجهونها بالسستم بعدها اخر المقابله قال الhr بيكملون معاك عن الاوفر وسألوني عن الراتب المتوقع وحسيت خلاااص الحمدلله
بعدها… جاني مقابله مع الceo + office visit علما انه كان مفروض يكون موجود قبل بس ماحضر وقالوا خلاص مو لازم هو اجازه
الغريب ان خبرتي سنه والhr قال لي والله اني راحمك ماقد وصلوا العدد هذا من المقابلات مع احد
وقال ان الceo مايقابل اصلا اخصائين دايم يقابل اللي عندهم مناصب اداريه فقط ف انتي غريب بتدخلين عليه مدري ليه هو يتسائل معي بعد😭 بس توقعت يمكن لان مجالي حساس وقال ان يبي يشوف اذا انتي ملائمه للبيئه فقط ويبونك تشوفين بيئة الشغل والتيم اللي بتشتغلين معاه عن قرب
المهم اني انا متمسكه فيهم لانهم كويسين جدا بعيدا عن كثر المقابلات والمواري خير لان برضو نفس الhr هذا قال لي ترا مدير الاداره يبيك وان مرورك على الceo اجراء فقط
انا متوتره جداً ومدري وش اتوقع بكره في اخر مقابله
وكل ماجهزت شيء بقوله احس مو عارفه بكون متوتره اني اكون بغرفه مع شخصيه كبيره زي ceo
من واقع تجربتكم وخلكم صريحين معاي
خل مواريهم خير؟ هل اموري ماشيه؟ وكيف اتصرف بالضبط؟

السلام عليكم بعد اجتيازي المقابله التقنية والمقابله مع الدايركتر الان طلبوا مني بعد شهر اقابل الceo للفاينل ابروفال وانا المرشح الوحيد الفيدباك عن المقابلات السابقه كله ايجابي جدا

اول مره اقابل ceo ومو عارفه كيف اتصرف ووش يبون مني لان قالت لي الاتش ار بتكون مكس بين تكنكال واساله عنك شخصيا ومو فاهمه ليه تكنكال مره ثانيه مع ceo

عطوني نصايحكم المقابله اونلاين وبفتح كاميرا
https://www.reddit.com/r/SaudiProfessionals/s/ghuQI6ZfWt

السلام عليكم خلصت مقابله قبل ساعه وقال ان لو خذناك بنثبتك معانا بدون شركة مشغله وقال اول شي بنشوف البدجت
بعدين قال لي بنرد عليك خلال اسبوع بالفاينل فيدباك
برضو عجبته الاكسبيرينس ومدحها
بس قال لي في مجموعة candidates في بنرشح وكذا
بعدين يوم سالت الاتش ار قالوا اصلا مافيه الا انتي اللي وصل هالستيج
لان قبلها كان تكنكال انترفيو
شرايكم؟ تحسون المقابله كانت بوستف؟

طبعا هم اللي تواصلوا معي بخصوص البزشن مو انا قدمت

انا كنت بالمقابلات بلبل انقلش وعندي ثقه مطلقه وحتى اللي اشتغل معاهم اصلا اجانب ويتكلمون انقلش
بس الحين مدري وش جاني احس مخي ساكت لساني انربط فجأه نسيت كل الفوكابلري ماعرف اتكلم وش صاير😭😭🙏
المشكلة المقابله مع دايركتر اجنبي(هن(دي)واكيييييد بيسألني اشياء تكنكال رغم اني اصلا سويت مقابله قبلها تكنكال بصيح
قعدت اتدرب بس ماش مدري وش جاني ساعدوني

السلام عليكم

انا مفكرة اكمل ماجستير في الامن السيبراني
هل اخذ مدفوع بجامعة سعود وحضوري
او فيGeorgia Tech عن بعد بالكامل وجامعه خارجية والتكاليف تقريبيه

وش بتسوي لو مكاني؟

انا تخرجت سنه ٢٠٢٥ وتوظفت في شركة خارجية مشغله لجهه حكوميه بعدها ب٥ شهور انتقل عقدي لشركة ثانيه بنفس القسم(يعني انا بنفس مكاني وكل شي بس نقلت عقدي)

والحين جايني عرض بشركة مشغله ثالثه وباقي ماكملت سنه لي ١١ شهر توتال خبره بنفس مكاني
هذي الشركه اللي عطتني عرض هي مشغله بنفس طريقة الشركه اللي انا فيها بس وبمشروع حكومي ثاني

تناقشت مع صاحبتي قالت ما انصحك خصوصا انك فرش قرادوت مو كويس تتنقلين تطلعين قدام الاتش ار مستقبلا بصوره مو كويسه

وانا من ناحيتي اشوفه اهم شي تصير لي زياده بالراتب لان قاعد يصير اي قروث مو طبيعي خصوصا ان هذي الشركات اصلا ماتستاهل ان يصير عندي ولاء لهم لانهم شركات خربوطيه مره اصير اتنقل لين اثبت بمكان حكومي ولا مكان على الاقل ثقه منظمة متكامله

هل فعلا كلامها صحيح؟

I’m a SAP security consultant and been in this field for over 10 months now

I have an upcoming technical interview for an SAP GRC Consultant position. They told me the focus will be on SOD, Authorization, Supporting upgrades, and User Management.

What questions should I expect in the interview?

I’m a SAP security consultant and been in this field for over 10 months now

I have an upcoming technical interview for an SAP GRC Consultant position. They told me the focus will be on SOD, Authorization, Supporting upgrades, and User Management.

What questions should I expect in the interview?

السلام عليكم
انا بطلع شنقن عن طريق فرنسا بحجوزات وهميه والاصل اني بروح بولندا هل بتسبب لي مشاكل؟

هل سبق تعاملتوا مع شخص يكره النساء؟ ويوضح عليه نظرات حقد وغيره بشكل يخوف
جاء واحد جديد معاي بالدوام وهو مايعرف بالسستم شيء وقتها انا كنت برضو اتعلم على السستم بس خلاص قد مسكت شغل وداعسه والمدير معتمد علي وكل شي كويس
جاء هو وطلب مني المدير اني اعلمه كل شي عن السستم وكان معاه برضو بنت جديده اعلمها بديت اعلمهم رغم الضغط اللي علي بالشغل بس احتسبت الاجر
علمته كل شيء حتى ايميل ماكان يعرف يكتب كنت اكتب عنه وارسل له صيغ ايميل وهو ينسخ ويلصق

اول ما فهم السستم قلبت معاملته معاي وصار وقح جدا ويحاول يستفزني طول الوقت بس اتجنبه ولا اتفاعل معاه
صار يطل على جهازي يشوف وش اسوي ويجي "يطقطق" على شغلي اني مو فاهمه شي خصوصا ان مجالنا حاسب
انا معلمتك السستم كيف مو فاهمه شي؟😭

اي اجتماع ادخله يجي ينط معي عشان ينظر على طريقة كلامي وشغلي هذا غير انه مايحط مسافة امان بيني وبينه كانه يتعمد يحسسني بعدم راحه كل ماجاء يكلمني اطلب منه يبعد شوي عني
يتعمد انه يوضح لي اني "مو فاهمه" حرفيا صار كم موقف هو اللي تفشل وانا اللي اضطريت اخذ مكانه واشرح المشكله بعد الهياط هذا كله
هذا غير الاغلاط اللي غطيت عليه فيها لاننا تيم دعمته قدام مدير الاداره لما كان مفكر يفصله وقلت عطه فرصه هو ممتاز
رحمته بالبداية جاي كفرش قرادوت وانا كنت بمكانه يوم من الايام كنت احتاج شخص يعلمني بالتفاصيل هذي عشان ما اغلط رغم ذلك جاء وحط الغلط علي عيني عينك😭🙏
بعدها صار يعاملني زي "حرمه الله يكرمك" يتعمد يستفزني او يطقطق على كلامي
طبعا انا تشل مره يا اعطيه نظره يا ازبد له بشكل واضح واخر همي التنافس كلٍ رزقه معاه محد ماخذ رزق الثاني
بس هو جاي تحسون كانه متعطش يبي ياخذ كل شي وقسمنا ابد مو كذا كلنا مره هاديين ومتعاونين

عموما بعدها اكتشفت انه هو يعاملني انا بالذات بهالكره والحقد والباقين مره كويس معاهم مدري هو حاقد علي عشاني علمته وحس بإهانه ان امرأه تعلمه الشغل ولا لاني انا بس اللي ازبد له واحطه في مكانه مدري وش وضعه

ماعمري تعاملت مع شخص وقح ودنيء
ووجهه غير مريح ابدا اكش منه اذا جاء عندي يخوفني

المشكله بنفس الوقت ارحمه لانه جاي من قريه واول تجربه له بالرياض ولا يعرف يتعامل ويهايط باشياء غبيه مره

ف مدري هل هذا اجتهاد شخصي ولا شخصيته فعلا خايسه
كيف تتعاملون مع شخصيات زي كذا بالدوام وكيف تحطون حدود معاهم

صديقتي المقربة جدا جدا تملكت على شخص على طول بدون تعارف بالخطبه على حسب عاداتهم، هالشخص يلعب بالكلام كثير وكلامه معسول بس الواقع غير تماما، صديقتي عمرها صغير وتوها بدت مسيرتها المهنيه واول شي حاول يسويه انه يوقفها عن الوظيفه بعدها علق على حجابها بعدها هددها بالانفصال عشان اشياء سخيفه بسيطه غير البخل والمشاكل الثانيه والاكتشافات اللي تكتشفها والكلام الجارح بس باقي مو متخذه قرار لانه على طول يجي يقول كلام معسول مره وينسيها اللي قاله
يتهاوشون ويجي يقول لها كم كلمه وترضى وترجع طبيعي وعلى هالحال كل هالاحداث بفترة ٥ شهور او اقل

من ناحيتي انا خايفة عليها لان من كم موقف مره مو عاجبني الرجال مو سوي ابداً لكن ماقدر اقولها بصريح العبارة عشان ما اخرب عليها لانهم عقدوا قران وخلاص ف ردودي لها محايدة على المواقف اللي تصير

صديقتي كان عندها طموح واحلام تبي تلاحقها خايفه ان هالشخص يكسرها، من كلامها عنه والمشاكل اللي تصير
هذا الشخص نرجسي مره وانا شايله هم بس مو قادره اساعدها عشان مايكون تخبيب او تحريض وبنفس الوقت صدق مابي اضيق صدرها
معزتها كمعزة اخت واكثر مايهون علي اشوفها تروح لهالطريق ولا اساعدها بس مو قادره اتصرف ف للحين انا محايده

السلام عليكم، هذي اول تجربة لي في اوروبا وبسافرها مع امي واخوي بنروح اخر جولاي باذن الله
الخطه المقترحه حاليا هي فيينا ← كراكوف ← زاكوباني ← وروتسواف ← تشيسكي كروملوف ← براغ

عطوني تعديلات ونصائح

وكم احتاج ميزانيه لنا كلنا شامل الطيران والفنادق

علموني اي شي اضافي احتاج اعرفه واذا فيه مكان مايحتاج اروح له من اللي ذكرتهم