طعمه سادة ومناسب مو سيء. حسيت شخصياً ان فيه ريييييحة فانيلا شوي مو كثير. قريت المكونات مكتوب نكهة قشطة فيمكن هي المصدر.
رهيب جدا جدا كسعرات وبروتين ولا فيه اي اضافات (حتى مافيه مركز عصير فاكهة)
القيم لكل ١٠٠ مل : ٥٨ سعرة حرارية ، ١٠ بروتين ، ٣.٨ كارب ، ٠.٢ فات
مجموع : ٢٣٢ سعرة 😱😱 ٤٠ بروتين ، وبس ١٥ كارب 🥰
ومناسب للاشخاص الحساسين تجاه اللاكتوز
سعره ٩ ريال يزيد او ينقص (على حسب من وين تشتريه)
السلام عليكم قست وزني بجهاز انبودي وقال لازم اخسر ٢٠ كيلو دهون وازيد ٥ كيلو عضل، كيف الطريقة؟ ابغى ١٤٠٠ سعرة باليوم بس كيف استهدف الدهون بالخسارة؟ والرياضه ناويه اسجل بنادي قريب ان شاءالله
قطعت مده طوييله ، استراحه المحارب و انظف جسمي بس دحين ماعندي الطاقه او القوة الي ايامي كان تست : ٣٢٥٠ ng دحين طايح على ٤٠٠ و حاجه 🤧
سويت عمليه ثني معده كان فيني ارتجاع قبل شهرين الدكتور ماجاب طاري للجيم الا بعد العمليه انصدمت قال لي ثلاث شهور ما اشيل شي اكثر من كيلوين الخيوط بتتقطع على كلامه وان اذا مرا ودي ارجع يصير ارجع بعد ثلاث شهور وامرن بس تراي وباي باقي العضلات لا ابدا وجلس يقول عن مرضى مثلا واحد شال كيس رز وتقطعت الخيوط صراحه ما اقتنعت بكلامه رحت لجراح ثاني كلامه مناقض للاول قال عادي ارجع بعد ست شهور تدريجي وابعد عن التمارين الي تكتم زي السكوات ممنوع ليق برس باوزان عاليه ديدلفت ممنوع وسالته لو اللبس الحزام قال وجوده زي عدمه مو مسوي لي شي وابعد بعد تام عن تمارين البطن طيب انا ابي سكس باك وقال لما ارجع الاوزان ماتكون عاليه واذا حسيت بضغط على مكان العمليه وقت التمرين اوقف على طول طيب فيه فرق بين ضغط المكان والفشل العضلي يعني مقدر اكسر اوزان بسرعه يعني بوصل ١٢ /١٥ عده بدون فشل وش الحل ؟
طفشت صار لي اسبوع ركبتي عيت تطيب واشتقت اتمرن 🥲 هل ينفع اتمرن بأوزان خفيفه ؟ مع العلم انها تعورني حتى لو مشيت لوقت طويل
وش رايكم بالجدول هذا ؟ وكيف المفروض يكون ترتيبه بالايام ؟
ساعدوني لان روحة الجيم صايرة جدًا ثقيلة
هل صدق يمرن كل العضلات ذي؟ حسيته تمرين بطل للحياة اليومية وشيل الاغراض
خصوصا الجزء السفلي مثل الظهر السفلي والرجول والسواعد
سويت فحص انبودي ، وقالي الموظف انو عندك نسبه دهون تقريبًا ١٠ كجم يبيلك تنزليها ونو كتلتك العضليه تقريبًا ٣٨
سؤالي هو حاليًا انا ابداء انشف ؟ او اسوي دايت عشان انزل وزني ؟
لحد ينقد على عشوائيه السؤال😭
كنت اعتقد انه احتاج أوصل لوزن ٦٥ عشان أوصل النسب الاحادية من دهون الجسم
بديت في جون العام الماضي عند وزن ١١١ كيلو وكانت الياقة صفر بعد انقطاع طويل عن الدراجة تركت الدخان و صملت تقريبا اكل ١٥٠٠-٢٠٠٠ سعرة بشكل يومي مع تمرين يومي في الدراجة وفي رمضان وقفت تجويع و رجعت اكل عشان اسرع عملية الأيض وزني كان ٧٩ في اخر رمضان أكلت اكل مو طبيعي ثم رجعت لمود الجوع
لكن لسى فيه كرشوشة صغيرة قهر احتاج انحف اكثر هدفي القادم ٦٠ كيلو الشي المحزن انه كنت ابغى انحف عشان تكون ملامح وجهي حادة و رجولية اكثر لكن واضح مافيه أمل إلى الان وجهي مدور لا توجد خطوط حادة بس ما بستسلم صح انه كان هدفي من النحف يتحسن وجهي لكن خلاص بيكون هدفي انه اكون ناشف فقط
ما بلعب حديد او اي شي غير الدراجة مستقبلي جسم نحيل وناشف مع روتين يومي دراجة وانعدام شحوم البطن الداخلية
صراحة محزن انه الي كنت أبيه واضح ما بيصير لكن ما بستسلم على الأقل يكون عندي جسم نشيط و نحيل افضل من لا شي
لي شهرين وانا على عجز سعرات ١٢٠٠-١٤٠٠
(وجباتي اسويها بنفسي وكل المقادير اوزنها عشان اعرف كم سعره في الوجبه بالضبط) واروح النادي العب حديد وكارديو وكنت بعض الاحيان اشوف نتيجة بالمرايه لان في اجزاء معينه من جسمي ترتبت اكثر.
ذا اليومين رحت اتسوق كم مره عشان فساتين العيد، كنت متوقعه اني بلبس مقاس اصغر من مقاسي او على الاقل نفس مقاسي مارح يتغير، لكن اكتشفت ان حتى المقاس اللي اكبر من المقاس اللي كنت البسه قبل ذا الشهرين معد صار يجي قدي!!!!!
ادري الفتره قصيره مره ما يمديني انحف فيها لكن برضو المفروض ما يزيد وزني فيها وانا ملتزمه واراقب اكلي!
صح ان جت ايام اسحب فيها على النادي لكن اكلي ما اخبص فيه ومرات حتى انام وانا مقفله اقل من ١٢٠٠ سعره.
بتقولون لي شكلك قاعده تسوين bulking بقولكم ثلاث ارباع الفتره هذي ما اقفل بروتين الا يمكن ٧٠-٨٠ جرام مستحيل بيصير bulking من ذا الكمية.
الحين خايفه اقيس وزني واكتشف انه زايد ٣-٤ كيلو لان بحرق الدنيا لو فعلاً هذا اللي صار.
من اسبوع او اسبوعين و وزني و نسبة الدهون ثابته مع اني مقلل ٨٠٠ سعرة من الثبات ايش الحل 🤨🤨🤨؟
صار لي فترة طويلة موقفه تمرين بسبب مشاكل صحية تسبب لي اجهاد عام وطفشت من الوضع لياقتي صايره صفر لدرجة اذا متربعه ووقفت انقطع نفسي. ولما شفت ان نص السنة جاء والقول كل ما له يبتعد قلت باتدارك الوضع واشتركت مع مدرب اونلاين يعطي خطط تغذي وتمرين.
سؤال للي يشتركون مع مدربين هل صدق تلتزمون بكل الخطة ١٠٠٪؟ افكر اذا كان فيه تمرين انا عارفه ما اقدر عليه بسبب وضعي اروح ادور low impact version ولا اخليه بوزن الجسم لين ربي يفرجها بإذنه لكن اخاف انها دباشه واني اطير فلوسي بالهواء.
ملاحظة, هذا جدول خاص فيني يتماشى مع حالتي, تفضيلاتي, نقاط قوتي, نقاط ضعفي. الجدول بالكامل يعتمد على جولتين فقط.
قبل الجدول, فيه خطة مكونة من 3 أسابيع:
الأسبوع الأول: الهدف منه القوة.
العدات تكون من 5 إلى 7. الوزن أقصى شيء أو قريب من أقصى وزن أقدر أشيله. الجولة الأولى تكون قريب من الفشل العضلي بعدة أو عدتين. الجولة الثانية الفشل العضلي الكامل, وتكون من 5 إلى 7 عدات بحد أقصى.
الأسبوع الثاني: الهدف منه البناء العضلي.
العدات تكون من 6 إلى 9 عدات. الوزن يكون أقل من أقصى وزن أقدر أشيله بحيث أوصل مدى العدات المستهدف (من 6 إل 9). الجولة الأولى تكون قريب من الفشل العضلي من عدة إلى عدتين. الجولة الثانية الفشل العضلي الكامل.
الأسبوع الثالث: الهدف منه تقليل الإرهاق والاستشفاء بشكل ممتاز.
العدات تكون من 8 إلى 12. الوزن يكون أخف بحيث أقدر أوصل 8 عدات بحد أدنى. نفس قبل, الجولة الأولى قريب من الفشل, والثالثة فشل كامل تقريبًا.
هذا الجدول يناسبني لأن ما أقدر ألتزم بالأكل بشكل جيد من ناحية كمية البروتين. وتقريبًا أغلب التمارين تكون نفس العدات, لكن فيه تمارين يفضل يكون عدات أكثر زي البطات والبطن, والأكتاف. الأسبوع الرابع تنعاد نفس السايكل, وهكذا.
الجدول:
اليوم الأول:
Dumbbell chest press, Chest fly machine, Machine shoulder press, Leg Raises (Abs), Standing calves raises.
اليوم الثاني:
High stance leg press, Lat pulldown, Upper back machine, Forearm extensors, Standing calves raises.
اليوم الثالث:
Bicep curl machine, Bayesian cable curl, Triceps rope pushdown, Overhead triceps extension, Lateral raise machine
اليوم الرابع: راحة.
اليوم الخامس:
Lower chest cable, Dumbbell chest press (أخف من اليوم الأول), Standing calves raises, Leg extensions machine, Ab crunch machine
اليوم السادس:
Lat pulldown (مسكة مختلفة), Reverse preacher curl, Upper back machine, Forearm flexors, Triceps rope pushdown
اليوم السابع: راحة.
اخواني/اخواتي الكوتشات انا بديت انظم اكلي وتاركه السكريات وقاعده قد ما اقدر انو ما الخبط بالاكل واكل قد سعراتي لي اسبوع ونص تقريًبا
، الشاهد انو طول هالمده احس انه طاقتيي صفر حرفيًا تجاه كل شي ، جسمي يعورني ودايخه وكل امراض الدنيا فيني ، والصدق انو اكلي كويس ما احس انه هوا سبب او سوء تغذيه
طمنوني هل وضعي طبيعي والبدايات كذا ولا ايش السالفه ؟