للأمانة خبرتي مو مرة بالبروتين بارز ماجربت كثير، لكن بناءً عاللي جربتهم كلها تغصبتها وأنا شوي وأبكي من السوء والطعم بس عشان قيمتها
هذا بالصدفة جربته بالنادي وكنت ميته جوع وشريته، مدري اثار الجوع او هو للدرجة ذي لذيذ! مافيه طعمة البروتين السيئة اللي ذقتها بالباقي وانصدمت صراحة، فكرت اطلب منه، قد جربتوه؟
انا اروح يومين/بعدين بريك يوم/ بعدين يومين
وهكذا كل اسبوع
(مرات) اكون مالي طاقة او احس بتعب خفيف، وامدد البريك 1+
زي اليوم تكرمون من صحيت معي امساك و شد عضلي بالمستقيم<وفقًا لتشات چبت ولاعراضي، والقولون شغال معه مغص خفيف بس مزعج، معي حق اسحب عالنادي؟ ولا العكس لو اروح اتمرن راح اتحسّن؟
واكلي زي ماهو كل يوم! وبالعكس كشخص بدا يتمرن من شهرين تحسّن معي القولون والانتفاخ والامساك، بس مدري وش فيني اليوم؟
انا مدري تحدي المكسات بدأ ولا
بس حابه استفتح التحدي
والقادم افضل ترقبوووووووني
#توصياتي
انا رحت اشيك الغدة والجرثومة ظنًّا مني ان نفسيتي مرتبطة فيهم بحكم القولون من سنين لاعب فيني وانتفاخات، نتايج الغدة مبدئيًا سليمة والفيتامينات بس باقي نتيجة اختبار الجرثومة
لكن من كم شهر بديت أفكر اخذ حبوب السيبرالكس بعد ماكنت ضد أي شيء يوخذ عن طريق الفم، فيه تجارب حمستني وناس على العكس
انا من ٤ سنين تقريبًا بدأ معي قلق مزمن وخوف متمركز بالبطن، اعجز اني استمتع بيومي بابسط الاشياء زي ماكنت، يترقع وضعي فترة بعدين يرجع القلق اسوأ ومع نوبات هلع وبكاء
من اربع سنين متجاهلة هالشي على اساس مشكلة بسيطة وفترة وبتروح لين ماطول الموضوع، عندي مشكلة بالكلام مع ان اكثر من مرة اختي تقول روحي لاستشاري بس متعودة افضفض لنفسي مدري كيف اشرح، قد جربت جلسة وحدة فقط ومدري الموضوع السلوكي ينسيني فترة ويرجعني
واعرف مو المفروض انا اختار العلاج بس حابه اعرف تجاربكم
كنت بعيادة لها اكثر من قسم من ضمنها تخاطب أطفال وقسم نفسية وعلاج طبيعي
خلصت ونزلت تحت انتظر السيارة
وجيت بطلع الا يخالفني اب وهو داخل مع ولدين الكبير ٥ سنين بالكثير والثاني اصغر منه بسنة يمكن
لابسين نظارات واشكالهم بريئة بريئة
على دخلتهم الا ويرفس الابو ولده ابو خمس سنين ويطيح بالارض ويعطيه ضربه على راسه ويتفل، تعرفوا ضربة الحرّه؟ لما تروح اعصاب الام والاب وتجي ذيك النزره؟
مع ذلك مر مبرر، الولد وهو يبكي وحاط عينه بعيني شفت كسرة شخصيته والله
وفهمت انه سوا كذا عشان الولد طلب الجوال
وضغط المصعد واسمعه يقول يلا انت وادمان الجوال قول للدكتور فوق عن الجوال
يكلمه وكأنه شخص بالغ، واللي فهمته انه جاي لموعد عيادة نفسية
لأنه يعرف يتكلم عادي والعيادة فيها تخاطب ونفسية فقط
ومستحيل الاب يعترف انه يضربه وكاسر شخصيته
يعني تفضل يادكتور عالج ولدي بس السبب الاكبر ترى انا
لأن واضح جدًا ضعف شخصية الطفل من نظراته خوف خوف من ابوه، وجاته الرفسة وهو مو منتبه وجلس يشاهق
واضح فيه شي مو عاجبه بشخصية اطفاله بس كيف جايبهم تعالجهم وانت كذا اسلوبك؟ تحسب بيتغير شيء؟
ياناس كل ما اتذكر الموقف تدمع عيوني، ودي اني رجعت وتفلت بوجهه بس كنت مستعجلة عشان اخوي برا والاب متهجم وحار بزيادة
حسبي الله على كل ام واب ينجبون وهم غير مؤهلين للتربية
يتسببون بتربية شخصيات مهزوزة ومكسورة بعدين يشكون منهم
هذي كوتش معروفة بتويتر يمكن مرت عليكم وماشاءالله يعني ملمه وفاهمة ودايم تصحح المعلومات المغلوطة ويعني ماشاءالله عليها، كان من زمان خاطري اشترك معها وخذيت باقة رياضة ومعه كان تغذية
انا وزني ٩٤ طيب؟ طولي ١٥٩
نشاطي خامل جدا بس هالشهر تمرنت اسبوعين بالنادي ووقتها كنت امشي يوميا من ٦-٨ الاف خطوة
بعدين عطبت ظهري من سوء تمريني وريحت فوق الاسبوع وزيادة
لازال نشاطي كسل من قبل اتمرن وحتى مع التمرين باقي اليوم بالسرير للامانة وكنت اسكب بعض التمارين اللي استصعبها لين ماسحبت عالنادي وقررت اخذ جدول خاص تو
اعرف احسب سعراتي واللي اعرفه ان ثباتي 1965
لكن هذي الكوتش صدمتني لما قالت ثباتك 2800 وعطتني تنشيف 1965 :/ قلت لها حتى بعز مستوى نشاطي ماوصل ثباتي 2800 كيف كذا؟ قالت وزنك عالي ومدري وش ولاتتوقعين نظام تجويع وكذا
انا فاهمة موضوع العجز بس ابي استوعب كيف هي سوت الحسبة؟ لان هي عطتني ٣ خيارات تنشيف/اعادة تشكيل/وتضخيم طبعًا
وانا ابي تنشيف ومحافظة لاني ادري ان فيه عجز، بينما اعادة التشكيل فيه خسارة وبناء وسعرات ثبات وهي موضحة برضو هالنقطة
لان اللي اعرفه المبتدئ مفروض ياخذ سعرات ثباته كشخص خامل صح؟ وينقص بعد فترة يغيرها؟ لان احسها حسبت سعرات ثباتي بناءً على (نشاطي القادم اللي مابعد ابدأ فيه) واللي هو ٤ ايام مقاومة وخطوات ٨-١٠ الف
انتم وش رايكم؟🥰 لاني قد اكون فاهمة غلط او مدري
هل يعني وزني قليل اللي ارفعه؟ ولا الاحساس طبيعي؟
احاول قد ما اقدر اركز بالتكنيك واخذ وقتي بس مرات احس بشي غلط رغم ان تنكسر رقبتي وانا اشوف نفسي بالمرايا عشان اتأكد ان وضعيتي صح بس اهخ
صح اني اصحى اليوم الثاني احس بعضلاتي بس مدري
مبتدئة*
السلام عليكم، انا بنت ووزني عالي وهالشيء سبب لي مشكلة بالركبة وكشفت وسويت رنين وقال معي (تشققات بزجاجة الركبة) وبمعنى ثاني هي اتوقع بداية خشونة
سويت علاج طبيعي (هالكلام صار له سنة بالضبط)
الدكتور قال لي احتاج انزل وزني وبديهي لاني حاسه انه السبب ايضًا وجّهني على الشوز حقي وقال غلط تلبسين مسطح، فعلًا تغيرت بشكل كبيييييير لما غيرت الجزمة تكرمون خف الألم والاحتكاك اللي كنت احس فيه
وللاسف لعلّي اجلت موضوع الوزن ولكن خلاص الآن عزّمت
اشتركت بالنادي لاني ابي انزل وزني بكل صحة وبدون خسارة اي عضل ولأن وراي مشوار شبه طويل ابي انزل بطريقة صحيحة
ولي فترة حايسة احاول ارتب جدولي، اعرف مبدئيًا ان كم تمرين ممنوع لركبتي حاليًا، وأن الافضل بدون وزن وبدون اي شي فيه ثني للركبة بزاوية تسعين زي leg press والسكوات وغيرها
سؤالي هو لو خطتي تمرين ٤ ايام بينها يوم راحة وعلوي سفلي
هل عادي اتمرن العلوي بـ وزن والسفلي بوزن الجسم؟
هل هالشيء راح يمكنّني من بناء العضل بالسفلي؟ بحكم ان راح يكون بوزن الجسم فقط
لأن من خلال بحثي ان مفروض اقوي عضلات الافخاذ لمدة بعدين ابدأ ادخل وزن
اذا احد يقدر يفيدني بجدول تكفون لاتقصرون😢، لأني كل مرة اكتشف غلط ومفروض مانجمع تمرين مع تمرين وماعرف ايش
ولو تعرفون كوتش خبير/ة باعداد جدول للي عندهم مشاكل علموني، سبق وكلمت كوتش كنت باخذ منها جدول ولما علمتها عن مشكلتي قالت اخذي استشارة مع شريكتي دكتورة عشان على اساسها اعرف ايش اسوي لك جدول ومن غير الاستشارة لازم اخذ جلسات علاج طبيعي ب٤٠٠ تقريبًا من غير سعر جدول الرياضة، قلت اسمحي لي انا لو عندي المادة مارحت سويت علاج طبيعي بالحكومة ليش ادفع لك الريدي سويت، ورفضت تسوي لي وقلت الله يستر عليك
السلام عليكم، محتارررره جدًا لأني شخص ملول
بنفس الوقت من شهور ادور الارضية المثالية لغرفتي
في بيتنا القديم او غرفتي الحالية بالاحرى حاطه باركيه بني خشب صريح، وطفشت منه سريع رغم انه حلو
وبيتنا قرب يخلص وقروشت اهلي مابي احط شي واندم عليه
ماودي اعيد الباركيه لان رغم اني ماخذه افضل جودة سابقًا ايقنت مايناسب بيئتنا والحر وقروشة اخاف ينكب عليه شي والصوت مزعج😅
وكبلاط عادي سادة هو اريح اكيد بالتنظيف بس ماشفت شي يلفتني بصريًا ويجذب، ومن ناحية ثانية شفت ان فيه نوع بورسلان بلاط شكل باركيه بس برضو محتاره باللون يكون فاتح مرة او غامق مرة او باهت او انه يصير مخيب للامال لما يصفونه واتحسف
لذلك انيروني لو عندكم تجارب وخيارات موفقة او احد مصور شي عاجبه
+كنوافذ شبه كبيرة الافضل ابيض ولا اسود تكون؟
وزني ٩٤ وطولي ١٥٩
ركبتي ضعيفة وعزّمت هالمرة انزل وزن واهتم بعضلاتي
السؤال هو عشان احسب سعرات ثباتي اللي على اساسها اسوي منها عجز
وش احط اذا انا شخص خامل جدًا
لكن راح ابدأ مقاومة خفيفة ٤ ايام بالاسبوع؟ (بدون كارديو مايناسبني ويرفع الكرتزول)
وش يعتبر نشاطي؟ light activity?
ايضًا هل هذا كفيل بالحفاظ على عضلاتي من دون ترهل لأن ماودي اخسر عضل كثير ومتخوفه من هالشيء
غير السكوات وش تنصحوني ابتعد عنه بالنسبة لركبتي؟ (الدكتور قال عندي تشققات في زجاجة الركبة وقد سويت جلسات طبيعية قبل نص سنة)
عندي جدول مسبق من كوتش علوي سفلي 2/2
بس لو عندكم جدول تنصحوني فيه انيروني، يعني مبدئيًا لين اقوي عضلاتي واوصل نصف هدفي بعدين اغير جدولي
(ماقد تمرنت)
بس مختصر الموضوع هل اي جدول كفيل بانه يحافظ على عضلاتي بحيث ما اخسرها؟
ايضضضضضضًا*** وفقًا لوزني مفروض اكل 130+ بروتين وكثير كثير علي
وانا ما اكل كثير بيومي اصلا مجموع اكلي يوصل ١٢٠٠ سعره وزني اغلبه سوايل
لذلك هل اقدر اكتفي في بروتين ٩٠-١٠٠؟
شاكره لكم
السلام عليكم، بحاول اختصر
شريت في ٢٠١٧ ماك بوك اير نسخة 2017
كان توب التوب معاي، قبل سنتين او اكثر انكب عليه مويه ولسا شغال معاي لين سنة ونص وبدا يخبط وصار يشتغل بدون شاشة فقط سوداء وحتى لمبة التفاحة الخلفية والكيبورد كل شي طافي،
وديته اكثر من محل محلات صيانة عشوائية اقل شي حصلته تصليح ٩٠٠ وقالوا مانضمن لك بعد
وديته محل Aleph تابع لأبل وعطوني الطامة اللي نوعًا ما متوقعتها المحل قالوا حصلنا فيها بقايا سوايل ويبي لك شاشة 1920 ريال مع خصم الفحص 1730 وشيء زي كذا، كنت متعلقه بالجهاز واحس يمدي يعيش معي اكثر وكنت على وشك ادفع اقساط الصيانة لين مادروا اهلي وقعدوا يهاوشوني صاحية انتي😔 وان اشتري جهاز جديد اصرف وفكرت فيها بس كنت ابي هالجهاز مرة
لذذذذلك سيادتي سادتي، للي عندهم خبرة انيروني، بالمختصر بقولكم استعمالي يومي اتابع افلام مسلسلات يوميًا واحمل والوورد وإلخ، بس يعني استهلاكي يومي
وما اعرف عن اي شي نزل بعد جهازي، وش تنصحوني لو اخذ جديد؟
لاني حابه الماك بوك صراحة ولا لي اي نيّة اغير لشركات اخرى
كنت ابحث عن صب انميز وطلع لي هذا
ومدري يعني مسمووووح ولا لازم اكون مصرية؟😛
من الآخر انا شخص ما اتابع انمي كثير، بس اعشق استديو جيبلي هذا حدّي
المود مؤخرًا so low 👎🏻 وحاسه بخاطري سلسلة انمي سلايس اوف لايف بس منعشه بتفاصيلها، تعرفون كيف بعض المشاهد بأفلام جيبلي منعشه لو نقتص منها الجزء الاكشن او المغامرة؟
ابي كذا، ناهيكم عن اني شخص ماله خبرة بالانمي سو تقدرون تعطوني اقدم اقتراحاتكم حتى
مو بالضرورة يكون سلايس اوف لايف صريح لامانع من الاحداث بس ابي شيء يخليني احب الحياة وينسيني شويه في بالي هالجنرا♥️
*ملاحظة: ما احب الكوميدي مرة
تو دفعت آخر ٢٠٠ عندي العصر وكنت ناوية احتفظ فيها لين نهاية الشهر بس انحديت على شيء خارج عن يدي، ومن وقتها وضايق صدري
احاول قد ما اقدر ما اربط نفسيتي بالفلوس، لكن كل ما اتذكر شعور وقت ماتتحول لي فلوس اغير رايي، الحمدلله على جميع نِعم ربي
ولكن، طفشت من العطالة ومدينتي فرص الوظايف فيها شحذة، مع ذلك قدمت على حتى الأشياء اللي ما افضلها كجهة عمل، بس الموضوع وصل من تفضيلات الى.. اي شيء يلهيني عن هالروتين القاتل والتصفير بالحسابات
ايضًا، احد حل مشكلته بحافز من حيث ان دخل الاسرة مايوافق اني استلم منهم مكافأة شهرية؟ يعني احد يقول لي ايش علاقة راتب والدي كشخص متقاعد وعنده التزامات، فيني أنا شخصيًا كشخص باحث عن عمل؟ يعني اسم البرنامج اعانة البحث عن عمل
اعيوننا طيب(؟)
طوّلت السالفة، مرة جربت اكون مسوّقة لمتجر واستلمت ١٠٠ بشهر ومدري المبلغ طبيعي ولا (الكلام في ٢٠٢١) وجاء على بالي أشياء كذا منها الهي نفسي واكسب أي شيء
ما اقتراحاتكم؟
اتصل قبل شوي على رقم من الهند اول مرة مارديت ثاني مرة مادري ليش رديت؟
اول مارديت سمعت صوت تسجيل تشبه رنّة تسجيل الفديو
وقفلت على طول
وبدت الوسوسة عندي
هل ممكن يتهكر جوالي او بياناتي لمجرد اني رديت فقط؟