اللهم صل وسلم وزد وبارك على محمد وآله وصحبه أجمعين
يا اخوان كنت اعرف شخص أمه ماشاء الله ورثت أرض وراحت تسجلها بإسمها و زوجها اللي موديها أبو ذا الشخص يعني
المهم طول الطريق يقولها أغار على اسمك يعرفوه الرجال يا فلانه انتي حطي اسمي بس ترا الأرض ما زالت حقتك 🙂
المهم انسحب على ذا الكلام الغبي وحطتها بإسمها لأنها حقتها
امي تقول يوم كان عمرها 17/18 طلعت بيت خالتها والي كان 5 دقايق مشي من بيت جدي وكان وقت مغرب، خلاص خلصوا ورجعت على بعد العشاء حولها، المهم مالكم بالطويلة وهي تمشي وكان على ايامها يعني الانوار لك عليها طلعت لها وحده امي تقولي مفصخه مافي قطعة ملابس وجت عليها تركض، وامي جتها ام الركب ماقدرت تتحرك 😂، تقول كل شي صار بثواني جا باص مسررع وقف بين امي وبين البنت وكان يقول بسرعه بسرعه ونزلوا رجالين وشلوها وركبوها.
عطونا استنتاجاتكم هل هم خاطفينها ولا هذي مجنونة وكانوا قاعدين يدورونها؟
تتوقعون شسالفتها
انا لي يومين اكلم اثنين من اخوياي اطلع معهم بما ان اخوياي اللي موجودين حالياً في مدينتي ثلاثه والثالث كل يوم اطلع معه فكنت ابي هذولي الاثنين يطلعون معنا لاني احبهم (خويي الثالث مو متقبلهم بس ساكت عشاني ) فاليوم قدرت اطلع معهم وخططنا نجتمع بمكان ونطلع بسياره وحده ، فهم كانوا يبون يمرون خويي الثالث عشان بيتي انا بعيد لكن كلمتهم وانا بالطريق قلت لهم انا اقدر اخذه هو بطريقي قالوا تمام( انا معلمهم مقدر ارجعه بيته معي لان بيتي بعيد في العزيزيه وهم كلهم بيوتهم قريبه من بعض ) فبعد ما اخذته وتجمعنا بمكان واحد تعرفون يعني حركات العيال بالسيارات قعدنا نطقطق ونزر بوجيه بعض فجاة هم قالوا ان خوينا اللي بلندن رجع ودق علينا ( كلنا ماندري صدمنا ) فتحمسنا وقالوا بنروح نجيبه فقعدنا ننتظر انا وخويي الثالث بالسياره يوم اخذوه الا اشوفهم يصورون وبطريق ثاني كلمتهم قالوا روحوا الهامفون ( مكان فيه بر )اسبقونا بنروح نعشيه انه رجع وكذا قلنا لهم تمام لا تطولون ورحنا نجدول بالحزام انا وخوبي الثالث ( الكلام هذا الساعه ٩ )بعد فتره نص ساعه دقيت عليهم اشوف وش وضعهم يقعدون يقفلون بوجهي وانا انغثيت بعدها رد علي وقال بنتعشى نتعشى وقفل بوجهي وانقهرت وسحبنا عليهم نكمل نجدول ننتظرهم فجاة اشوفهم الا يصورون بمكان بععيد عننا ودقيت عليهم وزعلت كذا قالوا خوينا اللي رجع من لندن فال لنا نروح هناك وبتعشى الحين فلت تمام وانا معصب بشوف نهايتها فكملنا نجدول شوي انا وخويي ورحنا الهافمون ادق عليهم ما يردون ويقفلون بوجهيي يوم ردوا بعد ما عصبت قالوا طلع مقفل المطعم وحنا بالخبر فصل عليهم خويي وخلاهم يفتحون موقهم طلع بالدمام للحين!! فصلنا عليهم قالوا خلاص بنيجكم الحين ( هذا الساعه ١٢تخيلوا!!)فبعدها بشوي خويي قال انا احتاج امشي قريب وانا ما اقدر ارجعه فقلنا نكلمهم وما يردون بعد ، ويوم ارسلت له بالخاص انه تعالوا رجعوه طيب علي الاقل قال انت جبته انت رجعه مالي دخل !! وانا ادق عليهم واااافصل لانهم فشلوني قدام خويي وانا كنت امدحهم وهو يقول والله ماهم زينيين ابعد عنهم حتى الطلعه كان يقول ماني مرتاح لهم ياولد ، وتخيلوا قالوا خلاص بنجيه بس بعد ما نخلص اكل ويضحون خويي زعل وطلب اوبر وانا ماعاد لي وجه عنده وانا كنت امدحهم عنده طبعاً بلكتهم كلهم ما اهتم فيهم ولا احتاجهم لكنهم كانو اخوياي لفتره طويله وتضايقت بالحيل وتفشلت منهم
للي مو عارف انا عندي اخو للحين ما فهمت وش مشكلته بالضبط مع الناس
هو مو قليل ادب ولا يرفع صوته على احد بس عنده قدرة غريبة انه ياخذ موقف طبيعي جدا ويخليه محرج بشكل مو طبيعي
مره كنا في زواج واحد من الاقارب وكل الناس يسلمون على بعض ويتكلمون عادي
جاء واحد من كبار السن وسلم على اخوي وقال له ما شاء الله كبرت
اخوي قال له
وانت بعد كبرت
وسكت
الرجال ضحك وقال الله يسعدك
اخوي قال لا والله اقصد فعلا شكلك كبرت
انا سحبته من يده وقلت له اسكت
قال لي وش قلت غلط
ومره كنا في مجلس وكان واحد يتكلم عن ولده ويقول انه توظف قريب
اخوي قال له
ايه شفناه
قال الرجال وين
قال اخوي يوم كان يشتغل بالمحل الفلاني قبل الوظيفة
قال له ايه
قال اخوي يعني للحين ما لقى وظيفة الا ذيك
الرجال سكت وقال الله يكتب له الخير
اخوي قال امين
وبعدها كمل شاهي كأنه ما صار شي
ومره رحنا بيت واحد من الاقارب وكان فيه ولد صغير توه راجع من المدرسة
ابوه قالت له سلم على خوالك
قام سلم على الجميع
اخوي قال له
انت ليه ما تسلم من نفسك لازم ابوك يقول لك
الولد قال مدري
قال له اجل تعود
ابوه ضحك ضحكة مجاملة بس واضح انه انحرج
ومره في مجلس كان واحد يتكلم عن ولده ويقول انه دخل الجامعة
اخوي قال له
وش تخصصه
قال هندسة
قال اخوي
طيب ليه شكله مو مهندس
قلت له وش يعني شكل مهندس
قال ما ادري بس مو كذا
ومره كنا في استراحة وجاء واحد متأخر وقال السلام عليكم
الجميع ردوا عليه
اخوي قال له
انت دايم تتاخر كذا
قال له احيانا
قال اخوي لا كثييييييير
ثم كمل جلسته
انا قلت له بعدين ليه تحرجه
قال لي
وش فيها اذا كان يتاخر
قلت له انت مو المشكلة انك قلت انه يتاخر المشكلة انك قلتها قدام الناس
قال لي
اجل وين اقولها
ومره كنا عند خوالي وكانت وحده من خالاتي تسال عن الزواج وتتكلم عن ان فلان خطب
اخوي كان جالس قريب ويسمع
فجأة قال
طيب هي وافقت عليه ولا اهلها وافقوا وهي ساكتة
الكل سكت
قلت له وش دخلك
قال انا اسال بس
ومره ثانية كان واحد من اقاربنا يمدح ولده ويقول ما شاء الله عليه هادي ومحترم
اخوي قال
ايه هو هادي بس مو محترم
الرجال قال له ليه
قال اخوي
مره سلمت عليه وما رد
قال الرجال يمكن ما سمعك
قال اخوي لا كان يطالع فيني
هنا انا حرفيا تمنيت اني مو موجود
والاغرب انه بعد كل موقف يسالني
ليش الناس زعلت
انا اشرح له الموقف عشر دقايق وفي النهاية يقول
طيب بس انا كلامي صح
وهذي مشكلته فعلا
هو غالبا ما يكون غلطان في المعلومة نفسها
الغلط انه ما يعرف متى تنقال ومتى تنسكت عنها
وصرت قبل اي مناسبة اقوله تكفى لا تعلق على احد ولا تسال اسئلة شخصية ولا تقول ملاحظاتك بصوت عالي
ويقول لي
طيب وش اسوي اجل
اجلس ساكت
اقول له ايه
يقول
هذا مو طبيعي
على طاري الجداول وتسجيلها تذكرت سالفتي المحزنة كنت مداومه وماسكه طابور وبالعله اخذت رقم وبعدها قالو الي معه رقم يدخل القاعة والصدق كان فيه زحمه مره وحر بعد ما دخلت تذكرت ان بظهر القاعه الكافيتريا موجوده يوم رحت اشري لي مويا وقهوه قررت اني اخذ كمية مويا واحطها على الطاولة الكبيره الي بالقاعة وفعلاً هذا الي سويته والبنات ما قصرو وسمعت كلام حلو ودعوات حلوه المهم بعد ما طلعت من القاعة عشان اشوف وين وصلوا بالارقام اول ما طلعت الباب سكر وراي بسرعه لدرجه ما كان يمدي تتحرك من ايطار الباب ومدري ليش كنت ماسكته وانا طالعه الا واصابعي تنفرم من قوه الالم ما عرفت وش اسوي قعدت امشي الى ما دخلت الحمام وانا انطنط وانفض يدي وشافتني بنت قعد تسمي علي وكنت اقولها لا عادي بس الباب سكر علي وانا مكتومه والمحزن اكثر رجعت مع تطبيق توصيل وسيارته بدون تظليل والشمس صاكه وجهي وفوق ذلك ناسيه سماعتي و نظاراتي الشمسيه وابي ابكي بس عجزت وهو حاط أغاني اجنبيه الي محد يسمعها كان اطول مشوار صعب علي وفوق كل ذا كانت ناقصتني ماده ما سجلوها لي
في الشهر الرابع من سنه 2024 أجاني خبر وفاه عمي في الساعه ال9:35 صباحاً ، فقت من نومي فتحت جوالي طلعت من غرفتي ورحت على المطبخ وأنا مافي براسي غير شو بدي أفطر أجت أختي الصغيره لعندي وأخدتني على جنب وحكتلي رح أحكيلك شغله بس بدي ياك ما تنفعل حكتلي مجد عمي عطاك عُمرّه وهاي كانت أثقل كلمات سمعتها خلال حياتي كُلها أنا من صدمتي رجعت على غرفتي وقفلت على نفسي الباب وقاعد على الكنبه أحاول أستوعب الخبر يلي سمعته وما طلعت من غرفتي لحتى سمعت صوت طرق على باب البيت رحت فتحت الباب ولقيت أبن عمي الصغير بوجهي أستأذن و فات على البيت وراح على الغرفه يلي فيها التلفون الأرضي لمين يعرفه فتح السماعه "الو اي نعم شو بدك؟ " وبعدها تجمد شوي وراح يركد وهو يبكي و ومخبي وجهه جمب الحيط وأنا أنده عليه تعال أحمد تعال شو فيه بس ولا كأنو سامعني فا ما كان فيني غير إني ألحقه على بيتهم يلي كان فاضي ولقيته متسطح على الأرض وقاعد يبكي وصوته وهو يبكي لهلأ أسمعه وأنا قاعد أكتب هذا الكلام ، و حاولت أقول كل شي فيني أقوله رغم أني كنت متحطم مثله لاكن ما كان فيني غير أني أضل قاعد جمبه لحتى نام وهو يبكي بعدها رحت على بيتي وبعد وقت أخدته على المشفى وصارت مراسم التكفين والدفن بدون ما تنزل دمعه وحده مني.
بعضكم ممكن يقول أنو أوه بل النهايه عمك يعني ، لأ هاد الشخص كان موجود بطفولتي أكثر من أبوي وبكل مراحل حياتي كان موجود وبل الأضافه أن المسافه بين بيتنا وبيتهم 3 أمتار كنت يومياً بحلول المغرب أروح على بيتهم وألعب مع أولاد عمي قدامه وكثير مرات كان يجمعنا مع بعض ويعطينا دروس بل الدين ، وبل الأضافه أن كنت أشوف هاد الشخص يومياً في الحاره وأنا طالع من بيتي وهو ماسك أيد إبنه الصغير ورايح على الصلاه وكل ما يشوفني يوقفني ويمزح معي بعض المزاح أفهمه وبعضه لأ لاكني حتى لو ما فهمت بعضو لاكني أتمنى أسمعو مرا أخيره فقط منه.
وهاي المعزّه يلي خلت وفاته إشي عقلي ما بتقبله لهلأ وكل ما أتذكره أقول لنفسي مستحيل هاد الشخص ميت مع أني كنت واقف قدام قبره يوم الدفن وتعرضت لكثير إنتقادات من أهلي بأني عديم مشاعر وما بقدر الحب يلي كان يحبني ياه عمي وأني ما بكيت عليه وأني واحد قلبه متحجر رغم أني الشخص الوحيد يلي لسى يزور قبره بإنتظام بعد مرور سنتين ونصف من حادثه وفاته.
فا أنا منزل هاد البوست يخوان مشان تدعو لهاد الرجل الصالح المواظب على الصلاه بل الرحمه ربي يرحم موتَانا وموتاكم.
قد لا تصدق السالفه لكن فيه شخص كان يتابعني بتيك توك والولد جميل جميل ملامحه تجنن يعني ماقد وريت صورته بنت قالت يع عموما أضفته بسناب عشان اكحل عيني بس من سنه الولد كان يكلمني ويرسل لي ستريك بشكل مزعج وفوق كذا يدق ويعاتب ليه ما ترسلين ليه ما تتفاعلين مع الوقت صار يكتب لي رسايل طويله كلها مشاعر وعتاب وانا احبك وحنا ما بينا اي علاقه مستوعبين ؟ علاقتنا عباره عن انه هو يحبني ويرسل لي ويبادر ويعاتب كله من طرفه وانا مو ماخذته بجديه لاني ادري انه صغير باقي مارح نتزوج بس مخليته عندي ديكوريشن لين ما خلاص قفلت معي وسويت له بلوك من كل مكان ومرت فتره ونسيته إلا يجيني اتصال منه وارد يمكن آخر مره ارد على رقم غريب. قعد يتطمن وشلونك وشخبارك أضيفيني سناب و اعترف هنا فكرت بالايقو حقي قلت الولد جميل جدًا وميت علي ويبيني ليه المكابره ؟ عطيته وجه وليتني ما عطيت يا كمية الإزعاج والبثاره كل يوم الساعه ٥ الصباح يرسل لي صباح الخير ابي اشوفك اليوم. كانّه ما بحياتي إلا هو وكانّه واحد من اهلي من قوة الميانة يبي كل يوم يجي يشوفني واصرف ما يفهم واقول لا ما يفهم وأزبد ما يفهم ويكتب لي اشعار واني خلاص صرت حبيبته ومن غبائي لوكيشن سناب كان شغال طول الوقت وقلت عادي وشو اقصاها يعرف بيتنا وين وش بيسوي ؟ متخيلين اني يوم صرت ما ارد صار يوقف عند باب بيتنا؟ بالساعات ومعتبره شفت إذا مارديت يروح يداوم هناك ! ومعترف لي بعد من البجاحه يحسب ذا حب واني بنبسط عموما انا هنا جاني بانك أتاك قلت اسمعني ترا حنا مو متزوجين ولا اني احبك ولا ابيك ولا تقرب لي ف ياليت تهدي الميانه ولا بيجيك بلوك ثاني مابي أجرحك وادري انك تحبني بس تراك مهووس وما تعرف شخصيتي الحقيقية قاعد تتخيل افضل نسخه مني وعايش معها ياليت تصحصح لأنك قاعد تضغطني وتطفشني وما جبت طاري البيت عشان ما ابيه يعرف اني خايفه والصدق اني كنت ماخذه الموضوع طقطقة وهو كبير لدرجة صرت أشيل هم إذا طلعت أتلفت يمين يسار لا يكون يراقبني وحمدلله بعد ماجرحته اخيرا صار عنده كرامة وله فتره معد يرسل لي بس ليه كل ذا ليه سويت بنفسي كذا؟ الله اعلم للحين احاول افهمني
عندي صديقه نحب بعض مره وهي صديقتي والوحيده وانا صديقته
بكل مره نتفق نطلع تصير سالفه مثل اتهاوش مع اهلي او يمرض احد
او تصير مشاكل كبيره بشكل حرفي فوق راسي وهي كذلك
وش التتفسيرر ليه كذاا
مره من المرات جيت اخلص شغله لابوي وكان معطيني الجوال وقاعد اضبط وانا بنص التركيز كان يقول سويتها ؟ سويتها ؟ سويتها ؟ انت ماتعرف شكلك ماتعرف وانا كذا بنص الشغله
وحسيت اني تقروووشتتت لان الشغله بسيطه مايبيلها شي بس قاعد ادور شي وقلت له بصور مرتفع اصبر ياخييي بعدين سكت شوي وقال اصبر ياخي ؟ ههههههههههههههههههه الزبدة حاس ان تأنيب الضمير ماكلني اكل
ما كنت ابي اكتب السالفة لانها الصدق تحزن
المهم كـ العادة يوميا نطلع من [ مدينتنا ] 65 كيلوا بضبط نروح لقرية قريبة فيها مزرعتنا
في طريقنا في مسجد جديد و نضيف وله إمام وما شاء الله الله يجزاه خير الي بناه رهيبه
بعد المسجد ذا ب10 كيلوا في مسجد قديم مره للأسف ومافي احد يهتم فيه
كان الوقت الظهر انا واخوي و ابوي وقلنا يمدينا نصلي الظهر في المزرعه
تعدينا المسجد الأول بعدين قال ابوي لا خل نوقف و نصلي بس في المسجد الي قدام
وقفنا و المسجد مسكر فتحنا الباب إلا في ثنين اولاد احسهم اصغر مني ما ادري يمكن 16-17 نايمين
اولا ما دخلنا قام واحد منهم وطلع مع الباب الثاني رتب المكانا لي هم فيه الزاوية وجلس يرتب
كانوا مشغلين المكيف وهو مافي إلا مكيف واحد وثلاجة صغيرة و اشوف في الثلاجة في عصير و كانه باقي اكل
المهم دخلنا وصلينا الظهر وجو هم صلوا معنا بعد ولما خلصنا من الصلاة طلعوا من المسجد هم وراحوا دورات المياة كانهم يغسلون
ركبنا سيارتنا وقال اخوي شكلهم غريب ووضعهم غريب هل نبلغ عليهم احد
هنا ابوي قال يمكن استراحتهم قريبه هنا او شيء و اتكروا المشاكل بما انهم ما سووا شيء ولا سرقوا شيء خلهم ينامون عادي
مافي لا سيارة ولا شيء عندهم
لما رجعنا على المغرب وقف اخوي يبي يشوف هم موجودين او لا كان معنا ماء و فواكه ابوي قال عطوهم ونزلنا وحصلنا بس واحد الثاني ما ادري وين راح وحطينا الماء و الاكل بثلاجة
راح اخوي سولف مع الولد الي باقي و يقول رفض يجاوب يقول بس جالسين يصلون
ولما سأله وين اهله قال هنا قريب مع ان مافي قريب للمسجد اي مباني
احس بحزن عليهم ما اعرف هل هاربين من اهلهم او ايش قصتهم الفضول يقتلني
الصراحه ماذكر قد رحت له بحياتي المهم قالي عندك ملف قلت مدري وعطيته هويتي وطلع فيه
واخر زيارة جيت عام 1425يوم كنت نونو يووه حتى الاستقبال تأثر مدري شلون اشرح بس احس يحزن
يوم من الايام كنت طالعه بركب سيارتي الا ويجوني ام وبنتها وقالو لي عادي تودينا النخيل مول قلت لهم طيب وركبو معاي
المهم وصلتهم قريب من بيتنا تقريباً ٧ دقايق كذا فقلت يابنت تكسبين اجر ومافكرت المهم توقعت بنزلهم واروح اكمل شغلي قالت الام انا بجلس معاك بالسياره وبنتي بتنزل المهم الام كانت غريبه نسيت وش سوت بالضبط بس كانت حركات مريبه وجت البنت بعد ١٠ دقايق كذا ما تأخرت وشاريه اشياء غريبه ورتها امها قدامي وبعدين قالو لي اوصلهم بيت جدتهم
الغريب انا ما اعرفهم ووديتهم كل ذي الاماكن احس كان مرشوش علي شيء
هو توقعت بنزلهم السوق وخلاص وترا بيتنا بكمباوند ف حسيت امان اكيد انهم ناس من الحي بس مو جيراننا
وبس يوم درت امي صفقتني هو افعل معروف واغرس فكره لا تيأس في الخير بنا فطرة
حمدالله ماصار لي شيء بس خلاص تبت من بعدها صرت متعجرفه واشك بالجميع
بخلص جزئية المذاكرة اللي علي بسرعة عشان الحق على ورق العنب اللي امي مسويته
سوينا حادث بنص الطريق و هم كانو ورانا في الاشاره و مشيو لان ما تعرف انها سيارتنا
المهم ما كنسلنا الطلعه بسبب الحادث قالت لي برجع لك و آخذك قلت طيب و رحنا كملنا طلعتنا بشكل طبيعي
مرا انبسطت معها ما اشوفها الا مره او مرتين في السنه كنت بزعل لو ما شفتها
شاوت اوت ل جوجو
وبس يعني انصحوا مجنونتكم
اول مادخلت الدوام سيدا على غرفه الاجتماعات وصراحه مالي دخل مجرد مستمع طال الحديث والكرسي ظهرة ينزل ف مريح ف حسيت بالاريحيه غمضت عيني الا مباله الي عندي عاليه زميلتي هزتني وخربت علي نومتي😔
في ناس يخربون عليك صفو راحتك
قعدت فوق ساعتين العب فيها وادخل مناجم واذبح وحوش وخرجت باحجار ممتازة والهدف اني اطور السيف القالاكسي مع سيف البسه والصدمه ان سيفي صار الداميج حقه 30 واول كل 110... وايش سويت ؟ قفلت اللعبه بدون لا احفظ وعدت اليوم بس فقدت الشغف.. حسبي الله ما فهمت لذي اللعبه
احسني خرابة بيوت ، زوجة اخوي زعلانه عشان اخوي يحول لي
عندي اخوان كثير ، بس واحد منهم متزوج، و هم كل فتره يحولون لي انا و اختي ،من غير لا نقول لهم كذا من نفسهم، مع انه الحمد لله ابوي الله يطول بعمره عايش و يصرف علينا و موظف بس هم كذا اخواني من نفسهم ، زوجة اخوي بعمرنا نطلع معها نتقهوى معها ، بس قبل فتره شافت انه اخوي يحول لي انا و اختي زعلت و جت تكلمني تقول ترا مو لازم انه (فلان) يحول لك كل شوي عمي موجود ! قلت لها انا ما اقول له هو من نفسه و ترا ماني بحاجه لو تبين قولي لزوجك مو لي و يوم قالت له تهاوشوا و قلت لاخوي خلاص لا تحول ترا ما يحتاج قال لا مو هي اللي تحدد على مين اصرف و انا مو مقصر معها
و هي الحين زعلانه احاول اقنع اخوي انه خلاص ترا مو لازم انا مو ميته على اللي بتحوله لي و هو معند يقول مو هي اللي تحدد مين اعطي و انا مو مقصر عليها ليه تحط عينها على غيرها
لي سنتين في جدة و بدخل الثالثة و لا زلت محافظ على لهجتي الام
اليوم كنت بين مجموعة شباب و لاحظت إني أربع مرات قلت دحين بمد النون ( دحينا )
و اوكي وش بعد
أحس الله يستر من الجاي
إن شاء الله ما اتغير بشكل كامل