u/Vina_10

مره رحت لدكتور نفسي ودفعت كشف وجلست انتظر لين يجي دوري وبعد ما دخلت بكيت وانتظرني لين اهدأ عشان اعرف اتكلم وفي الاخير ايش المشكله ؟؟؟ انه عندي اختبار و مالي نفس اذاكر حسيت وجهه يقول هذي ايش اقلها بالله 😂😂 حسيته يجيب كلام بالقوه

بقلكم على موقف ( ماادري تشوفونه بايخ ولا يضحك ) بس ساعات يضحكني لمن افتكره

مره كنت في بيت اختي مافي الا انا وهي وفجأه يدق الجرس اختي فتحت الباب طلعت ام زوجها وانا ماابغى اقابل احد مالي خلق انا جايه لأختي عشان طبيعي اخوات نمون وبقعد معاها المهم قررت بسرعه اندس ورا كنبه تحت الشباك ( الدريشه ) في المجلس ولكن للاسف ام زوجها دخلت المجلس لا وجات عند الشباك وانا حسيت اني تورط فا طلعت من ورا الكنبه وسلمت 🥲 المنظر غريب وانا طالعه فجأه من ورا كنب واسلم 😂 تركتها لتفسيراتها عاد تفهم زي ما تفهم كل مواقفي معاها سيئة مره فتحت عليها باب الحمام 🤣 ما عمر قابلتها بسلام لازم طعات

​

Has anyone tried the reverse translation method? Like, you read a (TL) text in your native language and try to rewrite it in the language you’re learning. Has anyone actually tried this?

Any Jews here with the paternal haplogroup E-M84? Where are you guys originally from, and are you Ashkenazi, Sephardi, or Mizrahi?

زي ما شفتو في العنوان هل الموضوع يستاهل ؟ طبعا تخصصي محاسبه

بحكيكم عن شغالتنا ( الرجيليه ) لأنها بتفقع مرارتي خلاص تخيلو يا جماعه احنا من الناس الي نخلي الشغاله على كيفها مثلا جوال ما نقلها ممنوع لا عادي اذا خلصتي شغل البيت خلاص براحتك عندك غرفتك وجوالك طبعا هي شغلها شغل بيت فقط ما تطبخ ولا شئ والبيت اساسا نظيف معظم الوقت لأن مافيه احد ولا فيه بزران ولا شئ يعني ما تعاني تطلب ملابس من شي ان اغراض لها براحتها مره ملكه متوجه في القصر اكل بنجيب من برا نخيرها المهممممم هي كانت بدون اقامه احنا عدلنا وضعها وصححناه وسوينا لها اقامه وراتبها 2000 جات من بلدها بعد ما تصحح وضعها جاتنا انسانه ثااااانيه صارت وقحه جدا جدا جدا ما تنظف الا بالطلب يعني لو قلناها رتبي تقوم فقط بالطلب والجوال 24 ساعه في اذنها وتتكلم بأعلى صوت يعني طز فيكم يا اهل البيت والجوال ما تتكلم فيه فغرفتها لا الي وهي تشتغل وتدور في البيت تتكلم بأعلى صوت طبعا هذا غير النفيخ مره قلتلها شغلي السخان قالت طيب بعد ساعه رحت لقيته مو مشغل قلتلها ليه ما شغلتيه قالت ( مانسيت لكن ما ابغى ) !!!! عرفتو الي يا أهل البيت انا لا أراكم شئ كذا تحط عينها فعينك يعني من الاخر ماخذه الوضع فندددق اتكلم جوال اتسدح على سرير وما اشتغل واخذ 2000 كل شهر كذا على بلاطه والحين هبتها الجديده انها تاكل اي شئ مو لها ولد اختي جايب علبه شوكلاته زي نوتيلا شطبت العلبه وهو لسع ما اكل منها شئ تفاجأ انها مشطبه احد شئ بالثلاجه معد احصله المهم باقي 4 شهور وتنتهي اقامتها انتظرها تعدي بفارغ الصبر عشان تنقلع من حياتنا المشكله احنا ما نكلمها نخاف ساط**رر هذا الي مخليني ما اهبدها وطبعا هذا غير الاجازات بحكم ان كانت تروح اجازه لأن مو على كفالتنا فا تقلك مره اروح اجازه تاخذلها اسبوع وتجي لا وتقول ابغى حق التوصيل انا معد اقدر اتحملها 🤯

افيدوني يا جماعه من وين تشترون لحم الستيك ( ني ) نظيف في جده ؟ وياليت في شمال جده

انا ماني عارفه الحاله او الوضع الي امر فيه ايش يسمى هل هو قنوط ولا يأس بس انا استغفرالله معد صار عندي يقين في الدعاء فكرة اني ادعي وألح مع الوقت عقلي صار معد يصدقها ( الإحساس هذا غصبن عني ) احس مو بيدي ماني قادره اتحكم في الفكره هذي يعني حتى لو قلت لا استغفرالله لا تقنطو من رحمة الله احس اقولها بس من داخلي فيه شعور يأس وعدم قناعه يعني بعض الاحسان لمن ادعي اسرح كذا مع نفسي واقول طيب الناس الي يمرون بحروب ودمار وفقر وعذاب ووو هم اكيد اكيد يدعون كل يوم وما زالو محلك سر ما تغير شئ فا ابطل اكمل دعاء وساعات لمن ادعي احس اني أكلم نفسي ويجيني شعور انه معقول قاعده اكلم نفسي والناس تكلم نفسها بالدعاء والحقيقه ان محد يسمعهم ( استغفراللللله ) او لمن احد يبرر موضوع فشل انه هذي حكمه من الله اتسائل هنا وين الحكمه بالموضوع احس رد ( لحكمه هو يعلمها ) تنقال كا تصريفه وتخدير برضو فا طريقة التفكير هذي صايره متمكنه مني احس جايني يأس من العبادات حتى فكرة الأجر ساعات اقول يمكن تكون فكره وهميه واقول الناس والمشايخ يقولون اصبرو والصبر والصبر وافكر اقول هذا كلام تخدير اجر صبر كلها مجرد تخ*دير لا أكثر طيب وصبرت وبعدين ؟ بعدين ولا شئ يعني احس اني صايره اخذ الدين بمنطقيه بزياده طالما ما مشي مع المنطق نفسيتي ما تتقبل انا للامانه ماهي عاجبتني طريقة تفكيري هذي لكن الحقيقه انها مو بيدي هي شعور داخلي كل شئ في الدين صايره اشوفه بنظرة مو منطق انا ماني ملحده ابدا ولا اتجرأ اعوذبالله ولا اتابعهم ولا اخذ بكلامهم حتى ولكن الشعور هذا داخلي مشاعري وعقلي غصبن عني اتمنى تكونون فهمتوني