r/ar_pics

ببداية الصورتين ما تتوقع ان فيه مطر والجو صافي بعد ، الصور كلها صوّرتهم أمس ما عدا آخر صورتين صوّرتهم قبل ساعة تقريباً

الصورة الأخيرة صوّرت شكل جبل لكنه بالحقيقة بركان 🌋 ، ناوي أتسلقه قريب ان شاءالله

السلام عليكم ورحمة الله وبركاته، صبحكم الله بالخير، وبعد،،،

الصور الأولى والثانية من السوق التراثي بحديقة الملك فهد ( رحمه الله )بالمدينة المنورة عام ٢٠١٦. كان السوق مكان جداً جميل وعريق ومليء بالمحلات الحرفية والأكلات الشعبية، وكان فيه أغراض أعتقد ترجع إلى ما قبل ٢٠٠ سنة.

الصورة الثالثة نباتات لطيفة عندي بالبيت

الصورة الرابعة عام ٢٠١٧ في باندونق بإندونيسيا لطائرة Boeing 737-200 مزودة بمحركات Pratt & Whitney JT8D، شكلها كانها استشوار وصوتها كانها ديناصور. (ما لحقت اسمعها بالواقع لأني مو مولود بالستينات)

الصور الخامسة والسادسة من عشوائيات طالب ثانوي عام ٢٠١٦ يستكشف إعدادات الإضاءة وسرعة غلق الشتر والـISO(نقدر نقول حساسية الضوء).

الصورة السابعة لمن قررت بطريق سفر وأنا نازل من السيارة ان شكل اللمبة عجبني وصورتها، لأن هذا شيء منطقي يسووه البشر. (أنا مو AI )

الصورة الثامنة لمن كان عندي ٢٠ قرام من محصول فيصل يونس من محمصة عبلة (محبين القهوة تراه محصول جميل بكل أمانة)
قررت أن أحاول أتفنن واسوي رسمة، واللي طلع معي مثل التعليق بالصورة.

نشكركم على وقتكم الثمين ومتابعة العشوائيات. ادعولي افضى اصور لأني حصلت كم مكان جميل بجده.

تعديل: أخطاء هجائية نعسانية. وصححت رقم المكينة من JT3D إلى JT8D. ممكن يكون فيه شخص ثاني يحب الطيران ويجلدني على هذا الخطأ الضخم.

المفروض اني رايح نيوزلندا وفيه ترانزيت في دبي، وصلت دبي والمفروض اني اكمل لنيوزلندا وفتحوا باب الطيارة جيت اعطيهم البوردنق عشان ادخل وانا معي اخوي فجأة وقفونا عشان يبون يسألون اخوي وانا وقفت معه احسب انهم يبوننا كلنا وانا اصلا جاي مع اخوي فلازم أوقف معه، اخر شي رفضوا ندخل عشان اخوي غلط في معلومات الفيزا، بس انا كنت اقدر اروح بس لأن طولنا في المكالمه تقفل الباب وموظف الجوازات صرفها وقال لانكم سوا رفضت حقتك معه، قدر الله وما شاء فعل، والحمدلله على كل حال، طلعنا لدبي وخذينا غرفه وكلمنا القنصلية، واللي وصلنا له الحين ان اخوي لازم يطلع فيزة زائر عاديه تقعد اسبوع ونص وانا عادي اقدر اطلع نفس الفيزا، وشكله بيقضيها لحاله وانا امشي قبله، الله يعديها على خير

نادر اصور الشروق بس هالصوره مميزه بالنسبه لي بوجود أمي معي

جودة كمرة قديمة وجميلة وهذي في شروق ياه دايما أقول أنام وفي اخير اراقب شروق

قريب تقريبا من شهر او شهرين بديت اتعلم تصوير لما لقيت كاميرة canon eos 700D من ١٠ سنين فالدرج ومنزمان ودي اتعلم تصوير وهذي تقريبا افضل صور صورتها

اللي احبها مره حقت السياره احس جوها كلاسيكي ودافي مع انه الجوده انخفضت شوي واللي فيها لوحة الصلاه على النبي جات زابطه بس الاثنين وقتها قريب المغرب جايين معتمين بس لهم جوهم، وحقت المحل مدري كيف زبطت الشجره مع الفريم وطلعت مره حلو والبحر اكيد دايم حلو فالصور وكودو احبه وطلعت الصوره حلوه والاخيره الوانها عجبتني

احب اي صوره اصورها احس لها طعم غير لنها اول مره اجرب الكاميرا بديت ادمن تلكاميرات ناويه اشتري كوداك fz55 ان شاءالله عشان الصدق كانون اللي معي كبيره وثقيله تجي فضيحه اذا ابغى اصور برا السياره