u/GuyWithPotential

أنا إنسان دايم على الوقت ولا اتأخر وهذا الشي الصراحة صار سلبي مب ايجابي، دايم اوصل اول واحد واقعد انتظر لين ما اطفش، في مره وصلت وجلست انتظر ساعتين!! متخلين ساعتين! العادة انتظر ٢٠-٣٠ د والصراحة حاولت اني اتأخر عساس اوزنها ولكن الناس تصدمني انها تقدر تتأخر اكثر مني!

والله الصدق شي متعب، صرت الحين أواعد الناس (حسب معرفتي بتأخير الشخص) قبل الوقت اللي انا ناوي اجي فيه، يعني مثلاً اقوله نتقابل ٧:٣٠ وانا ناوي اوصل ٧:٤٥-٨:٠٠

"كاتب هذا البوست وانا انتظر واحد صار لي ١٠ د واتوقع بيجي بعد ١٠ د زيادة"

ما أحب إذا رحت مكان واللي يشتغل ما يعرف عربي من الاساس، يعني حنا في وطن عربي ليش مرات اضطر إلى لغه اجنبيه عشان اعيش؟

الحمدلله الاغلب يعرف انقليزي ويقدر يرد بس أنا مرات أعاند لأن الحق لي، هذا بلدي أنا منب مسافر

مع اني اعترف إني إذا رحت مكان كشخه اتكلم انقليزي بس ما احب أسويها، وعارف إذا تكلمت عربي اللي قدامي يا ما يعرف يا بيكلمني ب اسوء عربي بالتاريخ وهذا يقهرني اكثر

طبعاً احاول دايم اني اكلم اللي يعرف عربي مكسر بلهجتي العامة، لأن اشوف العمال اللي يشتغلون مع شيّاب بالديار يعرفون عربي ازين من غيرهم، لأنهم اضطرّوا انهم يفهمون كلام شايب مب فاضي يكسر الكلام لهم