كيف القى صديقات أنا عمري ٢٣ ويوم كنت بالثانوي كان عندي قروب صديقات ومبسوطه معهم بس افترقوا آخر سنه وصاروا سلبيات جداً ،،، والجامعه الصراحه مجرد زميلات وكنت مركزه على الدراسه والحين تخرجت واحس بالوحده ابي بنات اطلع معهم وانبسط ومنها البس وأتكشخ ومدري كيف ،،، بالدوام احس مقدر أنا شغلي باداره الموارد البشرية فما اقدر أصادق احد لانه صعب
كيف القى صديقات؟
مدري ليه نابذينهم احسهم كارزمتك
تخيلوا صاحبي طول العمر تقريبا ١٦ سنة
واحنا ما يعدي يومين او ثلاثه الا وطالعين سوا
معنا قروب شباب بس ما يطلعوا كثرنا احنا الاثنين
يمكن مره بالاسبوع نجتمع
المهم انا وهالصاحب توظفنا من سنتين ومن يومها وانا ابي اضبط سفره معه
طفشت من من كل طلعاتنا مطاعم ولا فرفره بس
ومابي اسافر لحالي ابي احد معي
وكل مره اطلبه يعطيني عذر
لدرجه مره كان في واحد من هالقروب في المشتفى في منطقه بعيده شوي وقلت له خلنا نروح خط وخذ اجازه يوم واحد وتعال معي محمول مكفول قالي ما تنفع وتعب ومن هالاعذار
وفي مره في اجتماع الشباب كنا قاعدين واسمعه يسولف مع واحد عن حجزهم لرحله لاوروبا بعد كم شهر وخططهم وكذا والمشكله مو انهم يخططوا لا هم قدهم حاجزين ومرتبين وضعهم ولا احد منهم حتى فكر يسالني عن الموضوع حتى يوم ذكروا الموضوع جنبي
من ذاك اليوم عادلي سنتين ما كلمت احد فيهم ابد وهالقروب كامل مافي الا واحد سأل عني بعد ٨ شهور
حتى صاحبي ذاك ما سال عني
احب امي وشخصيتها عسل واللي بيعرفنا من بعيد بيحسدني عليها وفعلا انا احسدني على امي ان الله وهبني ام رائعه بس الجانب الاخر دايم احاول اسعى لرضاها وارتكب اخطاء جسيمه بحق نفسي عشان ترضى واشوفها تضحك لان ماتشوفني البنت اللي تطمح لها
بتقولون اكيد توسوسين وهذي خذاريق ابليس يبي يفرق بينكم لا ياعزائي من لما كنت صغيره كنت اشوف شخصيتها تتغير لما تلاقي بنات افضل مني مثل بنات خالتي الوسطى كانت تتحور لشخص ماعرفه من قوه اعجابها فيهم وثاني شي لما كبرنا برضو صادقت بنات خالتي الكبيره لانهم متزوجات لدرجه تغفر لزلاتهم عليها
ادري ادري بتقولون انتي تغارين على امك … يب كنت اتوقع كذا لين وصلت للعمر الكافي واكتشفت انها تعاقبني كوني اشبه لابوي شكل وشخصيه وبل بالعكس صارت تحط حرته فيني اليوم تاكدت لما شفتها تضحك مع اخواني بدون تكلف منهم وانا لي يومين احاول افتح موضوع معها وترد علي ببرود وتحاول تقفل السالفه بسرعه لا ومو بس كذا على الغداء اسألها متى اختي ترجع من المدرسه فجأة نفخت بوجهي وقالت مدري وهي ترص على اسنانها وبنفس الوقت كلمها اخوي صارت تضحك معه وتتفاعل بكل حب لسالفه اختي الثانيه … انا كذا قعدت مصدومه حسيت حب امي لي كان بدافع الشفقه او حب مشروط مدري والله بس اني انصدمت من اللي قاعد يصير حسيت كل هالسنوات تمثل علي انها تحبني …
غير كذا السنتين الاخيره بدت تردد كلمه ( انا منحده عليك ) هالكلام بالبدايه تجاهلته لان دايم تطلع منها هالكلمه وهي معصبه بس لا طلع فعلا منحده علي وهي في مرحله انتظار لين تلاقي مدري منهو وترميني هذا اللي اتوقعه يعني