كيف القى صديقات أنا عمري ٢٣ ويوم كنت بالثانوي كان عندي قروب صديقات ومبسوطه معهم بس افترقوا آخر سنه وصاروا سلبيات جداً ،،، والجامعه الصراحه مجرد زميلات وكنت مركزه على الدراسه والحين تخرجت واحس بالوحده ابي بنات اطلع معهم وانبسط ومنها البس وأتكشخ ومدري كيف ،،، بالدوام احس مقدر أنا شغلي باداره الموارد البشرية فما اقدر أصادق احد لانه صعب
كيف القى صديقات؟
ارجع من دوامي ٦ ما يمديني انام واصحى ٨ اتروش واكل واتابع والعب ، الجيم ماعاد يمديني اروح إلا الويكند او إذا طلعت من الدوام بدري مع انه نادر.
مرات ما انام المغرب بس اكون مرهقه طول الليل ويالله اكل ويالله اغسل وبس انسدح ما اسوي شيء.
واذا اخذت غفوه وصحيت ٨ ما يجيني نوم إلا ٣ الفجر وانا أقوم ٦ ونص فمافيه وقت انام
وانا احتاج انام لاني اداوم بدري مره وشغلي كثير وبس مع ناس
ابي انام وتعبت
Hey guys I got accepted in an internship at Bain and another one at oracle and I don’t know what to choose between them especially that my major and the department I will be working in as human resources management the departments are recruitment and Human resources operations, i’m really confused and I don’t know what to choose between them. If anyone has an experience please help me to choose the best , i’m a fresh grad and I’ve already done two internships.
\+ I’m in Saudi :)
لو جتكم فرصتين فرصة راتب عالي وفرصه عادي بس الفرق الشغل وفيه شغل تحبونه اكثر من الثاني وبشركة أحلامكم لكن الشركه الثانيه معطيتكم راتب حلو مره كبداية حديث تخرج وش تختارون؟
على الضجة الي أشوفها تحمست أشوف avengers doomsday هل يستاهل من الحين ابدء اتابع كل الأفلام لين ينزل؟
احسها كثيره ومدري ماحس بستمتع مع اني اتابع مارفل ولكن عشوائي
قبل سنه بالضبط كانت اول مره اكذب على اهلي بروح مكان واكون بمكان ثاني الزبده اني كنت خايفه بالبدايه بعدين صار الموضوع سهل لدرجة صرت اخطط لطلعات من دون علمهم وعاساس اني بمكان ثاني،، بدء الموضوع بعد قبل سنه و٤ شهور يوم امي هاوشتني وهزأتني كله لاني طلبتها بطله اتقهوى مع صديقتي امي وافقت ويوم الطلعه غيرت رأيها ورفضت بعدين خلتني اكنسل وقالت ليش كنسلتي عادي كان رحتي وقتها كانت نفسيتي مضغوطه وكانت افكاري سلبيه من جميع النواحي ويومها فكرت انه/ي حياتي لانه محد موجود ومحد مهتم لي ،،، بعدين استوعب ليش اسوي بنفسي كذا أنا استاهل افضل فبديت اخطط كيف اطلع على راحتي وصرت اقولهم بمكان وانا رايحه مكان ثاني لي سنه على ذا الوضع واحس ابي اوقف ابي اهلي يدرون ابي أعيش زي اي احد عايش طلعاتي المشكله كلها (سوق-سينما-قهوه-مطعم مع صديقاتي-مشي) بس اهلي لو دروا بيقولون وش موديك واكيد عندك بلاء.
أنا ما سويت شيء غلط أنا بس ابي اسوي الأشياء الي احبها زي اي احد طبيعي من دون محد يهاوشني ويحسسني بالذنب ويشك فيني. أنا بنت طول عمري شاطره بدراستي ما قد رفضت لاهلي طلب باره فيهم مهتمه بالبيت واخواني وحتى يوم تدربت وصارت تجيني ٣ الاف كنت أساعدهم بالمصاريف بالأخير لو ابي شيء لنفسي يزعلون واتكنسل🥹💔
قدمت استقالتي، وما اعرف وش بيخلون اختار سبب إنهاء العقد و وش بتكون الإجراءات؟
ابي اعرف هل فيه ضرر لي؟
أهلاً جميعاً صباحووو
أنا في ثالث يوم لي بثالث فرصه تدريب ، كلهم مدتهم ست شهور اللهم الفرق عنه وعن الي قبل انه فيه مميزات افضل.
المهم اني كنت متردده اقبل والتزم وانا قد تدربت ابي استقر احسني ادخل مكان اجتهد في الأخير مافيه توظيف عشان كذا جالسه احاول تدريب على الأقل مدته سنه عشان احس بشوية استقرار .
أنا الصدق متوتره شوي هذه شركة اجنبيه وخايفه من حاجز الثقافه لانه كل الي قبل كأنو كل الي معي سعوديين + احس مات فيني شغف البدايات والحماس والتعرف بس ابي اسوي شغلي وامشي 👩🏻💻
ابي احس زي شعور اول دوام لي كذا متحمسه وكل يوم امر اخذ قهوه وبعده اروح أتمشى الحين ارجع ٦ ونص البيت واجي بالمترو واكون ميته تعب لاني اصحى بدري احس فيني ضيقه لاني من تدريب لتدريب و ودي بوظيفه عشان تستاهل الالتزام 🥺🥺
افكر اغير روتيني واسوي روتين احس فيه بالراحه اني اعرف وش عندي باليوم وانا الصدق اني ماقد عطلت بديت اول تدريب بدري+ ثاني تدريب بعده بأسبوعين وثالث واحد بعده بعشرين يوم فما احسني عطلت زين وأحسني ضايعه بس اقول لنفسي دوري وظيفه وأنتي بمكان افضل من وأنتي ماعندك شيء
ادري طولت ودخلت مليون موضوع لكن متشدده واحس بالوحده والصدق ماعندي احد أفضفض له وما ودي انكد على اهلي 🫶🏻💗💗💗
اتمنى لكم يوم سعيد الأربعاء يومي المفضل بالأسبوع 💘💘
صايرة أحس بالخوف لأني أمر بجزء جديد من حياتي أول ما تخرجت على طول بديت التدريب التعاوني وجلست ست شهور وكان مرة حلو ويوم خلصت ما بغيت اكمل عندهم وجاتني فرصة تدريب ثانية بمكان حلو انتهيت الأسبوع اللي فات وللأسف ما توظفت والحين جالسة أبحث عن عمل عن أي تدريب لأني اكتشفت إني ما أحب اجلس في البيت وبس متوتره مرة فكرت آخذ ايليتس لأني أشوف أغلب الgdp تطلب إيليتس بحاول أذاكر اليوم واستمر و الله يوفقني الصدق شعور مرة جديد ومرة يخوف قبل كنت بس أقدم على الأشياء اللي نفس تخصصي بس الحين أقدم كل شيء لانه مو طبيعي كيف ما في توظيف يا رب وفقني و وفق كل اللي نفس حالتي.
اشتغلت بالتوظيف بجهتين وكنت متدربه عندهم كل الي اكتشفته ان الرزق بيد الله ولو ربي بيكتب لك الفرصه بتجيك بكل سهوله +خبرات الناس تختلف عن بعضها نصهم من بدايته توظف بجهه كبيره والبعض لا وكل واحد له مساره وفيه ناس استغرب كيف صاروا هنا ،، المهم انه الرزق بيد ربي وكل واحد له ظروفه و وقته زي كثير اشتكوا لي انههم تخرجوا وقت كورونا ومافيه توظيف فحزنوا بس ربي رزقهم حتى لو مكان صغير وطوروا انفسهم وطلعوا وفي بعض جرب اكثر من مسار وظيفي لين عرف وش ييي وهم لهم سنين متخرجين بس مو بسباق .
أنا متدربه في شركه ومبسوطه بقسمي ومديري حليل حتى يخليني اطلع ٣ لانه يعرف اني انجز واطور واشتغل، المهم نقلوني آخر ٣ شهور من تدريبي فرع ثاني للشركه والحمدلله انبسطت وارتحت والي تدربني بنت اكبر مني بسنه وكانت كووب وهي عندها ظرف فانشغلت المهم اول ما داومت أعطني خطه وحطت لي وقت تبيني أطور الشركه الي لها ٥ سنين في هالثلاث شهور أطور عرض الموظفين ومواساتهم وتوظف لأربع أقسام على مراحل مختلفه فجاءه مدير يستقيل ولازم اجيب بداله واحد بمواصفات مستحيله المهم اني اخذت الموضوع اني بتعلم واستفيد وجلست اكرف واشتغل وصعب لأنها موب فيه وانا لحالي أتعرف على أقسام وشغل جديد واحاول واجتهد وانجز، رجعت هي الحمدلله وكل الي عندها لي كلام سلبي انتي ما تحدثين الخطط الي أنا حاطتها لك بالتراكر طيب أنا جالسه انجز وغير الخطط المستحيله الي انتي منزلتها لي كنتي ترسلين لي واتس مليون شغله اسويها باليوم الساعه ٧ الصباح وترجع ترد الساعه ٥ المغرب ما استفدت شيء الصدق غثتني واكره الشغل معها واكره الجلسه معها أنا متدربه وماسكه كل أقسام الاتش ار وهي بس فاضيه تعطي فيد باك سيء وسلبي لي من دون ما تكون واقعيه حتى باقي لي أسبوعين وأخلص تدريبي فيحاول انبسط لأنها غثتني وما يستاهل الموضوع .
بالبدايه أنا كنت أعاني من ضغوط من اهلي من ناحيه حياتي + كنت توني مخلصه اختبارات نهائية وادور تدريب تعاوني ومتوتره وأختي كان عندها تحصيلي فما شفتها + قدرات فذيك الفتره كلها من دون اختي ،، الي صار شهر ٥ بعد ما خلصت فاينل ومبسوطه اعوذ بالله جتني موجه حزن وكأن الدنيا مقفله علي كل يوم افكر اخلص علبه الحبوب الي عندي وخلاص ارتاح او وانا اسوق ودي اصدم بجدار كنت بس ابي ارتاح حرفياً وما كنت اقدر اقول لاحد لاني دايم اعتمد على نفسي وماقد صارحت احد بهذه الأفكار ،،، المهم اني حاولت ألون واسمع قصص اطلع لحالي اصلي وادعي ربي كثير احاول استغل الوقت اني اسوي شيء لين جاني التدريب وقبلت وانشغلت وبعدها خلصت وجاني تدريب وبعدها بديت اسوي الاشياء الي ابيها من دون ما أشاور احد بالذات اهلي لاني لاحظت انه هذا كان اكثر شيء يأثر علي مع أنهم طيبين بس يخافون علي وخوفهم أقدره لكن هذه حياتي الحين وصلت لمرحله التسامح مع حياتي من جميع النواحي صدق لسى احتاج أتطور بس فرق عن قبل سنتين عن الحين مرررره الحمدلله يارب والله يجعل القادم افضل … إذا انت/ي تفكرين كذا حاولي تهتمين بنفسك لأنها ما تستاهل وابحثي عن افضل نسخه لنفسك لانه في النهاية هذه الحياة
نفس هذا الوقت قبل السنه كنت ميته خوف وتوتر أدور تدريب تعاوني وخايفه وسبحان الله جاني الفرصه بمكان خيالي ومحد حتى يدخله لين عندي حتى ما سعيت لها وهو مكان كبير ومعروف … المهم مرت سنه والحين داخله تدريب بعد الكووب بعد والحياة ماشيه بس اهم شيء ودي أطمن نفسي انه رزق مكتوب حتى لو تأخر مابي ما انبسط بالفتره الي ما عندي فيها شيء وإذا صار عندي شيء اندم 🙄 رزقي وحياتي كلها ربي كاتبها قبل لا انولد استغل الفتره إذا خلصت بالدعاء ان شاءالله وأخلص قضائي واقوي علاقتي بربي عشان ما انهار من الحزن والأفكار السلبيه لازم الوحده تقول لنفسها الأشياء الي تبيها ويكون عندها يقين انها بتتحقق 💘🌸
احس ان القسم النسائي بالدوام مكان مريح جدا ما أتخيل اداوم بمكان مافيه قسم نسائي لما ادخله كانّه عالم ثاني + تجي ايام مابي اكلم احد واجلس فيه طول اليوم ومحد ينقد ومنها خصوصيه وأقدر أفك الحجاب وارتاح … على انه مصلى النسائي بدوامي القديم كان كله بنات نايمين وقسم ما يشتغل ويطلعون بدري كان ودي اكون معهم راحه وسواليف واكل وشغل خفيف وخصوصيه محد يدري عنك او يشغلك 🥰🥰🥰 ان شاءالله دوامي الجاي يكون فيه قسم نسائي كبير يارب
بخلص ثاني تدريب لي بعد شهر وما أتوقع إني راح اتوظف فهذه الخطة:
كل يوم اقراء عن مجالي والبرامج المستعملة فيه.
اقدم على ٤ شواغر على الأقل باليوم .
اقدم يدوي إذا قدرت.
اقدم على اي شيء قريب من مجالس حتى لو ما ابيه عشان أتعلم اكثر ومنها ما أحرم نفسي.
أتواصل مع معارفي.
ما افقد الأمل لاني مو مؤهله لتمهير .
الرزق بيجي مهما كان وفيه مليون فرصه وأرض الله واسعه.
ما أتعلق بأي فرصه تجيني .
صباح الخير جميعاً صباح التأخير والأحد اكتب وانا بمكتبي احط مسكرتي واشرب قهوتي وأفتح إيميلاتي ☕️🧍🏻♀️
قبل ٥ شهور تركت شيء ما توقعت اني بتركه وبعد قبل ٣ شهور تركت شخص ما توقعت اني بتركه وقتها دخلت بحاله نفسيه ما توقعت اني بكون بخير وقبل الاجازه كنت منضغطه من الشغل وأحسني شوي وبنهار بعدين استوعبت مافيه شيء يستاهل لا الشغل ولا الناس اهم شيء نفسي ،،، احب اقول اني احسني بالمكان الصح وعلى المسار الصح وكل شيء ماشي زين احس اني غمضت عيوني في ديسمبر وفتحتها بيونيو وانا اسمع heat waves …. اتمنى لكم يوم سعيد وبداية أسبوع سعيده اقرأو أذكاركم وانتبهوا لصحتكم النفسيه 🤍
كنت العب مع البنات بالسقيفه وكانت من الألعاب اسأله والسؤال الي جداً حبيته "ايش الشيء الي تخاف تفقده؟" كان اول رد لي اني انطفي اخاف اني يوم أرضى اخاف ماعاد يصير عندي أمل وتجارب جديده او حتى طموح وأحلام واصير اقول خلاص أنا بعمر كبير ما يمديني اسوي شيء او راحت علي الفرص وما عاد بيصير لي شيء حلو.
انتم وش الشيء الي تخافون تفقدونه؟
وصلت المكتب، كتبت مهامي لليوم ، جالسه اتقهوى وابحث وانجز …☀️☀️الصيف بدء يرجع…
صحيت افكر بآخر شهر لي كمتدربه من دون اي خطط بعده وش بسوي وين بكون وش راح يصير لي وليش احس بضغط وتوتر اني انجز ولازم أتوظف واحقق واكون مؤثره بس استوعب انه اخيراً بفضى اسوي أشياء احبها ومنها (اللعب-صناعة المحتوى-النادي- متابعة الأفلام)
لعله مو شيء سيء بعد اني بعطل بالصيفيه وبجلس اقضي وقت مع اختي … الله يكتب الي فيه الخير في النهاية أنا انجزت وبكمل الشهر الجاي سنه اشتغل والحمدلله من أجمل السنين الي مرت علي … الحين مابي اطول ويصير النص ممل وغير هادف وابدء أتكلم عن الذكريات ✍🏼 ✍🏼
صباحكم سعيد وأيامكم سعيده🌻🌻
بشري قهوتي وأكمل شغلي ويمكن اشوف فلم مايكل بعد الدوام عشان ما انام المغرب ويخرب نومي 🕺