u/Free_Rule_1786

هو شايب اساسا ما اعرفه معرفه شخصيه لكن في المجلس كان يتكلم عن النظام لا و ينصح غيره و يقول انه نظام جيد و صحي . و بس والله يعني نيتي ما كانت غير النصيحه و اني ما أبغاه يتأذى و بعد نصحته ما كان باقي غير يقول لي يا زنديق ، اسلوبه كان جدا هجومي و مهما اجيب له من ادله او احاول أقنعه، ابدااا ما في اي فائده كأني اكلم جدار و ليت حتى يرد بطريقه محترمه . لا و المصيبه انه مريض سكر ، و مقتنع بكلام ذا الدجال انه يترك الانسولين و ان أموره تمام . يعني ياخذون معلومات من طبيب مسحوب منه رخصته الطبيه من كثر الجهل اللي كان ينشره

قسما بالله اشفق عليهم خصوصا الشياب ، حسبي الله بس في اللي كان السبب .

الفتره الاخيره صرت استعمل السماعات بطريقه غبيه ، اكثر من ١٤ ساعه جالس و محاضرات و السماعات على اذني و اعتقد ذا شيء الكثير يسوونه للأسف . امس انتبهت من تورم مره غير أن كان عندي صداع لأسبوع ما يفارقني و بعد فحص ظهر ان السالفه إجهاد عصب السمع و عضلات الفك و اساسا شيء لاحظته من قبل الفحص هو ضعف سمعي بطريقه واضحه ان ممكن شخص يعيد عندي الكلمه خمس مرات و احس ان صوته مكتوم في اذني .

المهم كتبت البوست عسى يكون تنبيه قللوا مره من السماعات سواء الايربودز او الهيدفونز لانهم فيهم ضرر قوي و مب كثير ينتبه .

و ادعوا لي بالشفاء العاجل

تكفون اللي يشوف المنشور يذكر امي بدعوة في ظهر الغيب وان الله يربط على قلوبنا انا واخواني في غيابها

مدري ليش مب مصدق ولا متأثر . كنا مره قريبين السنين الماضيه و هذي السنه كل سوالفه كذب ، أو أنها سوالف تهرب مني مع اني والله لو يقولي خلاص ما ابغا نكمل علاقتنا ما كنت نشبت فيه ولا اي شيء . مره يقولي سويت حادث سياره و المشكله اني اعرف صديق له يعني سهل اسأله و يطلع يكذب ، مره مدري وش صار ، مره انحرق البيت . اول كنت صدق اتأثر و أصدق مره لين زاد الوضع مصخها مب معقول كل اسبوع مصيبه .و بس والله الحين جه ذا الخبر الجديد و من خويه ذاك الي ما اصدقه هو الثاني و مدري وش احس لكن ترحمو عليه .

السالفه طويله و ممكن ما اشرحها زين . عشان لا احط اسامي ف بحط أحرف المهم في جماعه" م " و جماعه " ك " ( جماعتي 🙂 ) و كان بينهم سوالف طويله و مشاكل و مؤخرا صارت عباره عن سب و كل واحد يرمي كلمه على الثاني و نشر عن سمعه على النت ، مب الجماعه كلها بل أفراد من الجماعه او عائله واحده عشان بينهم منافسه على شركات و من هذي الأشياء . المهم الموضوع تطور و جماعه " م " قالو كلام زياده عن " ك " يعني زودو عيار السب و مره و واحد من جماعه " ك " مار من مكان يسكنه جماعه " م " واحده من حريمهم قالت بمعنى يعني " عائله ما فيها رجال " ف طبعا حق " ك" ذا عصب مره و خلاص مصخت معه و ما رضي يبلع الكلمه و انها طلعت من حرمه متضايقه على أهلها و بس راح لعائلته و قالهم قالت كذا و كذا و طبعا زود كلام كثيييييير من عنده حرق دم الباقي و لمو الجماعه كلها و بس راحو الي ما تمر السالفه اليوم .

و بس والله قبت هوشه و مضاربه و ما يحتاج اقول وش يصير يوم يتجمع رجال فيهم غيظ و كره لبعض لانه فعليا ضرب مهو صاحي و كثيرين انصابو و السالفه ابدا ما كان ليها داعي . بعد ذا كله اكيد صار محضر و تجمعو كلهم و المتأذين مره من السالفه كانو " م " لان فعليا " ك " راحو لهم منطقتهم جابو الرجال فيهم من الأصغر للاكبر و ما تركو احد فيهم بحاله . الحين " م " يبغون تعويض من " ك " و هو ذا العدل لكن " ك " عندهم سلطه عاليه و فلوس يعني هي كم كلمه على كم فلس و بيسكتون الوضع خصوصا ان مافي ادله ثابته و ما في اثباتات ممسوكه غير كم شخص من حول المكان و هم بعد سكتوهم بكم الف ف الحين صار الوضع أقوال " م " ضد اقوال " ك " و اليد الأعلى ل" ك" بسبب مناصبهم و الخير الي عندهم . الحين انا مالي اي دخل بالسالفة غير اني شفت الكاميرات بس لا شاركت ب قول ولا هوشه ولا هم يحزنون كان مجرد فضول ف قلت ل احد اعرفه ابغا اشوف الكاميرات و الي هي طبعا دليل . الكاميرات كلها انحذفت ( قدرو الجماعه يخلصون منها ) و كل شيء انحذف و لكن انا عندي نسخه ، مب لأني كنت مهتم امسك دليل لكن هي من نفسها حفظت على جهازي .

الحين كلمني شخص من " م " هو يعرفني معرفه سطحيه و مدري من وين جاه علم لكن قال ادري عندك التسجيلات و كلام طويل و قال انه يبيني اشهد . الشخص ذا تحديدا يمكن اكثر واحد تضرر والله يعوضه يده جاه قطع مدري في وش بالظبط و سوا كذا عمليه و هو اساسا طبيب أسنان يعني يحتاج يده اساسي عشان رزقه و برضو ما كان له أي دخل بالسالفة غير انه كان متواجد و احتسب منهم . انا ما عندي اي مشكله اشهد ولا اهتم اذا انسجنو يعني صدق لا فرق لي جماعه ولا غير لانهم ظالمين و مأذين كثير خصوصا الي انسب من حرمه ذا و راح سخن الوضع بينهم لكن اني اشهد كذا اعرض انا نفسي لمشاكل مع الجماعه كلها و مع ابوي الي علاقتي فيه على المحك من نفسها ( مب لانه معهم هو اساسا خارج السالفه لكن ما يبغا اسمه ولا اسم عائلته ينذكر في سالفه مثل ذي و خصوصا انه يعتبر اسمه الأعلى في الجماعه بكبرها ) . و اقول ثاني انا مالي اي دخل بالسالفة يعني مب طلبوني في تحقيق ف الحين يا اشهد كذب يا لا ، هو انا اساسا مالي علاقه غير أن ذا تواصل معي و يبغاني اجي و اشهد و اعطي الدليل .

مدري صدق هو اثنين يا اقوله السالفه مب شغلي و كذا اخر دليل معي ضاع ي اخرب علاقتي ب ابوي اكثر و ينسحب اسمه داخل السالفه ف صدق مدري لكن مره مشفق على الطبيب ذا .