u/Adham_Sa

يوم الخميس الجيم فاضي وكئيب وانا كنت بحب الدوشه الي فيه عشان محسش اني لوحدي .. الجيم فاضي
النهارده الخميس ونفسي اخرج وأسهر وانبسط
الفكره أنا عارف اني شخصيه بضينه وممله ومش اوبشن عند حد عشان يقضي معاه يوم زي الخميس في خروجه وكالعاده بعت لفلان وعلان وبيتم التهرب مني .. ببساطه أنا شخصيه ممله ودا عادي متقبله وطبيعي بالنسبالي متعود
أنا عايز انبسط .. عايز اخرج وانبسط وارجع يجيلي شعور اني مبسوط وانه يوم حلو وحالتي الحاليه بتحتم اني اعمل ده لوحدي .. وكدا كدا كله تحت رجلي أنا بعرف اعمل كل حاجه لوحدي ومش مستني اي حد
اروح فين وانبسط ؟

مش لاقي مكان ممكن اجري فيه كل رياضه وكدا في طنطا وفي ماكن مفتوح فا لو حد عنده فكره أنا مليش كتير في طنطا أصلا
+ الجيم الجري فيه انتحار عشان مفيش تهويه

عايز احكي قصتي بشكل سريع وياريت لو حد يبصرني
أنا من صغري مدمن بورن وماستربيشن .. طبعا وسايل تخدير لحاجات في الماضي .. الموضوع كبر معايا في ٣ ث ادمنت مخدرات ودخلت في سكة البرشام لدرجة ان ال ١٢ شهر عدو في ٣ شهور أو أنا صاحي فيهم ٣ شهور من كتر التخدير الي حصل بعد موت ابويا بكانسر ب أبشع سيناريو ممكن يموت بيه بني ادم
لطف ربنا كان جميل ولمست رحمته في السنه دي مع اني كنت ملحد .. بس وكان حاجه بتشيلني وتقومني ساعتين زمن كل فتره اذاكر اي حاجه وارجع تاني في وضع التخدير .. السنه خلصت ودخلت حاسبات ومعلومات .. حمدت ربنا ورجعت تاني ليه ومدرك اني مقصر بس بعترف بوجوده .. عرفت حاجه اسمها NA زمالات المدمنين المجهولين بفضل دكتور عماد رشاد بعد ربنا دكتور وكاتب
عرفت التعافي من الادمان والسلوكيات وحاليا أنا في مرحلة التعافي
.. السنه الأولى عدت بمحصلة عمليه لا تتعدى ال **٢٠٪**؜
بعد ما فوقت من التخدير نسبيا بدات أشوف مستقبلي وانا محتاج ايه عشان اعوضني وابني شكل حياه كويس .. بيت في مكان راقي وشغل مجزي وعربيه وبيت وولاد ومدارس نضيفه
لقيت الطريق طويييييييل فشخ وانا حتى إنجليزي بتاعي ضعيف صباح الفل
طيب أنا عمري ٢٠ سنه ولسا هبدا أتعلم في حين هنا ماشاء الله في ناس لسا أعمارهم صغيره بيعملو حاجات كتير اوي وبيشتغلو وانا مفيش حاجه اعرف اعملها تجبلي فلوس ..
فا بدعبس حاليا في كورسات ومش عارف أبدا منين شويه حد يقولي خش روت وحد يقولي يوتيوب وماتضيعش فلوس وشويه التفكير الإدماني يشدني لنقطة الصفر وخوف وقلق من المستقبل اني مش لاقي شغل بسبب الي بيحصل في المجال وال ai الي سكن مكان الموظفين والتنافس .. بل ان حد قلي صراحة حول من الكليه انت ملكش مستقبل فيها .. أنا محتاج فيدباك على كل ده وعايز حد يشوف الموضوع بنظره تانيه ويقولي اعمل ايه