u/Aggressive-Bat7717

يا جماعة أنا ملاحظ إن ريديت والناس عمومًا ماليين الدنيا كلام في مواضيع تافهة وجانبية ومحدش واخد باله من الكارثة اللي بتحصل

إثيوبيا خلاص خلصت سد النهضة رسميًا وشغلته

ومش بس كده

وزير المياه الإثيوبي طلع لسه من كام يوم بيقول إن مياه النيل بقت تحت سيطرتهم تمامًا وإنهم هيعملوا سدود تانية جديدة

(بيتكلموا عن 3 سدود كمان على النيل الأزرق)

الغريب إن الرد اللي بنسمعه من المسؤولين عندنا هو نفس النغمة القديمة المكررة"لن نسمح بمساس أمننا المائي" و"كل الخيارات مفتوحة"

وهو نفس الكلام اللي اتقال والسد لسه بيتبني لحد ما بقى أمر واقع واشتغل خلاص

زمان أيام محمد مرسي الدنيا اتقلبت وكانوا بيعيبوا عليه إنه مش عارف يدير القضية

والنهاردة السد اتبنى واتملى واشتغل في عهد الإدارة الحالية والنبرة الإعلامية محلك سر

ملحوظة: أنا مش إخوانيه ولا بدعمهم نهائي بس بتكلم بكلمة حق ومنطقية..

إحنا رايحين على فين في أزمة المية دي؟

وليه مستمرين في سياسة "لن نسمح" بعد ما كل حاجة حصلت بالفعل؟

عموما انا اكيد متوتره من النتيجه الثانويه

بس حابه يا ادخل فنون جميله او فنون تطبيقيه

بس عاوزه اعرف الفرق اللي مابنهم

حابه أبدأ معاكم سلسلة بوستات يومية بعرض فيها بس "وجهة نظري الشخصية "في الأسباب الحقيقية والواقعية اللي مخلية فئات كتيرة من الشعب بتعارض السياسات الحالية، ومن غير أي تخوين أو مزايدات. البداية من ملف الاقتصاد، والزراعة، والصناعة

1_ملف الزراعة بين التوسع والواقع: النظام فعلاً عمل مشاريع توسع زراعي كبيرة ودخل آلات ومعدات حديثة ومتطورة، ومحدش ينكر ده. بس الأزمة الحقيقية لسه ماتحلتش؛ لأن حجم الإنتاج الحالي لسه أقل بكتير من اللي السوق محتاجه، ده غير الارتفاع الجنوني في أسعار الأسمدة، والتقاوي، والسولار، وده اللي رفع تكلفة الزراعة على الفلاح والمستهلك في الآخر.

2-تراجع الصناعة: في المقابل، قطاع الصناعة بيعاني عشان مفيش استراتيجية حقيقية تدعم المصانع المحلية والورش الصغيرة، والاعتماد كله على استيراد مستلزمات الإنتاج من بره، وده اللي تسبب في قفل ووقف مصانع كتير وتشريد العمالة

3-البطالة وفرص العمل: الشباب والخريجين مش لاقيين فرص عمل حقيقية ومستدامة في مجالاتهم، وأغلب الشغل المتاح بقى متركز في عمالة المقاولات المؤقتة في مشاريع الإنشاءات والكباري.

4- أزمة الطرق والأولويات: اتعملت شبكة طرق وكباري ضخمة غيرت شكل الحركة، بس المشكلة هي الاعتماد المرعب على القروض الخارجية عشان نمول الطرق دي ومدن جديدة زي العاصمة الإدارية. ده عمل أزمة ديون وضغط على ميزانية البلد، من غير ما يكون ليها عائد اقتصادي سريع يحسه المواطن البسيط في حياته اليومية

5-انهيار الجنيه والأسعار: الانخفاض المتكرر في قيمة الجنيه والتضخم اللي ملوش آخر قضى تماماً على المدخرات والطبقة المتوسطة، وخلى أسعار الأكل والشرب والمحروقات فوق طاقة الناس.

# ملحوظه : انا كنت نزلت البوست ده في صب ( Egypt )و اتمسح من غير اي سبب !!!

حابه أبدأ معاكم سلسلة بوستات يومية بعرض فيها بس "وجهة نظري الشخصية "في الأسباب الحقيقية والواقعية اللي مخلية فئات كتيرة من الشعب بتعارض السياسات الحالية، ومن غير أي تخوين أو مزايدات. البداية من ملف الاقتصاد، والزراعة، والصناعة

1_ملف الزراعة بين التوسع والواقع: النظام فعلاً عمل مشاريع توسع زراعي كبيرة ودخل آلات ومعدات حديثة ومتطورة، ومحدش ينكر ده. بس الأزمة الحقيقية لسه ماتحلتش؛ لأن حجم الإنتاج الحالي لسه أقل بكتير من اللي السوق محتاجه، ده غير الارتفاع الجنوني في أسعار الأسمدة، والتقاوي، والسولار، وده اللي رفع تكلفة الزراعة على الفلاح والمستهلك في الآخر.

2-تراجع الصناعة: في المقابل، قطاع الصناعة بيعاني عشان مفيش استراتيجية حقيقية تدعم المصانع المحلية والورش الصغيرة، والاعتماد كله على استيراد مستلزمات الإنتاج من بره، وده اللي تسبب في قفل ووقف مصانع كتير وتشريد العمالة

3-البطالة وفرص العمل: الشباب والخريجين مش لاقيين فرص عمل حقيقية ومستدامة في مجالاتهم، وأغلب الشغل المتاح بقى متركز في عمالة المقاولات المؤقتة في مشاريع الإنشاءات والكباري.

4- أزمة الطرق والأولويات: اتعملت شبكة طرق وكباري ضخمة غيرت شكل الحركة، بس المشكلة هي الاعتماد المرعب على القروض الخارجية عشان نمول الطرق دي ومدن جديدة زي العاصمة الإدارية. ده عمل أزمة ديون وضغط على ميزانية البلد، من غير ما يكون ليها عائد اقتصادي سريع يحسه المواطن البسيط في حياته اليومية

5-انهيار الجنيه والأسعار: الانخفاض المتكرر في قيمة الجنيه والتضخم اللي ملوش آخر قضى تماماً على المدخرات والطبقة المتوسطة، وخلى أسعار الأكل والشرب والمحروقات فوق طاقة الناس.

انا في العادي مش بتكلم عن مشاكل شخصية

بس بكتب هنا لأن الموضوع زاد عن حده جداً ومبقتش عاوزة حد يستغلني تاني

عندي واحدة أعرفها علاقتنا مجرد معرفة أو أصحاب سطحيين من الدرس. البنت دي بتستغلني مادياً بشكل غريب ومستفز

مثلاً، نكون في الدرس وخلصنا (وأنا في العادي بروح علطول) تصر نروح مطعم أو سوبر ماركت

المفروض كل واحد يحاسب لنفسه ...بس اللي بيحصل إنها بتخليني أدفع ليها!

الأغرب إنها بتطلب حاجات كتير وغالية جداً (أوفر).. أنا لو نازلة ببقى عاملة حسابي على ميزانية معينة تمشيني لآخر الأسبوع أو الشهر

وممكن أكون جايبة حاجة لنفسي بـ 100 جنيه مثلاً، ألاقيها هي جابت حاجات بـ 200 أو 300 جنيه وتدبسني أدفعهم!

والموضوع بقا بيحصل حرفياً كل مرة نتقابل فيها، لدرجة إنها بقت تنزل من غير فلوس أصلاً وبتعتمد عليا في كل حاجة حتى لو عطشت!

أنا لو حد هيعزمني (أو اتزنقت وخليته يدفعلي) بجيب حاجة زيه أو أقل في السعر عشان أراعي ذوقياً

وهي ولا مرة ردت أي عزومة. لما بقول معيش فلوس بتزعل وتعمل حركات ابتزاز عاطفي

أو لو قولت معايا على قدي تقولي "خلاص نشارك" بجاحة غريبة!!!!

أنا بتكسف جداً أقولها "حاسبي لنفسك"

تنصحوني أتصرف معاها إزاي وأرد بأي طريقة من غير ما أبان قليلة الذوق وفي نفس الوقت أوقف الاستغلال ده نهائياً؟