والدي عاوز يجوز اختي بالعافيه
واحد كان شغال عندنا في المحل من وهوا عنده 10 سنين ودلوقتي عنده 25 سنه وسافر السعوديه بعد ما والدي سافر وطلب ايد اختي ووالدي بيحبه جدا جدا
واختي رافضه والعيله كلها رافضه ماعدا والدي ومبهدل الدنيا علشانه. طيب هتقولولي رافضين ليه هقولكم الأسباب
اول سبب انا عاشرته اكتر من والدي وفاهمه لأن انا اصغر منه بكام سنه بس وفاهم دماغه كويس وحرفيا بخيل جدا جدا ثانيا عقليتة عقليه فلاحين ثالثا موضوع النسب وده الاهم الواد متسجل بأسم خاله مش ابوه يعني علي الورق ابن محارم هتقولو ازاي هقولكم اول لما اتولد ابوه شك أن هوا مش ابنه علشان بيقول أن والدته والله اعلم كانت ماشيه مع حد من الجيران ووالده كان مسافر ف مرضاش يسجل الولد بأسمه وطلقها بعدها أمه قالت لاخوها يسجله بإسمه وهيا تتسجل بأمه عادي
يعني مشاكل الدنيا في استخراج الاوراق بعدين
رابعاً لما والدتي كلمته وقالتله أن احنا مش موافقين وربنا يوفقك والكلام كان قدامي انا واختي وبنت خالتي وامي مغلطتش ف اي كلمه راح العلء كلم والدي وقاله ام احمد بتقول عليك راجل اهبل وده محصلش ووالدي مصدقه ومكدبنا كلنا وانا لو شوفته ف شارع هكسر عضم وشه ولحد دلوقتي والدي متمسك بيه مع ان هوا مفيهوش ميزه واحده وواكل بدماغ الوالد حلاوه
ايه رأيكم ف الكلام ده ؟