السلام عليكم
في موضوع من زمان أفكر فيه وابغا اسمع رأي الناس فيه. إلا وهو البخل
بالنسبة لي أنا أشوف البخل عقد اجتماعي مو صفه عند الإنسان.
بمعنى ممكن بيوم من الأيام أنا طالع معك وانا فرضاً إنسان متزوج وعندي طفله تحتاج أغراض من المدرسة وبقى بحسابي ١٠٠ ريال. إذا ماعزمتك مو تقليلاً فيك بس هذي آخر ١٠٠ ريال عندي وانا أشوف أن بنتي أولى فيها.
أغلبية الأوقات الناس بيعاملوني معاملة البخيل بس هي فكرة انك تحط الأولويات وتعرف وين توزع فلوسك. الناس ماتقبل فكرة ان مثلا فلان معه فلوس بس مايشوفوك اولوية، ولازم ييغديك تيس قيمته أربع آلاف يقص ظهره شهور كامله
على عكس الكرم أنا أشوفها صفة موجودة وجميله والناس اللي يتحلون فيها اكرم وأنقى الناس. بس البخل احس مدري هل الشخص اللي قدامي بخيل ولا مامعه فلوس ولا عنده أشياء ثانية يصرف عليها
في سالفه صارت زمان مستحيل أنساها، في كانت قطة بالفصل وكنت بطلب من بنت فلوس القطه ونطت وحده ثانيه قالت لا تأخذين منها أبوها بخيل (البنت اللي كنت بطلب منها دايم لبسها مهندم ومصروفها كثير وباين عليهم مرتاحين مادياً) قالت لي ترا أبو البنت بخيل وماراح يعطيها فلوس، قلت وش دراك؟ قالت أبوها مدرس وسيارة قديمه.؟؟؟ صار اللحين هذا معيار للبخل؟