هواجيس
مؤخراً استنتجت أشياء كثيره اهمها ان والدتي تكرهني وتشوفني عدوة لها والسبب ماهو اي شيء سويته فعلياً انا اكثر ابنه مثالية بالنسبة لها وللجميع وما اقول ذا الشيء تفاخراً ولكني أجاهد نفسي و كُنت أجهدني عشان اوصل لتوقعاتها لكن ابدا ماكانت تشوفني ولا حتى تهمها محاولاتي لأرضاءها ودائماً كانت تلقى عيوب مثلا قبل اسبوعين كسرت ايبادي حاولت تحرمني من اشياء احبها لان البنك رفض يعطيني قرض ثالث ( القرضين الأولى هي اخذتها ) عموماً مالقت شيء تسوي لي مشكله عليه واخترعت ذي المشكله وغير انها طردتني من البيت اكثر من مره مع اني بكرها و بنت وتدري ان ماعندي مكان اروح له بس هي من كثر نرجسيتها وجنونها تحاول بكل الطرق تكسرني وتخليني ذليلة ولا قدرت ، عموماً الان ولأول مره امس كانت تتكلم بالقروب ورديت على سالفتها قالت لي بالحرف انتي عدوتي اعترفت واخيراً والصراحه انا ما احزني كلامها فرحت فرحت اني خلاص غير مثقله اني ارضيها او ان التقصير ممكن يكون مني هي السبب وهي الي رافضتني كأبنه لها وتشوفني عدوة لها عجيب امرها ذي المرأه غير انها تبكي عند ابوي واخواني تقول ماتبيني وما تكلمني الي هي انا بس فعليا انا اقلل التواصل قد ما اقدر عشان ما احتك فيها عو اي كلمه مني تاخذها شخصنه وتقلبها علي احسني تحررت من عقده الذنب اني ابنة مقصرة واني ما سويت الي يكفي وبس والله احتاج اتكلم عشان اقدر استوعب