u/AncientBank3396

بظل اكتب وامحي لانه ما في اشي مرتب احكيه وهاد بدل على انه انا إنسانة مكبوتة على الرغم من اني بحكي عن حالي كثير . بس لسا انا عندي اشياء كثير بخاطري احكيها

بخاطري اتعلم اكون كاسرة ومش محتاجة احكي مع حدا بس انا بدي تعاطف اهلي كمان وهم يعني مناح بس الآشي كثير سيء انه انا على الرف 90% من الوقت والباقي لاختي واخي مش لانهم بميزوا بس انا ارتكبت غلط من زمان انه ما كنت اطلب الاهتمام زيهم وبطبيعة الحال صرت بنظرهم انسان يستطيع التغلب على كل شيء على الرغم من اني هسا منهارة ونفسي اروح على طوارئ مستشفى البشير مشان يسعفوني من حالي .

عشان هيك ما بدي اكبر اكثر من هيك تعبت من كلشي من الجامعة ومن صاحباتي المناح ومن والداي الكويسيين واختي يلي ما بعرف شو مالها والأكثر اني تعبت من حالي من انه احلم انه الصبح رح اكل زي الخلق بس ينتهي الوضع باني اكلت لدرجة بحس معدتي تمزعت من انه احلم اني رح ادرس الصبح وينتهي الوضع بانه تراقب كيف هاد البيت كئيب ووحيد .

صحيح انه الانسان كائن قذر بس على الاقل انا عندي بعض الحدود الأخلاقية يلي ما بحس اني بيوم ممكن اتجاوزها .

بتذكر انه في حدا مكسور بحياتي وشوي تقربت وحاولت أساعده/ها بانه اثبت انه الكل مجروح والكل حياته مشوهة بطريقة او بثانية وحزركم كيف أثبتت هاد الاشي ؟ حكيت شوي من حياتي

وبعدين مر وقت تم استخدامي فيه وكنت راضية عالأقل لانه ما بدي اشوفها ضعيفة وبدي اشوفها بتتحسن .

قبل اسبوع راحت استخدمت كل اشي حكيته وفرجيتها اياه عشان تكسرني وتشوه صورتي عند اهلي .

مع الاسف ما كانت اول مرة ولا كانت اول شخص بس عنجد تعبت كثير خصوصا انها اختي واصغر مني تعبت انه الكل بدعسني وبستخدمني وما بسأل عني وبعدين بتطلع بوجهك كانه ما عمل اشي .

الواحد بطل بده حدا يعرفه يسمع فضفضته لانه ما بدي اكرر غلطي واحكي لحدا ممكن يستخدم فضفضتي ضدي بس انا تعبانة جدا لدرجة اني مش متهنية بنوم حتى الي اسبوعين كل أحلامي كوابيس ومتشتتة جدا والنار جواي بترد على النار يلي حولي . بعرف انا مش الوحيدة يلي هيك وبعرف في ناس بدها تنتحر بس انا تعبت من كلشي ومش قادرة أتعاطف مع حالي اصلا ولا عارف أوقف وأشد حيلي مرة ثانية . بحاول ادفش حالي واعيش منيح بس مش عارفة من وين ابلش من كل هاد الخراب. احيانا بتمنى يكون عندي شخص يحكيلي بس شو اعمل وكيف اتصرف .عشان انا مش عارفة اعيش ولا اتأقلم ولا عارفة اكون سعيدة او حزينة انا بس تعبانة من الكوابيس والليل ومن الناس