الغيرة؟؟؟
​
(لو ملكش خلق متقراش)
دلوقتي انا مخطوبة لواحد فهو بجد اللي هو غيرته خنيقة اوي مش انه بيغير عادي زي الناس الطبيعيه لا بجد اوفر الا هو هي يقلي معنديش حاجة اسمها ابن خالتي وابن خالي وابن عمتي. كنا بنتكلم في مرة وقالي يعني ايه رقم ابن خالك عندك اصلا؟؟؟ وعملي مشكلة وبتاع. ف انا اللي هو انا بجد معملتش حاجه، او يكون في تجمع عائلي وكدا يقلي متقعديش مع الرجالة تعرفي؟؟ ويزعق فعلا ويقلي معنديش انا الكلام دا. بقله انتو اذا عيلتكو فيها مجالس نساء ومجالس رجال احنا لا عيلتنا عادي بنبقا قاعدين سوا، قالي اه متقعديش معاهم بقا!. ف انا بجد اتخنقت اللي هو دا بيعملي مشاكل مع اهلي.
لبسي برضو يقلي ع فكرة لما نتجوز هتلبسي النقاب انتي فاكراني هسيبك كدا؟ تمام مرة حد بد عالستوري عندي بكلمتين(انا معرفوش) وانا رديت بكلمتين بردو وخلاص يعني وقعد قلب الدنيا فوق تحت انتي اي حد يبعتلك تردي عليه؟ فقلتله انت بجد بتهزر م كدا؟ اصل محصلش حاجه!
تمام جي مرة ثانية زميل ليا في شغل يعني، رد ع استوري وحرفيا احنا بجد اتكلمنا كلام رسمي اوي اوي وبحدود. وقال كلمتين وقلتله في الآخر ايوة شكرا وقالي انتي بتستهبلي صح؟ انتي بتردي ليه؟؟؟ قلتله انا معملتش حاجه هو ايه دا؟ انت بتهزر بجد. قالي انتي اللي بتهزري. تمام المهم انه بجد خانقها اوي نبقا بنتكلم مثلا اقله كنت عند خالتي وكدا وكلت يقلي اقفي هنا انتي مين كان قاعد عالاكل؟ اللي هو انت بجد وقفت الكلام عشان تسال مين شافني وانا باكل؟ امي جت مرة نزلتني اشتري طلبات قالي خلي اي واحد من اللي بشنبات في البيت ينزل ماشي؟؟؟ نزول للشارع هتنزلي هتزعلي بجد انتي فاهمة؟؟ اللي عايز حاجه يجيبها لنفسه شغل نازلة اشتري ونازلة اعمل لا.
الموضوع بقا يخنقني اوي حاسة انه بجد دا مش طبيعي في الوقت المقابل انا مش بغير عليه كدا بجد يعني مرة قالي تقبلي صاحبتك تضحك معايا؟؟ قلتله اه عادي قالي ايه دا؟؟ اذا انتي تقبلي انا مقبلش انا بجد معنديش مشكلة ان البنات يكلموه بحدود او ان بنت خالته تبعتله وكلام بحدود يعني مش كل شوية يكلمها واتصال وضحك وبتاع انا فعلاً معرفش هل انا اللي غلط؟ ولا هو اللي مخنقها اوي.
عملت مع البنات حنة في العيد ع ايدي بوريه بقله ايه رايك؟ استنيت يقلي كلمه حلوة قالي تعالي ركبيلي قرون احسن. انتي نزلتي الشارع ب ايدك دي؟؟.
وكل يوم ع كدا خناقات عامة.
حتى بنت خالتي بتقلي دا صعب اوي بجد!!
اقله عايزة اخرج مع البنات وبتاع يقلي اسمعي شغل اخرج واروح واجي مبحبوش طيب؟؟ تعرفي تقعدي في البيت.
قلتله هبات مع البنات في بيت خالي قالي اللي عايزك يجيلك بيتك متناميش برا البيت ايه هو دا. هو حنين اوي المشكلة وكل صفاته الباقية كويسة.
يعني كريم واللي ببص عليه بس يجيبهولي وبيحبني اوي اوي. ومش بيضايقني بحاجة غير الغيرة. ولو في حاجه مزعلاني منه بيعدلها فورا .
بس بنيجي للنقطه دي بقا والدنيا بتتقلب ويتحول ويقعد يزعق ويتخانق وانا معرفش بجد هل دا طبيعي عامة؟؟