u/Aware_Perspective_41

Check them out.

اكلكم شنو هذه التصنيف الجديد مال الملحد و المستلحد؟

كونك دتضيع وقتك بدراسة الاسلام و علم الكلام و الحديث و التفسير و التاريخ الاسلامي الخ... ميخليك احسن من باقي الملاحدة. ولا يخليك شخصية ولا يضيف لحياتك قيمة، الجدل وية المسلمين من اكثر الافعال العبثية و ميستاهلون كل هذا الجهد.

مهتم تتعلم هاي الامور؟ روح تعلم لكن هالشي مو فرض، هدورة الواحد ميكدر يلحد الى الى يخلص منهج دكتوراه فلسفة و دكتوراه شريعة و يكتب رسالته عن دحض الاله.

الجماعة مسوين لجنة تقييم و متتسمى ملحد الا اذا اخذت تأييد منهم.

الالحاد ممكن يكون لهواية اسباب مو شرط عقلية، مو الا كلنا نطلع العالم العبقري المحلل الي ضحية ذكائه المفرط. اكو اسباب نفسية و اسباب اجتماعية و اسباب براغماتية. كل واحد عنده تبريراته الخاصة.

وبالنهاية الموضوع شخصي يعني لو واحد عاف الاسلام علمود يروح ينيج محد اله حق يعترض، او لو مجرد مل من الدين، مجرد ممرتاح بالدين. كلها اسباب شخصية و ما تقلل من قيمة الشخص.

بطلوا نكاسة المسلمين، هذا الهوس بالغير و الشعور بالفوقية. عقلية الامر بالمعروف والنهي عن المنكر عوفوها، هو اغلبنا عاف الدين من هاي السالفة هدورة تنتشر بين الملحدين؟

هاي بعدنا ما منتشرين و بدت الانقسامات و الطبقية.

الزبدة.. كلمن عليه بنفسه.