مقاطعة- خطوة جادة
طبعاً كلنا بنعاني من السرقة المقننة اللي إسمها "الباقة".
وعشان مالناش صوت وأعضاء مجلس الشعب حرفياً كأنهم شغالين أعضاء مجلس الشركات. وجودهم زي عدمه. بالعكس عدمه أحسن.
فأحنا لوحدنا في الحوار ده.
اللي يخلي الشركة "تفلقس" مش بس ترضخ للمطالب بتاعتنا هو الفلوس. نخسرهم. نقلل أرباحهم.
والطريقة دي تحصل بالإلغاء الكامل. مليون دكر يتفقوا علي يوم ويلغوا فيه إشتراك النت.
مليون في تمن أقل باقة. يعني ٣٠٠ مليون جنية في أول شهر خساير ولسه بنقول بسم الله.
هل هنلاقي مليون?
غالباً لا. كلها هتبقي بيل جيتس ساعتها ومحدش هيلغي الإشتراك.
لذلك.
هنمشي بطريقة الإلغاء الجزئي. يعني بدل ما تلغي الإشتراك بالكامل.
هتقاطع الشركات لعدد معين من الساعات يومياً.
مليون مستخدم او اكتر كل يوم مش هيستخدموا نت سواء واي فاي او باقات موبايل لمدة ٣ ساعات.
الاستخدام لما ينزل كل يوم في توقيت معين هيلفت انتباههم. اننا هنعمل خطوات جادة.
الشهر ده كل يوم ٣ ساعات.
الشهر الجاي هنلغي الإشتراكات.
الموضوع مش هيبقي كلام بس.
كلنا هنفصل النت كل يوم من الساعة ٦ للساعة ٩ مساءاً.
طيب ازاي نرتبها?
عشان محدش ينسي او يفوت يوم.
اول طريقة. ضبط منبه الموبايل. هتظبط المنبه علي الساعة ٦ مع تذكير. افصل الراوتر.
ومنبه تاني الساعة ٩ مع تذكير. شغل الراتر.
الطريقة التانية. أنا عملت تطبيق يعمل الكلام ده بشكل تلقائي.
يعني كل يوم النت هيفصل الساعة ٦ ويشتغل لوحده الساعة ٩.
وبكده نكون نظمنا نفسنا. ونظمنا طريقة تحركنا.
عملت قناة علي تيليجرام موجود عليها التطبيق. والهدف منه. وصور ليه.
ياريت ناخد الخطوة بشكل جدي. وكل اللي يقدر يعمل حاجة يعملها.
اللي يقدر ينشر الفكرة ينشر. سواء علي فيسبوك او تويتر او حتي هنا علي ريديت علي صبات تانية.
اللي يقدر يشارك بأفكار وأقتراحات يشارك.
وإن شاء الله تكون أول خطوة لأسترداد حقوقنا المنهوبة.