r/Unlimited_internetEG

وقف عندي فجأة في كل الاجهزة

انا واحد داخل ثانويه عامة وهاخد كل دروس اونلاين ولازم اشغل جوده 1080 عشان عيني وكل حصه كل يوم مبتقلش عن 3/4 ساعات يعني محتاج في الشهر للمذاكره بس مش اقل من 250 جيجا دا غير استهلاكي واستهلاك اسرتي واختي في جامعه مشاريعها وكورستها اغلبها اونلاين واحنا من طبقه الدنيا فمش هنعرف ندفع 2000ج في النت في حاجه اساسا مش موجوده هو النت دا كهربا ولا غاز في كل دول العالم النت مجاني للطلبه اساسا وغير محدود للناس العامه الا للدوله الجميله بتاعتنا الموضوع بيخنق لدرجه صعبه دا السودان ومورتيانيا عندهم انترنت غير محدود واحنا لا لازم بجد ناخد موقف عشان اكثر من كدا النت هيبقا للطبقه الغنيه بس

#انترنت_غير_محدود_في_مصر

أنا بجد وصلت لمرحلة مش عارف المفروض أعمل إيه أكتر من كده.

النت مقطوع بقاله كذا يوم. مش أول مرة، ولا تاني مرة. دي تقريبًا رابع مرة يحصل معايا نفس السيناريو: الخدمة تقطع بالأيام، أتصل بخدمة العملاء، محدش يرد، ولو حد رد مفيش معلومة مفيدة ولا موعد واضح لرجوع الخدمة.

والأسوأ إن الموضوع مش جديد عليا. كلمت NTRA مرات كتير قبل كده، وقدمت شكاوى كتير، ومشيت في كل الطرق الرسمية اللي المفروض العميل يلجأ لها. وبرضه مفيش حاجة بتتغير.

يعني إحنا بندفع الاشتراك كامل وفي معاده، لكن لما الخدمة تختفي بالأيام، محدش بيحاسب، محدش بيرد، ومحدش حتى بيكلف نفسه يشرح للعميل إيه اللي بيحصل.

أنا دافع فلوس مقابل خدمة. لما الخدمة تبقى مقطوعة بالأيام، أنا بدفع مقابل إيه بالظبط؟

ومش هكتب بوست وأسأل "حد عنده النت قاطع؟" لأن ده مش أصل المشكلة. حتى لو العطل عندي أنا لوحدي، ده مش بيدي الشركة الحق إنها تسيبني بالأيام من غير خدمة ومن غير رد.

ومش محتاج حد يقولي:

"كلم خدمة العملاء" — كلمتهم.

"اشتكي NTRA" — اشتكيت، ومرات كتير.

"استنى شوية وهترجع" — استنيت، ودي مش أول مرة.

أنا عايز أعرف إيه آخر خطوة فعلية ممكن تتاخد ضد شركة بتقطع عنك الخدمة بالأيام، وبتاخد فلوسك كاملة، ومفيش أي وسيلة فعالة تخليك توصل لمسؤول؟

لأن بصراحة أنا كرهت WE بكل ما تحمله الكلمة من معنى. مش بسبب عطل حصل مرة، لكن بسبب سنين من نفس التعامل: العميل يدفع، الشركة تقطع، والعميل هو اللي يفضل يجري وراهم عشان ياخد الخدمة اللي هو أصلًا دافع تمنها.

إحنا مش بنطلب صدقة. إحنا بندفع مقابل خدمة. ولما الخدمة مش موجودة، من حقنا نسأل: فلوسنا راحت فين؟

For some reason I need to enable a VPN like Proton to access [freevmess](freevmess.com)

Also when I accessed it and i went to v2ray then chose Singapore, but for some reason my internet is kinda slower than it normally is.

I use netmod btw

If someone can explain what I should do, I would be thankful

Thx in advance

أنهو أحسن الوحشين اختار ايه؟
أنا رفضت أركب وي و ركبت خط أرضي فقط بس مش عارفة اركب النت مع انهو شركة بفكر في فودافون هل هي فعلا كويسة؟؟

يا جماعه حد معاه ملف او اي حاجه زي كدا تنفع للحوار دا عشان بقالي فتره كبيره بدور ومش لاقي او كونفج لخط اورانج

رغم ان البنيه التحتيه تحدثت و تطورت على مجال السنين, لسه هيقولك ان البنيه التحتيه مش هتستحمل انترنت غير محدود. و ده على اساس ان مكنش فيه انترنت غير محدود زمان, و فعلا كان فيه

انا عندي نظرية, ان البنيه التحتيه ممكن تستحمل الانترنت الغير محدود. ولكن, "هما" مش عايزين يتاحو للمواطن انترنت غير محدود علاشان ميبقاش في ضغط على الشبكات, و السبب الي انا هقولو ده ممكن ميقنعش الكتير من الي هيقرأ الي انا كاتبه ده بس دي مجرد نظريه.

هم بيستعملو الشبكات دي كلها عشان يقدرو يراقبونا و يشوفو احنا بنعمل ايه و يعرفو و يتابعو كل الي بيحصل في البلد, و يتجسسو على الي بنعملو بحيث ان لو في حد بيخطط ثوره او هجومات ارهابيه ضد الدوله

و لو اتاحو الانترنت الغير محدود للشعب, مش هيبقى فيه توافر للمراقبه العامه بسهوله او سرعه و بلتالي ممكن حاجه من الحاجات دي تتخطط

و دليل على الي انا بقوله ده, ان كان فيه سيرفر على منصة الدسكورد بيخطط ثوره و انقلاب على الحكومه, و اتكشفت بسرعه برغم ان كان في امان على السيرفر و محدش كان يعرف عنه ولا يدخلو بسهوله, ولكنهم عرفو عن الي بيحصل و قفلو الدسكورد على محافظة الجيزه لمده معينه و فكوه تاني بعد كام يوم

(بلتحديد المحافظه دي عشلان ده المكان الي كانو هيتثورو فيه)

و طبعًا حتى لو كل مدينه مصريه وصلت بلبنيه التحتيه الي في العاصمه الاداريه الجديده مش هيدونا انترنت غير محدود. و بلعكس. كل ما يشتهر الهاشتاج و يجيب ريتش اعلى, بيغلو الاسعار تاني عشان ينسو الناس الانترنت الغير محدود و الناس ترجع تاني تشتكي عن الاسعار.

و دليل على الي انا بقوله ده, ان من اربع ايام من توقيت المنشور ده, حمدي عشور نزل فيديو عن الانترنت الغير محدود و وصل الفيديو مليون لايك على التيك التوك. و قررو يغلو الاسعار تاني بطريقه مرعبه. و دي مش اول مره تحصل, ده تقريبًا كل شهر لما حد يتكلم عن الموضوع ده.

و هيضحكو عليك و يقولو ده عشان نطور من البنيه التحتيه و شبكات التواصل و لكن الحقيقه ان كل الفلوس دي بتروح حته تانيه خالص مش عايزين نتكلم عليها, و بيتضحك علينا و محدش مهتم ولا حد هيتصرف علاشان طبعا صانعين المحتوى واخدين الموضوع ريتش و هيستغلو شهرته باي طريقه عشان فيديوهاتهم تجيب ريتش

و هننسى و نرجع تاني كل سنه نقول المره دي غير اي سنه, بس الواقع ان مفيش حاجه بتحصل ولا بتتغير

دلوقتي احنا في العادي الباقه بتقعد معانا اسبوعين و كام يوم و بنجددها مرتين في الشهر و خلاص اتسستمنا علي كده الشهر اللي فات ده جددناها ٤ مرات لوحدها و الشهر ده ٣ مرات لحد دلوقتي اتسحب في يومين بلظبط ١٥٠ جيجا بفتح كل ساعه الاقي ٥ جيجا علي الاقل اتاكلو مش عارف نخلص من البلا ده امتي بس ياربي ياريت اللي عنده حل يقول عشان ده مش استهلاكنا خالص لو حد يعرف ازاي نحول من we لاي شركه تانيه بسهولة و بنفس الراتور ياريت يقول احنا عندنا الراوتر الاسود الكبير جبناه في ٢٠٢٣ تقريبا و انا جالي تم استهلاك ٧٥٪ من الباقه و انا مش عايز ادفع جنيه لشركه الوسخه دي و كمان شالو الدعم الفني بقيت بتتصل علي ١١١ بيقولولك لو عندك مشكله كذا دوس رقم كذا وخلاص معتش بيحولك علي بني ادم تكلمه انا بجد دمي اتحرق و جبت اخري من كل حاجه في البلد دي ليه مصممين يكفرونا كده