كره الأهل❌
كثير منا يختلف في هذا الشأن بسبب اختلاف بيئة كل منا
فيه ناس عوائله جدًا حنونه فتستنكر وجود شخص يكره عائلته وتبدأ تلوم الشخص ظنًا منها ان كل العوائل حنونة مثل عائلته
الي بتكلم عنه اليوم شيء أشوفه حاصل في بعض نفسية الناس الي تكره عوائلهم واسبابها وكيفية التعامل معها
احد الوالدين او كلاهما احيانًا بعد الطلاق يصنعون ذي الفتنة, الأم تحرضهم على الأب او الأب يحرضهم على الأم وهنا يبدأ يتشكل عند الابناء صورة مغلوطة والأم قد تبتز ابناءها عاطفيًا اذا ما أطاعوها وتبدا تتهمهم اتهامات خطيرة مثل العقوق
نفس الشيء ممكن يسويه احد الوالدين بين الابناء, انهم اذا تدخلوا في مشكلة يكون فيه ظلم, الموقف قد يكون تافه جدًا في الطفولة على طفلين يتهاوشون على لعبة لكن الظلم وقعها شديد على الانسان ويصير يحقد على اخوه
اول شيء لازم يفهمون كل افراد العائلة ان الموضوع مو حرب بينهم, ومو لازم كل طرف يكون عنده حليف وضده عدو, تجنب الصراعات ولا تكون منها
مشاكل التحرش والتعنيف لا بد من تدخل حقوق الطفل فيها
فيه امور ما يقدر يتدخل فيها حقوق الطفل لأن الحقوق الاساسية للطفل من مشرب ومأكل ومأوى متوفره, مشاكل مثل الابتزاز العاطفي والإساءات النفسية, وتكون اثرها شديدة على نفس البعض وما يقدرون ينسونها, ما فيه حل واحد لهذي المشكلة لأن كل شخص حالته مختلفة لكن انا اقول ان الشخص لا يكره اهله, الكره ما يشفي غليلك ولا يخليك تشعر بتحسن, بالعكس هو يخليك عرضة تصير نسخة منهم وتسوي نفس الاشياء للجيل الي بعدك دون وعي منك وتقول عنهم مدللين وما تعرضوا لنفس الي انت تعرضت له وتحملته يوم كنت في عمرهم وانهم ناكرين للجميل, وكذا الحلقة تستمر بلا نهاية وكل جيل ينتقد الي بعده