u/BeeAggravating4245

من الأشياء الي كانت تصبرني وتخلي عندي ثقة فكرة انو الله دايما معك ودايما حاميك لكن من كم سنة تغير هالأشي بتغير أفكاري عن الدين

الان عندي خوف شديد من فكرة اني لحالي بهاي الدنيا الموضوع صعب شرحهه بس فكرة انو مافي كيان أعظم بحميني جدا مخيفة فكانت فكرة الله بتعطيني نوع من انواع الأمان والحماية من المجهول

وحتى اغلب المرات خوفي غير مبرر او بدون سبب بل من الاحساس اني لوحدي بهاد الموضوع خصوصي لما افكر بالمستقبل جدا بفتقد احساس انو في حكمة من الي بمر فيه وأنه الله مخبيلي اشياء احسن وحتى المعاناة الي بمر فيها الها معنى وهدف ومش معاناة فقط بدون هدف

سؤالي من بعد كل هالكلام اي شخص يمر باشي زيي شو الحل

ليش اغلب الحكومات تمنع الموت الرحيم (انتحار باشراف طبيب مختص) مع انه المفروض قرار شخصي من حق اي شخص خصوصي لو عنده امراض مزمنة بدون علاج او امراض نفسية تعيق سير حياته بس عشان شيء زي هيك ممنوع مارح يخفف حالات الانتحار بس رح يخلي الموضوع اصعب عليهم ومؤلم وفي احتمالية انه المنتحر ينجو

وفوق هذا كله تعطي للشخص المنتحر نوع من التحكم بطريقة موته لأنه رح يعيش حياة سيئة ومؤلمة ليش ما ينعطى الخيار الأسهل الي رح يخلي الشخص يموت بسلام