u/BigPieLilio

عندي إلبومات أصلية أريد ابيعها (لأن سويت انستان من فترة) فا محد يعرف بيج أو مكان أگدر ابيعهن بي؟

أبوية يريد يزوجني لشخص ما يقرأ ولا يكتب، مخلص بس ثالث ابتدائي ويشتغل بياع شراي بالجاموس (معيدي) وگاعدين باسوء مناطق بغداد،

ويحاول يقتنعي بهاي الزواجة وأنهم الأفضل. أگعد أسولف وياه أگوله، يابة ليش تريد تخلي الناس يجون علينا بدون ما تگولي وتستشريني؟! يگولي مو هسة دا أگولچ. هو ليش تخليهم يجون من الأساس بدون ما تسألني!!! عباله أني زعطوطة مثل اخواتي اللي ضحك عليهن وزوجهن هنَ جهال. أگوله أني أريد أرتبط بإنسان أني أعرفه وأني أختاره يگولي أني أعرفهم وهمَ أحسن ناس! أگوله لا تخلّيهم يجون، بلا فشلة، ترا ما أطّلع للنسوان! يگولي أمهم احسن عمّة وضلّت تبوس بصورتچ!! مشوفهم صورتي!! أگوله قراري النهائي ما أريد، يردّ عليا ويگول نشوف منَ للجمعة (همَ يجون الجمعة!!!). ساعتين أحنا نتناقش وما فاد، ما يرد على أغلب اسئلتي ويتجاهلني ويحاول يضحك عليا ولوما أني أروح عليه وأحاچيه چان هو لا أجاني ولا سألني