r/Iraqi

هو آني معدلي87 أكو فد منحة تشملني حتى لو للصومال شهالوضعية هاي والله بلد أبد مابي حياة يعني شگد چنت أحاول قدر الأمكان اغض عن الدمار الي ديصير بس هالسنة كلش كلش نزلوا رون سايد بالفساد يعني لا من قانون لا من دراسة لا من وضع معيشي مثل العالم والناس مثلًا شنو الي يخلينا نبقه عايشين خوب نموت أحسن يعني حتى العالم حارت على شنو تطلع تتظاهر ديحصرونه حصرة الچلب وين حقنا كعراقيين واراضينا هاي الي باگوها وفلوسنا ونفطنا هن غير مالاتنا لو شنو مدا افتهم يعني هسة آني دا اريد اجهز للجامعة طب ديرفعون الأسعار وآني أهلي حتى فلوس ممنطيني عود گلت أبچي يمهم يعني مثلا شگد ينطوني على هل أسعار وشنو أشتري وشأصخم، شهالعيشة هاي عفية دگولوا موتوا وخلص لو ديطردونا من بلدنا بصورة غير مباشرة مافهمت

وحرفيًا الفلوس خلصت لأخواني ما اشتريت غير كم شغله محتاجتها مرطب وفرشة أسنان وهالشغلات، قبل أمي چانت تشتريلي كل شيء ببالي من دون ماتمنن عليه او تگلي هيچ أشتريتلج هسه حتى راتبنه بقه مينطي لأمي والله لعبت نفسي ودا أحس اريد انفجر من الوضعية تعبت نفسيتي منه حيل دا اكرهه حتى تليفوني صار رديء ويحتاجله تغيير، گلتله يگلي معليه بيج آني روحي لأمچ تشتريلج، خلاني اصفن من كلامه يعني شنو معليه بيچ كلش تعبت نفسيتي أقسم بالله والمشكلة آني بنية واحتياجاتي هواية وحتى ما يخلوني أطلع وأشتغل شسوي حرت ولعبت نفسي من نفسي

رح اكول سالفتي بس قبل لا احد يتهجم عليه ويطلعني اني مو خوش ف اقروها للنهاية القصة، اول شي اني جنت طالب طب وتخرجت وحالي حال امة محمد ومعليه بأحد ولا داخل علاقات ومكضيها بس ويه جماعتي ونسة وطلعات ودراسة وجانت احلا ايام واتمنى تنعاد كلها وذكريات تخبل جانت والبنات علاقتي بيهن طيبة وجان عندي كم زميلة ع كد الدراسة ومعتبرها مثل أختي واحترمهن وكلشي طبيعي بس اكو وحدة من ذني الزميلات جان تحجي ويايه بس بوكت الامتحان وطبيعي جان واجاوبها ع كد سؤالها وبعدين بالمرحلة الرابعة والخامسة من وحدها تحجيلي ع حياتها الخاصة وكذا واني فقط أسايرها والامر طبيعي ولحدما وصلنا للسادسة وسنة التخرج كامت كلش تلمح للزواج واني اصلا لا عندي مشاعر أتجاهها ولا شي واني ماريد اعلقها بيه واخليها تحبني وطبعاً جربت مسبقاً مااحجي وياها وتكعد دزلي وتسالني وينك وتلح وتعاتب ف المهم كتلها يابنت الناس اني ماازوج ولا مفكر بالزواج وبعدها نقطع التواصل حوالي شهرين ورجعت وراها دزتلي انه ماتكدر بدوني وبقيت يومين احجي وياها بس قليل وبعدين ماتحملت وطكيتها بوجهها كتلها فلانة ترة اني مو مناسب الج ولا افيدج شوفي شخص يشبهج وتبجي اكيد وبعدين مسحت كلشي بينا وحذفتها من كل التطبيقات وبعد اسبوع حظرتني ع التليكرام وسولفت لواحد من جماعتي بوكتها ع الموضوع وبعدين تخرجنا ومشت الايام ف صاحبي كلي فلانة خطبت وكلش فرحتلها وكلت اي الحمدلله وشافت حياتها وبعدين صاحبي دزلي التلي مالتها كلي شوف الصور واعرف هي حاظرتني كتله حاظرتني معود ف دزلي الرابط داشوف واشوفها فاتحه الحظر !!!! شنو معنى هاي الحركة الا اذا هي معناها ماتخطتني وناشره فديو ع الانستا بحسابها العام ع ستيج التخرج واكفين واني واكف وراها جنت وخطيبها جوايه ف هي بيومها اندارت عليه تشوفني وجان ناشره الفديو وعود الصدفة جمعتهم وسالوها بالتعليقات ليش انداريتي كاتبه " داشوف المسافة بيني وبين ولد معين "
🤡🤡🤡🤡🤡 بس اكول الله يساعد الي اخذها وهي جسد ويا وروح مو ويا والله يخليها تتخطى وتخلص من هذا العذاب العايشته 🤡

👋 مرحبا سوال فضولي لا اكثر للبنات اللي بعدهن بالجامعة

هل تفكير اغلب البنات انه اول ما يتخرجن يروحن يشتغلن خصوصا لتخصصات بعيد عن طبية ؟ لان اللي اعرفه تعينهم مو مركزي وميكدرن يشتغلن بصيدليات، لو غالبية البنات يفكرن بالزواج اول ميتخرجن

لان احس هذه موضوع مختلف عند شباب اول ميتخرج يروح يلكه شغل وياجل الزواج ٥ سنوات من حياته بعد تعرفون بسبب الاوضاع

ترا الستر مو بس واجب وفرض على الامرأة حتى على الرجل واكو مناطق لازم يسترونها شنو معناها أنا أمشي والكه واحد رافع ملابسه ومطلع بطنه عادي ويحك بيها؟ فوك القرف واللعبان النفس ومجبورة اشوف لأن هو بطريقي هو هم ما يستحي وما يخجل لو الكاهم يلبسون شورتات ومطلعين زرورهم من فوك الركبة لحد خصاويهم ولد القندرة جنهم ممحونات عود شنو؟

ليش ماكو تشدد من هاي الناحية ليش التشدد بس على الإناث وإذا وحدة بس ما لبست حجاب تبيحون التحرش بيها ومضايقتها؟يعني شنو إلي يفيد بيهم هذول الولد لا تحرش ولا نكدر نوكفهم نحجيلهم عبر نلزم اسواطنه وندك بيكم دك لحد ما تتعلمون؟ لو تعوفون النسوان واريدها فتاوي من المراجع العليا إلي تخص العراق بكل مذاهبهم يعوفون النسوان يلبسون براحتهم لو نلزم اسواطنه وندك بالما يحتشم

اريد اعرف شني من شعب احنه يعني نائبه وحده تسرق 61 مليار عراقي (المليار 1000 مليون) وتنسجن بس 7 سنوات يعني هاي فلوس بيها جم راتب جم تعيين انا خريج واشتغل 10 ساعات بس علمود 10 الاف وهاي عنده فلوس حتى لو عمرت الف سنه متلحك تصرفهن والتقهرك هاي مبالغ ممكن تعتبر لاشي بالروس الكبار لعنته الله عليهم

https://preview.redd.it/plq1c3f58hth1.png?width=355&format=png&auto=webp&s=c136dd23db93ee09bbdfd6ac3cefd0cbc679dcf1

السلام عليكم، اريد اماكن بالبصرة امشي بيها وما يكون بيها هواي سيارات، شنو افضل اماكن؟ بحكم ما عدنا متنزهات واحد يروح الها

واريد مقاهي او مطاعم او الافضل اماكن ترفيهية مثل المولات او السينما تكون فاتحة بين 10 بالليل و6 الفجر اكو هيج اماكن لو لا

وذكروا اذا اكو ببغداد يمكن راح اطفر الها واخلص من هاي المحافظة الميتة