u/Complex-Ad8368

بنية جانت صديقتي فترة واحترمها وماكو شي بينا وهي جنت اشوفها ممناسبة للزواج وبعدين كامت تلمح تريد تكمل ويايه علاقة حب مو بس صداقة انطيتها فرصة مرة وطلعت فعلاً ممناسبة وعفتها وبعدين رجعت ودكلي اصلح من غلطي ونطيتها فرصة اخيرة بس بعدين عرفت هي ممناسبة وخلص وكتلها اني بطريق وانتِ بطريق ونبقى زملاء ع كد الشغل وبعدين حظرتني من حسابها ع تلي والانستا وعدها حساب ثاني ع الانستا ولحد الان هي ماحاظرتني من عنده 🤔
ياترى شنو السبب وصار ع الحادثة هاي حوالي اكثر من ٧ اشهر

اني اعرك هوايه ومن اطلع ومن الحر المو طبيعي ورا نص ساعة الاحظ ظهري كله عرك ويبقى اثر ع ظهري بالملابس وكلش داضوج من هالحالة وع رغم دالبس فانيلا جوه التيشرت

ليش اكو نوعية من البنات من تحب الولد ويخططون للخطوبة والامور تمام رح تبدي تشوفه جانبها السيء قبل الخطوبة 🤣
هل أنه يعني تختبره هل صدك يحبها ويكمل وياها لو تريده تشوفه يتكرها من اول مشكلة وينسحب وليش كلما يزيد الحب بينهم يزيد النكد ع الولد

اني طبيب خريج هالسنة دفعة ٢٦ وحتى عطلة مااستمعت بيها مثل جماعتي وداشتغل اوفر لاب ( عمل تطوعي حتى اخذ خبرة ) بمستشفى حكومي وانتظر تأيدات التخرج واروح باهليات وكل هذا داسوي حتى اجمع لمهر حبيبتي واتقدملها ومتفقين ع كلشي صار كم يوم ماتحجي ويايه وبزايد نص ساعة تحجي ويايه وتروح تنام وهكذا وحتى ارجع من الشغل تعبان بالجذب مااسمع منها كواك الله و الله يساعدك
اني غلطان بشي؟
اني لا خاينها ولا حاطها بمقارنة ويه احد ومن تزعل كبل احل المشكلة وياها وحتى اهلي خابروا اهلها وحتى يزحفولي ممرضات بشغل وابد مااكللها حتى لاتخاف وعبالها احسسها بالغيرة ولا انطيهم مجال لان اصونها وهي غايبة، مو من حقي اسمع كلمة حلوة منها لو اني بيه شي؟ ومن اكلها داشتغل علمودج دكلي هذا مصيرك ورا التخرج ليش دكول هذا كله اليه دتسوي…
كلش تعبت..

اريد مكان افضفض بي وبدون ما أبين عن هويتي ومنو اني وشنو اني لان مااحب ابين ضعفي لاحد ولا اشكي همّي لأحد الا لله تعالى بس اريد احد يكلي ليش الي ديصير هيج، مبدئياً اني شاب ببداية العشرينات والحمدلله اهلي ممقصرين بشيء عليه والامور الحمدلله وبفضل الله زينة، بس اكو مشكلة صغيرة وهي بين أمي وأبويه وهي انه أبويه يغلط ع أمي كدامنا بشكل مو طبيعي ويضربها كدامنا من جنا أطفال ولأتفه الأسباب، مثلاً اليوم سمعته يكوللها ( أنتِ لو شريفة ماجان ينطوج ) ( امج ال* كحبة وابوج ال*كواد ) عذراً ع هاي المصطلحات بس اضطريت اكتبها حتى تعرفون حجم الالم الي داعيشه، ومرات هي تنصحه او تناقشه ع شغلات معينة ف من يخالفها بالرأي بدل مايكللها مثلاً مااتفق وياج أو يبين وجهة نظرة بأحترام يكعد يدعي عليها ( مثلا يكللها سم سمّج و أني اموت منج واكرهج ) وحتى من جنت مراهق سمعته يطعن بشرفها ويغلط عليها غلط مايصير الرجال يحجي ويه مرته هيج واضافة الى الضرب الي جانت تاكله وآخر مرة من كسر رجلها ومرة من جنت طفل كلي ( شوف كسرت ايد امك وفرحان جان )، مااكلكم ابويه سيء او يعالمنا هيج وبصراحة رح اصدمكم ابويه كلش مدللنا وعزيزين عليه بس هو كلش يكره أمي وتزوجها بس حتى يرضي جدي ( الي هو والده ) لان كلش يحبه ومايكسر كلمته، ف مرات اتسائل اذا انت تكرهها ليش اتزوجتها اصلاً؟ ومحد جان جابره او ضاربه ع أيده !! أمي على مدار ٣٤ سنة زواج كاعده تعيش بدمار وعذاب نفسي وداخاف عليها وعلى صحتها النفسية لايصير بيها شيء ووصلت مرحلة دكول ع روحها محلوة وتسوي عمليات تجميل حتى ترضي حضرة جنابه وهو مستمر يأذيها ووصل مرحلة وياها ماتقبل تلزم وجهه واذا تلزمه تاكل طن كتل ومدابالغ ومن جنا صغار وجانت تجي عيونها دموع وجسمها ياذيها من الضرب ودكللنا " لاتخافون مشكلة صغيرة والمشاكل تصير بكل بيت "وهاي إضافة لكذا مرة يخونها وهي من تكتشف تاكل طن كتل وتطلع هي الغلطانة ويتهمهها بشرفها، رجاءً وماريد احد يجاوز ع والدي لان مهما يكون والدي ف السؤال ليش ايويه ديسوي هيج بامي واذا جان يكرهها ليش لعد اتزوجها، ومعلومة اخيرة امي ممقصره بشيء ويه ابويه وحتى راتبها تنطي اله بنهاية الشهر واسف ع الاطالة وهذا مؤقت البوست ومن اشوف ردودكم امسحه.